كيف اتصرف معاه

حبيبتى فى رجاله كتير كده بيحسو بالخنقه جوه البيت صدقينى حتلاقيه كده قبل ما تتجوزو يعنى مش متعود ع الخنقه حاولى تحببيه فى جو البيت بس متحاوليش تخنقيه عشان النوع اللى بيحب الخروج والاصحاب بيحس ان مراته خنقاه لو علقت على تصرفاته حاولى برقه ودلع تحسسيه انك محتاجه تسهرى معاه تتكلمى معاه ومتحسسيهوش انك متضايقه عشان ميحسش انك حمل عليه ويقول يا ريتنى ما اتجوزت حاولى دايما تكونى انتى الطيبه والرقه والحنان يا رب تكونى استفدتى ويا رب يسخرهولك ويبقى احسن من اللى انتى عايزاه ويا رب يخليلك بنتكم ويباركلكم فيها

والله يا أختي حالي من حالج بس الفرق أني طنشته قمت أملي فراغي بأشياء تخصني أونس نفسي بأي شي تلفون تلفزيون كمبيوتر أطلع عند أهلي أسوي أي شي اتصدقين الوقت المفروض انه يكون فيه وياي قام يعوضه معاي الصبح يعني أكثر شي فالاجازات وبعد الظهر بس ما قمت أسويله سالفه بصراحه مليت هههههههههههه

رياييل اّخر زمن ههههه لا تزعلين حاولي اتفهميه انج تترينه وقولي له لا تتأخر ترى ماأيني نوم ألين أتي

الله يسعدج

الله يعينج أختي .... أمممم ما أعرف شاقولج بس لازم تيلسين وياه يلسة صراحه وتتكلمين وياه في هالموضوع بهدوء.. وحاولي تخصصين يوم في الاسبوع يكوت لج بروحج لا ربع ولا أهل ولا خرابيط يعني خلي بنتج عند اهله او الخدامه وطلعي وياه لبسي واكشخي احلى كشخه وأطلعي اسهري معاه تعشوا في مطعم وبعدين دشوا السينما اخر الليل وادلعي عليه ويوم بترجعون البيت لبسي ملابس نوم حلوه وقعدوا مع بعض سولفوا او ذكريه بالمواقف الحلوه الي صارت في الطلعه ...وانشالله بيتغير :) ....الصراحه انا هالي متبعتنه مع زوجي والحمدلله رب العالمين وناسه الصراحه (بس المشكله في فرق بين ريال وريال)..... ربي يوفقج ويصلحلج زوجج.

حبيبتي ryame لا تزعلين ولا تظيقين خلقج ... هذا حال أغلب الرياييل يعني هذا الشي طبيعي عند الريال ... ريلي قبل أول ما تزوجت كان دايما يقول لي الريال مكانه بره البيت وكنت نفسج كله زعلانه وماخذه على خاطري منه وأبيه يهتم فيني ويقعد معاي ولا طلعت بأي نتيجه من المشاكل ... أما الحين لما كبر مل من ربعه وكله قاعد في البيت ومجابلني لدرجة إني زهقت لأنه خانقني ويحاسبني على كل شي في البيت حتى لو بشبك على النت أو أشوف التلفزيون بالحسره كأني حراميه ولازم بدون ما يدري وكله يبيني أقعد أجابله وأهتم فيه وبطلباته بس ... قمت أتهرب منه وأتمنى يطلع مثل أول ويروح مع ربعه للديوانية أو أي مكان بس على الأقل آخذ راحتي وأسوي أي شي بخاطري ... حاولي تشغلين وقتج بأي هوايه أو تطلعين بره ولا تقعدين فاضيه على الأقل تشتاقون حق بعض بدل ما تجابلون بعض 24 ساعة ... صدقيني إنتي بنعمه مو حاسه فيها وراح تذكريني بعدين وتذكرين كلامي ... أقولج على طريقة حاولي تسوينها يمكن تنفع مع ريلج كلميه كأنج تترجينه وإنتي حزينه ويائسه ، قولي له حبيبي الله يخليك لي حاول تيي البيت بالليل مبجر لأني أشتاق لك وايد حتى لما أنام وإنت ما ييت البيت كل شوي أقوم مفزوعه من النوم وأدورك بالفراش وإذا ييت وأنا نايمه لمني أو إحظني علشان أحس إنك ييت وأنام وأنا مرتاحه بحظنك ... الله يريح لج بالج وطمنينا عنج ...