متى نتعرف على قدرات أطفالنا ؟

متى نتعرف على قدرات أطفالنا وفي اي سن يتضح لنا قدرات أطفالنا العقلية ؟

وهل الذكاء وراثة كما يدعي البعض ؟

هل ينتج الذكاء عن طريق التعلم ؟

أسئلة كثيرة تدور في بال كل أم او بعض الأمهات

عن نفسي شخصيا دائما يدور في بالي كيف أعرف قدرات بنتي ومدى استجابتها للتعليم والتعلم وهل لو اني بدأت معها حاليا في هذا السن وهو 3 سنوات بالتعلم واكتشفت بعض القدرات لديها هل يعني ذلك انها تمتلك قدرات ممتازة ام فقط لاني علمتها هالشي وبحكم سنها حفظتها ...

اشتريت لبنتي افلام تعليمة بالرسوم المتحركة على دي في دي والعاب نيو بوي التعليمية يعني وبعض الالعاب ومعظمها تعليمية ومن خلالها ما شاءالله تبارك الله عليها تعرف الاحرف الانجليزية والعربية تعرف الالوان بالعربي والانجليزي بعضها مو كلها والارقام ايضا ومن خلال الاشرطة تعلمة بعض الكلمات الانجليزية كلمتين او 3 تقريبا والرياضيات تعرف ماشاءالله عليه ربي يحفظها في الشريط يعلمهم الاشكال الهندسية وعرفتها وايضا التوصيل بين المتشابه يعني اشياء بسيطة وافكر ادخلها الروضة ان شاءالله تعالى فحابة اني اواصل معها عشان تنمى عندها الذاكرة لانها بنتي الوحيدة وابا اهتم فيها فالي عندها طرق تعليمية تخبرنا اكيد عندنا امهات بناتهم واولادهم ماشاءالله متفوقات ومتفوقين وفي مراحل مختلفة فيعطونا من خبراتهم ..

والأهم من كل هذا نعرف كيف أقدر أعرف قدرات طفلي ..

والأهم والأهم نحرس عيالنا من العين والحسد تصدقون كثير أخاف على بنتي لانها تتكلم ماشاءالله عليها وتلقط الكلام والحركات تبارك الله وأخاف عليها من هالشي خاصة عند ناس معينين وبقدر الامكان أقرأ عليها المعوذات وآية الكرسي وهذي نصيحة لكل أم لأني ألاحظ ان في زمن الحين الحسد زاد كثير ليش ما تعرف

الله يحمي عيالنا من كل حاسد وظالم وغيور يارب