اليوم عملت كبسه لحم متواضعه وسهله جدا((حياكم))

حياكم غنااااتي




طبعا مثل ماتشوفو جبت لكم غذانا كبسة لحم سهله جدا ومتواضعه
مثلي <<< :o يعني سامحوني اذا تعديت حدودي بوضعها هنا هههههه
صراحه ماشاءالله عليكم طباخكم لايعلى عليه الله يسلم ايدينكم ويحرسكم
واتمنى هالطبق يعجبكم

(المهم ماكثر هدره ندخل في الموضوع )
مقاديرها
لحم
رز
بصل مقطع صغار
طماطم مقطع صغار
ملعقتين كبار زركش او حسب الكميه المرغوبه (يعطي نكهه رائعه للأكل
وهو اللي يميز كبستنا بالطعم اللذيذ )
بطاطس مقطع صغار ومقلى
2 علب صلصة طماطم الصغار (استخدمت اليوم ندى )
ونحتاج قليل من الزعفران او صفار الزعفران

بهارات صحيحه (ورق غار+هيل +مسمار +دارسين
+فلفل اسود +كمون +اي بهارات صحيحه عندكم وتحبون تضيفونها لرائحة طيبه طبعا )

بهارت غير صحيح (ملح +بهارات مشكل+رشة صغيره فلفل+رشة صغيره ليمون عماني حسب الرغبه)

الــــطــــريـــقـــــــــهـ

نعمل رز ابيض (المفروض نعمله مشخول بس اني من الكسل عملته بالطريقه المعتاده
وخليتها يجف لوحده:D )

نضع اللحم في قدر ونضيف له البهارات الصحيحه والماء ونتركه الى ان يغلي و الى ان يصبح شبه ناضج ....(يعني لم يتبقى عليه الا القليل لينضج نضوج تام )

ناخذ البصل ونضعه في قدر آخر ونضيف قليل من الزيت ونحمس البصل فيه الى ان يصبح لونه ذهبي

نصفي اللحم من البهار الصحيحه والماء ثم نضع اللحم فوق البصل ونحمسه قليلا
ونضيف فوقه الطماطم والصلصال والبهارات الغير صحيحه والملح ورشة الفلفل والليمون العماني
والزعفران ونضع فيه كمية من الماء مرتفعه
قليلا عن اللحم (لاتكثرون الماي بس خلوه يغطي على الكمخه طيب)...

بعدين خليه على نار هادئه الى نضوج اللحم تمام واذا لقيتي ان الماء قرب يجف
ضيفي الزركش على الكمخه وخليه مغطى مدة 5 دقائق فقط ........

بعدها نضيف البطاطس المقلي فوق كمخة اللحم اللي عملناها
بعدها نجيب الرز ونحطه بالتدريج فوق الكمخه ونخلطه بهدوء حتى لايتكسر الرز
واذا خلصنا نحطه على نار هادئه دقائق فقط الى ان يجف الماء

وسمو بالرحمن وبدو الاكل وعليكم بالف عافيه .

تحياتي
اختكم ام حسين