ابـــــــــوي وصور اباحيــــه !!

s4everk;6468141:
هلا حبيبتي .....

الله يعينكم ويقوي صبر امك .....

امك حرااااام لا توصلونلها خبر وانتو امسحو كلللللللللل الصور اللي بالاب وهو كذا يعرف اناحد عرف باللي يسويه ...........

وبس.......... انتم مالكم الا تدعونله بالهدايه ياااااارب ..

وان شاء الله البنات يفيدونك اكثر مني ...

**جوري أحمر**;6468524:


والله ماادري وش اقول لك
بس عاد ابوك ..يعني صعبة
طيب عندي فكرا مدري تعجبك او لا
قولي جنبه واتفقي مع خواتك

قولي ..تصدقون وحدة من رفيجاتي تقول انها شافت في لاب توب ابوها اشيا مو زينة...بس عاد لاتحددين وش هي هالاشيا..عشان ما يشك
وحاولوا دايم تشغلونه بجلستكم معاه وقت فراغه

حبيبتي اذا تشوفين فكرتي حلوة ..سوي اللي قلت لك ..ولي رجعة بعدين

الإمـــ بنت زايـد ـــــارات;6468534:
الله يكون في عونكم ...

والله يهديه //

ربي يحفظكم ...

@عذابي@;6468591:
الله يعينكم الصراحه

انا رايي من رائ اخت جوري احمر

يمكن احسن حل

والله يهديه

بحرينية وأفتخر;6469185:
أحسهــا مثل السهــم اللي يخلــي القلب ينززززف من داخلـــه

بحرينية وأفتخر;6469185:
او اذا انتو صريحين ويا أبوكم وعلاقتكم مثل الصديقات وياه وتصارحونه بكل شي بإمكان اختكم الكبيرة تطلع معاه طلعة خاصة وتتكلم وياه في الموضوع وتقول له :

"أبــوي انت المثل الأعلــى لنا في الحيــاة وانت اللي ربيتنا وكبرتنا وعلمتنا الصح والخطأ وخليتنا بنات محافظات على أنفسنا بمعنــى الكلمــة احنا مانقدر ياأبوي نجوف للي جفناه بعيوونــا في اللاب توب وتفتح وياه الموضوع هذا" هذا في حالة إن علاقتكم وياه كلوززز جدا جدا جدا وتعتبرونه اخ وصديق مو أب فقط.. احنا مانبي نكون عايلة متشتتة لاسمح الله في آخر عمرنــا .. نبي مثل ماكنا صغار نتم مرتابطين وإحنا كبـــار..

هذا اللي يجول بخاطري حاليا .. ماادري والله شنو اقووول يمكن الحلول مب صح بس الشي صعب والله وماحبيت ادش ومااكتب شي..

ادعو له بالهداية في كل وقت وفي كل صلاة ...

دريم ويب;6469334:
الله يهديه يارب .. هاذي يسمونها مراهقه في الخمسين اعوذ بلله

وردة الدوحة;6469379:
ادعو له الله يهديه ويصلح حاله

آخر العنقوود;6470029:
ادعــوا لـــهـ بالهدايــــــــــهـ

بدور الليل;6470140:
والله مدري ايش اقول لك بس اتوقع احسن شي انكم تعلمونه انكم تدرون..

اقعدوا معه انتوا الثلاثة و قولوا له (انت ما قصرت معنا بولا شي وعلمتنا و ربيتنا على احسن الاخلاق و زرعت فينا افضل الخصال و علمتنا على الصراحة و احنا جايين نصارحك,, انت مثلنا الاعلى في الحياة و انت ابونا وما لنا غنى لا عنك ولا عن امي,, انت يا ابوي لك غنى عنا؟؟) اكيد هو بيقول (لا) قولوا له (لك غنى عن امي؟؟) بيقول (لا) قولوا له(طيب وش حاجتك لانك تشوف صور اباحية,, امي مقصرة معك؟؟) لا تعطونه فرصة يجاوب و كملوا قولوا له (كلنا نغلط يا ابوي والشاطر هو اللي يعرف غلطته و يصححه و يرجع للصواب,, يا ابوي انتي في طريق خراب و احنا ما نقدر نشوفك و نسكت ارجوك ارجع,, يا ابوي الدنيا دوارة و كما تدين تدان و اخاف يجي يوم ربي يعاقبك على اللي تسويه و يحرمك من اجمل ما في حياتك او يصدمك بواقع) و عاد كملوا من عندكم


