اريد ان اتعلم اللغه الانجليزيه

انا بعد ودي اتكلم بلبل ..مو اركب الكلمات حبه حبه ..الله يعلم تطلع صح ولا غلط

وما احب اتعلم الجرامر.. ابغي محادثة فقط

هئ هئ هئ هئ حتى أنا خااطري اتعلم أبا أيب شي شي في السيبا000

:( الله يكون بالعون :confused:

بالنسبة لأخت سحر أحسن معلم لها في البيت هو التلفزيون!!
تقدر أتابع البرامج و المسلسلات الأجنبية الهادفة وتركز على الكلام اللي تسمعه مع الترجمة !!
هذي أقل شي تقدر أسويه ما دام هي ما تقدر أ تروح أي معهد!
وممكن تبحث عن كتب تعليم انجليزية خاصة مع أشرطة تعلمها الكلام!
بس أهم شيئ أنج تحبين اللغة وتمارسينها على الأقل بين فترة والثانية عشان ما تنسينها!!
ومن تجربتي الخاصة في تعلم اللغة أكثر شيئ أستفدت منه هو البرامج و مسلسلات التلفزيون!!

أختي-بأجرب حظي- طبعا لما تعلمين المحادثة أكيد بتعلمين الجرمر معاها لأنهم مرتبطين مع بعض!!
وأحسن طريقة أكتشفوها لتعلم الجرمر-القواعد grammar- هو يكون بالأستماع أكثر شيئ !!
فلما تسمعين هذه الجملة مثل:She are a girl.أنت بروحج بتعرفين بسرعة أنه الفعل غلط لانج سامعتها دايما تنقال,بهالطريقة:!!She is a girl
وأنشاء الله أكون أفدتكم ولو بشيْ بسيط يا عزيزاتي!!
:Zd_bye_3:

تسلمين حبيبتي

ومشكوووره ما قصرتي

وعليكم السلام ورحمة الله وبركاته

ما شاء الله عليها اختي Green Salad ما قصرت
الف شكر لها طبعاً..
بس احب اضيف انه كمان عليك بقراءة القصص الانجليزية بكثرة
ابدأي بالتدرج من القصص اللي كلماتها سهلة وهكذا .. الى الاصعب
وان شاء الله مع مرور الوقت بتفهمين اللغة بسهولة ..
هذا بالنسبة للفهم .. اما الكلام فحاولي داايما تتكلمي انجليزي وتطبقي الكلمات اللي تسمعينها من التلفزيون ..
اتمنى لك التوفيق غاليتي سحر4.. واتمنى اني اكون افدتك ولو بالقليل..

اختــك
لبنـى

مشكووووره اختِ

والله يعطيج العافيه

وما قصرتي

رجاء مراسلتى ع الخاص او رسالة ببريدى

لانى حاولت ارسلك سحر و جربى حظك مش عندكم خدمة انى ابعتلكم رسايل خاصة :confused:

السلام عليكم ........... صراحه انا ما عندي برنامج لكن في كتب مررررررره مفيده بالعربي تعلمك انجليزي وكثير ناس تعلموا منها انا باعطيكي فكره عنها وانشا الله تناسبك
حبيباتي ............. اللغه تتكون من ايش >>>> سوال سخيف صح
المهم اللغه تتكون من مفردات وقواعد وتتحسن وتتطور من خلال القراة والتحدث ........ فعشان كذا انصحكم انكم تحفظون كم معين خلال اليوم مثلا عشره كلما ت راح تلقون انكم حفظتم 300 كلمه بالشهر
ثانيا القواعد ......... راح اقول لكم عن كتب انشاء الله تفيدكم ..... القواعد تاخذونها وتحلون تمارين
الكتاب اسمه استمع وتعلم لمحمد عاطف مجاهد اذا كنت بالسعوديه تلقينه بالعبيكان وقميته جمله 200 على ما اظن ومفرق ما ادري بس رخيص هوا عباره عن سبعه كتب كل كتاب معاه اشرطه الكتاب الاول لمفردات مهمه بس تحفظينها والثاني لطريقه الاسئله والثالث التحايا والتقديم والخامس والسادس للازمنه والسابع للجمل الشرطيه والمبني للمجهول ................... وهوا صراحه مهم ما اعتقد في بيت يقدر يستغني عنه ............ انتى اشتري الكتاب الاول واذا عجبك اشتري الباقين
بعد ما تخلصين من هالكتب خلاااااااااااااااااااص انتي متحدثه بالانجليزي ميه الميه روحي اشتري كتاب اسمه الاستاذ بخمسين ريال هذا الكتاب مفيد فيه جميع القواعد وفيه كلمات اكثر واكثر لكن لا تشترينه الا بعد الكتب السبعه لانك ما راح تفهمين شي منه وهوا يشرح بالعربي ومعه اشرطه برضوا
ثالثا القراه ............ مثلا باليوم نصف ساعه تقراون قصه انجليزيه وراح اعطيكم موقع فيه قصص تقراونها طبعا هيا قصص صغيره
تفضلوا
http://go.3roos.com/uIuIcHAmn56
فيه عندي مواقع كثير بس الوقت ........... لانو عندي امتحان
التحدث .......... وهذي طبعا تتطبقونها مع اخواتكم وامكم عااااااادي بالبدايه راح يضحكون لكن بعدين تلقونهم يقلدونكم
اخيرا الاختبار وهذا الجزء بما انكم عندكم نت راح يتم عن طريق المواقع الاجنبيه تشوفين مستواكي واذا طبقتي اللي قلت لك عليه والللللللللللللللله راح تتطورين بسرعه ......... يعني كل فتره تختبرين نفسك
راح اعطيكم مواقع الاختبار
تفضلوا
http://go.3roos.com/UZIsWz3uBm7
والله اتمنيت افيدكم اكثر من كذا لكن انا عندي امتحان ..............انا صراحه ما اعرف برامج ................. واشتريت مره برنامج سي دي وندمت لانو ما رضي يشتغل على جهازي اشتريت برنامج الكافي والى الان زعلانه .......... خساره فلوس بس
هذا ردي لا حد ى الاخوات اتمنى انك تستفيدي منه

تسلمين والله وما قصرتي

والله يوفقيج