بوشنيتر/العنقز/الجديري المائي شوه شكلي روح البحرين..بنت عذاري والبنات"ساعدوني"

M

Mrs. 7ala

عروس متألقة

28-06-2008 | 03:55 AM

مرحبا بنات شخباركم ان شالله مرتاحين..

مشكلتي اللي متعبة نفسيتي هي آثار العنقز/بوشنيتر..

جاني وخلصت منه عقب الشين

وسوالي آثار فظييييييييعة على ويهي وجسمي

مع اني مالعبت بالحبوب ولا قشرتهم

بس انا اي حبة تطلع لي لازم تخلي لها ذكرى

والحين صرت منقطة (ابيض وبني) والسبة هالحبوب

والله تشوه شكلي واخاف ان الآثار ماتروح...

فأتمنى انكم تساعدوني خصوصاً ان توني متزوجة

مامداني خلصت شهر العسل وصادني.....

وقاعدة في بيت اهلي وزوجي يحن من متى يقول ارجعي

مع انه ماقصر مسكين يوم مرضت استحملني وااايد >>>صرت واااايد عصبية بسبة

شكلي والمرض تعبني واايد

وآخرتها خليته بروحه وقعدت بيت أهلي...

أتمنى من بنت عذاري وروح البحرين وصاحبات الخبرة يلقون لي الحل العاجل

لأني إذا تميت على هالحالة بكسر مرايا البحرين كلها..

وعقب بدور عالخليج..واحتمال افكر في العالمية بعد.....

وتحملو النتايج:D:D:D:D:D:D:D

د

دلوعةحناني

مشرفة سابقة

28-06-2008 | 04:29 AM

هههههههههههههههه
حبيبتي لا مشكله ولا شي لا تكبرين السالفه
كلنا جانا العنقز وحنا صغار وما بقى له اى اثر نهائيا ما عدى الي لعبنا فيهن بقت حفر بسيطه ومش واضحه ولونها نفس لون الجلد
بس انتي جاك وانتي كبيره تحملي شوي صدقيني هي سنه وحده واتحداك تشوفي اثر واحد في جسمك
حبيبتي سبحان الله هالمرض على قد ماهو مزعج وسريع الشفاء واثاره مقززه ومرعبه في البدايه
الا ان سرعان ما تزول بقدرة الله عزوجل بس انتي حاولي لا تحطين اى كريمات صدقيني هو بيروح لحاله
انا ما بقى عندي الا حفره صغيره مره نهاية حاجبي ولا عاد تبين الا ااذ ا دققت النظر فيها ولونها زي لون الجلد
مع اني اتذكر اني تشوهت وعمري 11 سنه تلعوزت وربي الحبوب تخرع هههههههههههههههههههه
اصبري وترى هو زي سواد الحمل والولاده سنه ويروح نهائيا
تحياتي

ن

نوال33

عروس ذهبية

28-06-2008 | 05:45 PM

اعملي بحث عن طريق القوقل عن وصفات لخبير الاعشاب يوسف الشرفاء هو ذكر وصفة خاصة تقضي تماااااما عن اثار اه وقال انها مجربة منه شخصياااااااااا .

لو عثرت فيها راح انزلها لك لكن اعملي محاولة بحث وان شاء الله تلاقيها

ر

روعة الشمال

عروس رائعة

28-06-2008 | 05:56 PM

يالغلا لاتخافين من الاثار
انا صاب اختى وهي صغيره

واللحين مشاء الله عليها
ماعندها ولا اثر

وكمان صاب ثنتين من بنات خالتى ولا بقي عندهم ولا اثر

يروح لاتخافين

t

the queen82

عروس رائعة

28-06-2008 | 06:04 PM

لا تخافين الثار ترووح ويا الوقت صاندي كبيره حتى كنت مخطوبة اتخيلي لكن ويا الأيام يروح الأثر

M

Mrs. 7ala

عروس متألقة

28-06-2008 | 06:20 PM

دلوعة حناني

مشكووووورة اختي عالمرور بس سنة وااايد:confused::confused:

شيصبرني على هالآثار سنة انا ابي حل يوديهم في خلال اسبوعين شهر ولا

شهرين بالكثير بس.......

M

Mrs. 7ala

عروس متألقة

28-06-2008 | 06:21 PM

نوال33

مشكووورة حبيبتي

وياريت تلقين الوصفة وتطرشينها لي وانا بعد بحاول ادورها

وان شالله القاها

يسلموووو(f)(f)

M

Mrs. 7ala

عروس متألقة

28-06-2008 | 06:23 PM

روعة الشمال.....

the queen 82

تسلمون حبيباااتي عالمررررووووووور... (f):15:(f):15:

وان شالله تروح الاثار بسرعة لاني تعقدت منهم....

