اخوي ومرته وين يروحون وليش اسوون جذي والله كفايه لي متى ؟

مغروره بس مجبوره;6468805:


واكثر المشاكل في قسم قضايا وحلول الاحظه بسبب الحماه وبناتها

مغروره بس مجبوره;6470054:
اختي مريم نور اول شي انتي دشيتي صفحتي عشان تييبن رايج والا تنتقدين الموضوع
ثانيا انه مو محتاجه دعم حق وجهه نظري لانها تعتبر راى وبخصوص ملاحظتي عن كثره مشاكل الحماه هاي شي انه اشوفه جدامي وطبعا مشاكل الزوج اكثر على قولتج بس بعد الحماه كثيره (((ومو هذا موضوعنا الاساسي)))
عالعموم مشكوره ع المرور

مغروره بس مجبوره;6468805:
اشلونكم بنات ان شا الله بخيررر
بدش في الموضوع ع طوول بس نبي تفاعل وتجاوب في هالموضوع للافاده
حبيت اتكلم اليوم عن موضووع اشوي حساس اهو موضوع الاخ وزوجته او الولد ومرته
وهاي مشكله كثير من البيوت انه استغرب من بعض الامهات يوم اتزوج ولدها وتتعب عليه وكل شي وعقب العرس بكم يوم اتقوم تشتغل عدل على زوجته ليش تعطيها وانا لا وليش تسوي لها وانه وخواتك ماتسوي لنا شي وزوجتك قالت وسوت واكلت ومايخلون شي يعني الا ايسوون بينهم مشاكل وياما افترقو ناس بسبب الاهل انا ابي افهم ليش اتزوجينه وبعدين تنكدين عليه وعلى زوجته وليش اتزوجته المفروض الام لوتبي راحه ولدها اتخليه وزوجته ايعيشوون حياتهم مثل مايبون

اقول لكم سالفه اختي وخالتها

قبل العرس كانت خالتها اتيي بيتنا ويا زينها الكلام الحلو وانتي في عيوني فديتج ومن هالكلام وكنا انقول حق اختي ياحظج خالتج مشا الله عليها واختي وووايد هادئه وما اتحب المشاكل
وصار العرس وثاني يوم في العرس خالتها المسكينه الطيبه قامت طلعت انيابها هههههههه اطلعت وحده ثانيه كانت اتسوي مشاكل وتكذب على زوج اختي و ول ول ول لواقعد احكي لكم اش اتسوي ماراح اخلص لين الصبح

والله مادري اشلون الوحده تتعامل مع حماتها اذا رفعت صوتها عليها وصارخت الزوج راح يزعل على امه واذا سكتت راح اتروح فيها

وحده مااذكر اسمها في هالمنتدى اتقول ان حماتها عضتهااااااا والله العظيم انصدمت

واكثر المشاكل في قسم قضايا وحلول الاحظه بسبب الحماه وبناتها
وفي بعض البنات اتزوج اتروح بيت زوجها وبعد كم يوم حماتها تعطيها السكين والبصل وتقول لها يله ابدئي الشغل عالمطبخ يه يه كنها خدامه مب زوجه لا والخدامه احسن عندها راتب خخخ حمد لله والشكر
بعض البنات تزوج واهي يا زينها حلوه وف عز شبابها من كثر ما يكرفونها (يشغلونها ) في بيت زوجها بعد كم سنه من الزواج اهي عمرها 20 اللي ايشوفها ايقول 30 سنه عمرها من كثر الارهاق بعض البنات ايبيننون اكبر من الزوج
وانا ما اقول ان الشغل مب زين بالعكس الشغل صحه ويشيل الملل بس الشي اذا زاد عن حده اقلب ضده
مره وحده ربت وكانت اترضع ولدها طبيعي 3 شهور وحماته منعتها من الرضاعه الطبيعيه عشان الرضاعه اتاخرها عن شغل البيت

بعطيكم نصيحه من ذهب (( لا تكوني كالشمعه تحرقين نفسج عشان اتجيب النور للناس ))

لو اتم اتكلم عن الحماه يدي بتنكسر وما خلصت خلنا الحين اندش في سالفه خوووووات الزوج
وااااااااااااااااااه من خوات الزوج مثل الحيات داخل البيت طبعا مب الكل هاي البعض او الاصح الاكثر
ايجون ايقولون حق اخوهم كل صغيره وكبيره وبعضهم يستانسون يوم اتصير مشاكل بين اخوهم ومرته وياما فرقو هم المفروض الوحده اتحس لو اهي مكان مرت اخوها ماتحب احد يدخل في حياتها

وهاي سالفه ثانيه
وحده خوات زوجها يتدخلوون في كل صغيره وكبيره حتي يوم زواجهم يوم الدخله يعني تخيلووو اش صار :ss: كانو كل شوي يدقون عليهم الباب ايقولون حق اخوهم ها خلصتوو اش صار بشرنا ؟؟؟؟؟
والله عورت قلبي يوم كلمتني بس اهي ما قصرت طلعت لهم وسبتهم وتهاوشت وياهم

المره السنعه الذكيه اهي الي ماتكلم حماتها ولا خوات زوجها عن اي شي ايصير بينها وبين زوجها لو وشو تحملو

وانا من رايي ان الوحده من البدايه تطلب بيت مستقل احسن لها ولزوجها وتفتك من عوار الراس

والله يا بنات ان في وحده زوجها يوم يبي ايجيب لها عصير واهو جاي من برع ايخبي العصير في الحوش واهي اتروح تشرب اهناك لانه لو يدرون انه يعطيها يا ويله حسبي الله عليهم ما يخلونها تتهنا في اللقمه

الزوجه الذكيه يوم اتقول حق زوجها يعطيها شي اتقول له عطني واحد وامك واحد كيف ما كانت حماتها حتى وفي بينهم مشاكل لانها امه ومايصير تمنعينه وبهاطريقه راح تكبرين في نظره
وتاخذين الاجر بعد اما خواته مب ملزومه تعمل لهم حساب

و حنا الحين نبي انفيد بعض كل وحده اتدش وتعطينا افكار او طريقه صحيحه للتعامل مع الحماه وخوات الزوج عشان اللي عايشه في هالجحيم تعرف تتصرف وتتعامل معاهم من خلال افكاركم وتجاربكم
والله ايوفق كل عروووس يا رب