اول موضوع لي بالقسم صورة متواااضعه..تنتظر تعليقاتكم

يشرفنى اكون اول من رد على موضوعك الصورة حلوة وتعديلك الالوان خلاها كأنها جديده لكن لو كنتى صوتيها على مفرش غير المفرش الاحمر كان هاتظهر اكتر وننتظر جديدك

اشكرك اختي الغاليه فراشة الايمان وفعلا انا احترت بين مفرشين البرتقالي الحالي والذهبي .....واشكرك مره اخرى اختي الغالية.

الغالية روز ، انا راح اعطيج تعليقي مع اني مو خبيرة بس يمكن اقدر افيدج بما اني عضو في نادي للتصوير الفوتوغرافي...
اولا: فكرة الصورة حلوة بس يبي لها توضيح اكثر. مثلاً لو تبرزين نقطة معينة في التحفة وذلك باستخدام الفوكس
ثانياً: اعتقد انك صورتيها بالفلاش، صح؟ الفلاش يساعد على انه الصورة تكون ثابتة لكن يقتلها من الناحية الجمالية، استاذي بالتصوير دايما يقول لي الفلاش يقتل الصورة بأنه يجمد معالمها، فيفضل انج تتمرين على التصوير بدون الفلاش راح يكون احسن وتقدرين انج تستخدمين الفلاش في حالات التصوير العائلي اللي تبين ما تفوت عليج اللقطة وتحتفظين بالصورة كذكرى.
ثالثاً: المساحات عندج كبيرة. اختيارج للزاوية حلو يعني بمعنى ثاني انتي استغليتي قاعدة التثليث وما خليتي التحفة في الوسط، لكن المساحات يبي لها تصغير شوية او انج تقريب الكاميرا اكثر عند التصوير
رابعاً: انا مااعرف للبرنامج اللي استخدمتيه في التعديل، بس حلو contrast اللي ضبطي فيه الصورة.
خامساً: تناسق الالوان اعطى فخامة للصورة وهذا شي وايد مهم وحلو لابراز جمالية الصورة.
سادساً: الصورة تبين ان فيها رجة بسيطة وهاذي يمكن تأثر على الصورة بحيث انج لو بغيتي تكبري الصورة ما راح تطلع واضحة، حاول تثبتين يدج عند التصوير او استخدمي حامل للكاميرا (ستاند) .

هذا كل اللي اقدر اعطيج اياه او اقوله، وسوري الغالية اذا وايد طولت بس كل الل اتمناه اني اعلم واتعلم ومن اخطاء الغير
شكرا.

زلابيه دلوعه مشكوووورة وكل الي قلتي خلاص تدون عندي وراح اراعي النقاط الي ذكرتيهاااا

جميلة


الى الامام

حلو

بتوفيق أختي

حلوه صارت جديده

url=http://www.servimg.com/image_preview.php?i=648&u=12306356][/url]