شوفوا انتوا تشاوروا و سووا اللي تشوفونه صح

زهرة اللافندر;6470470:
حبيبتي هذا ابوج مهما يسوي وهو انسان ناضج ولا يحتاج حد ينصحه ويمكن النصيحة تخليه يتمادى من الاحراج ويمكن تتغير معاملته لكم ..
نصيحتي لج انكم ما تكلمونه لانه عيب ومثل ما يقول الدكتور طارق سويدان لو الاب شنو يكون العيال لازم ما يحاسبونه على افعاله ..
شوفي انتو سوو نفسكم تسولفون قدام ابوكم انه في شفره تقدرون تحطونها في الكمبيوتر وتطلع كل الصور المخزنه من مليون سنه في الكمبيوتر وهذا كلام صحيح... يعني قطو نقزات عليه عشان يحس بس بدون التقلييل من احترامه ..وترى اللي يسويه ابوكم صج انه حرام بس ما ننسى ان احنا في زمن الفتنه والملتزم في هذا الزمن شبهه الرسول (ص) كالقابض على الجمر ..ادعوا له بالهداية ولا تفتحون الموضوع مع امكم نهائيا لان السالفه فيها هدم بيت..واذا ابوكم ماحس من النقزات بشي هني لازم اكبر بنت فيكم تكلم ابوكم وتبين له انها الوحيده اللي تدري عن الموضوع وتكلمه باحترام بدون ما تقلل من احترامه يعني لا تبينون له انكم كلكم تدرون لان هذا الشي بيجرحه ..

dony???;6470620:
حملى درس عن حرمة هذا الشىء وضعيه ع الديسك توب وسميه عقاب الزنا واتركيه يسمعه

واذا ما فتحه افتحيه انتى وهو قاعد وعلى صوته عشان يسمعه

دلوعةحناني;6471263:
حبيبتي الغاليه
انتي بعدك صغيره وما تعرفين حق الاب
غلط تتضايقون منه وحرام عند رب العالمين تدرين وله لا؟

دلوعةحناني;6471263:
ويمكن لو لمحتوا له او قلتوا لامكم تأججون مشكله لها اول مالها اخر وتحسسونه انكم كلكم ضده فيتوصل الامر لطلاق امك او خيانته لها علانيه بدون خوف او قلق لان الكل صار يعرف بالعكس اسكتوا وربي بيهديه وخلوه يخاف من فكره فضحه امامكم وتكون نقطه ضعف له وما يتجرأ يتطور بالغلط اكثر
الله سبحانه وتعالى امرنا بالستر على عيوب الاخرين وعدم احراجهم فما بالك بأبوك الي رباكم وتعب عليكم
لا تحرجينه ولا تلمحين ولا اى شي نهائيا لان بتسوين شرخ كبير بعلاقتكم فيه كأب وكمثل اعلى لكم
ادعي له بالهدايه وبقلب صافي وبحب والله ما بيردك خايبه بأذنه تعالى
وهذا ابوك مهما فعل او غلط حقه الاحترام والحب والتبجيل..
ويمكن فتره وتعدي ويرجع لصوابه فلا تتسرعون .
تحياتي

**ام يارا**;6473135:
حبيبتي الله يعينكم ويهدي ابوووكم ,,,
بس معقووله هو ماانتبه ان في احد يمسح الصور ؟؟؟
والبنات ماشاء الله كفو ووفو ,,, الله يبارك فيهم

تحيااااااااتي

موشومة بجرح;6473339:
الله يعينكم اختي ويهديه
شوفي الطريقه هذي انا اسويها لابوي

دائما ارسله رسائل على الجوال تذكير بربه وعقاب ربه واكثر شي اخذ من كتاب لاتحزن لعائض القرني

وربي روعه انا مااقولك انه تاب وتركها بس تغير كثيييييييييييير عن اول واهم شي مايسوي الخطا قدام اخواني وخواتي ..

((واذا ابتليتم فاستتروا ))

جربيها ولا تنتظرينه يكلمك بموضوع الرساله بس هو بيفهم..

ومره انشغلت ببيتي ولا صرت ارسله مع اني كنت ارسل له بين فترات لايكثر عن اسبوع بعد انقطاعي عنه

يقول لامي فلانه ماعاد ترسل رسائل وهي كانت تشجعني برسائلها بعد ماقالت لي امي عرفت انه يهتم لرسائلي وتغير فيه شي..

الله يوفقك اختي واهتمي بخواتك الصغار ترى يتأثرون فيها..