M

Mrs. 7ala

عروس متألقة

28-06-2008 | 06:30 PM

مشكورين بنات ..

. بنت عذاري وروح البحرين أدري انكم مشغولين

وعليكم طلب:D:D:D

بس أتمنى تردوووون علي بسرعة وادري انكم ماتقصرووون مع البنات...

واي وصفة باسمكم الواحد يستخدمها بثقة وهو مرتاح ومتطمن وضامن النتايج...

فشوفولي وصفة من وصفاتكم الرهيبة ياوردات المنتدى....

&

& نعناعه &

عروس رائعة

28-06-2008 | 07:58 PM

ساعدوها وساعدوني معاها بسرعة بليز

ا

العنبورة

عروس مبدعة

28-06-2008 | 09:32 PM

فديتج والله وانا بعد توة جايني من فترة صار لة سنتين والله ولاراحت الاثار تمت مثل ماهي بس خفت لونها

بس مبين انها اثار بجسمي وانا اشتكي بعد منها ..

حاسة فيج وان شاء الله نلقى الحل

ك

كايدة

عروس مشاركة

30-06-2008 | 06:54 AM

قرأت في أحد المنتديات عن استخدام غذاء ملكات النحل لآثار الحبوب

تقول الاخت ان الآثار راحت في اسبوع <<<<<<<<<<<<< تخيلوا

وكانت طريقتها تغسل وجهها قبل النوم وبعدين تحط على الوجه كامل من غذاء الملكات

وتنام وتغسله الصباح

على فكرة غذاء الملكات ممكن تجيبينه من وادي النحل (خذي النوع السائل لان فيه بودرة )

بصراحة ودي اجرب الطريقة لاختي لانها توها قبل شهر جاها العنقز وباقي فيها آثار

بس هي ما ترضى تجرب اي شي وعجازة بتحط يومين وبعدين بتخليه هههههههههههههههههههه

اتمنى اكون افدتكم يالغاليات

ن

نوال33

عروس ذهبية

02-07-2008 | 05:32 PM

بنات هذي وصفة خبير الاعشاب يوسف الشرفاء

بذور فجل مطحون ناعم جدا مخلوط بعسل نحل اصلي واذا طلع ثقيل يخفف بماء الورد
وهذي الوصفه هو الخبير مجربها ويقول راحت كل الحفر اللي بوجهه

ياالله ياحلوااااااااااات ما تنسوني من صالح دعائكم

اله يرزقني ستر وخير الدنيا والاخرة ويرحم والدي ويسكنه فسيح جناته واموات المسلمين اجمعين

ر

روح البحرين

مشرفة سابقة

05-07-2008 | 09:28 PM

اختي شوفي هل وصفات لو استمريتي عليها راح اتفتح الآثار انشاءالله

هنا

وممكن اتروحين عند طبيب جلدي مختص ايسويلج تقشير باحماض الفواكه او بالليزر بس ماانصحج اتسوينه الحين بالصيف

M

Mrs. 7ala

عروس متألقة

05-07-2008 | 09:45 PM

العنبورة;6468456:
فديتج والله وانا بعد توة جايني من فترة صار لة سنتين والله ولاراحت الاثار تمت مثل ماهي بس خفت لونها

بس مبين انها اثار بجسمي وانا اشتكي بعد منها ..

حاسة فيج وان شاء الله نلقى الحل

تفداج العافية ياقلبي

عيل اكيد حاسة بالمعاناة اللي انا فيها

جاني قبل اسابيع >>>عقب شهر العسل على طول ماتهنيت:confused::confused:

والاثار تخرررررررررع انا صرت اكره اشوف جسمي.....

يلا انشالله تروح هالآثار وتصير ذكرياااات...

M

Mrs. 7ala

عروس متألقة

05-07-2008 | 09:48 PM

كايدة

نوال 33

تسلمون حبيباتي عالوصفات ....

يعطيكم العافية بابعد جبدي...

M

Mrs. 7ala

عروس متألقة

05-07-2008 | 09:59 PM

روح البحرين;6537400:
اختي شوفي هل وصفات لو استمريتي عليها راح اتفتح الآثار انشاءالله

هنا

وممكن اتروحين عند طبيب جلدي مختص ايسويلج تقشير باحماض الفواكه او بالليزر بس ماانصحج اتسوينه الحين بالصيف

فديت قلبج انا تسلمين يالغالية على ردج

هذا العشم فيج ياوردة البحرين....

أنا بجرب الوصفات اللي ذكرتيهم..... وان شالله خير

وإذا الآثار عندت وماراحت وهذا اللي انا خايفة منه

مالي الا التقشير....

بس مادام هالوصفات منج ان شالله بيجيبون نتيجة

مشكورة يالغلا وماقصرتي(f):15:(f)