فكره خطيره للي حابه تحتفل بمناسبه خاصه مع زوجها

السلام عليكم خواتي..

من فتره حطيت موضوع استفسر فيه عن افكار احتفل فيها بعيد زواجي في دبي... ماقصروا الخوات بس مالقيت مقصدي..

تميت ادور وادور ادووووووووووور.. اخر شي لقيت مكان عجبني.. ماعرفت حد رايح له من قبل بس توكلت على الله وحجزت..

المكان اسمه "منتجع المها الصحراوي" وهذا موقعه:

www.al-maha.com

اللي عجبني فيه ان المكان عباره عن فلل صغيره وكل وحده لها بركه سباحه خاصه فيهاااا.. يعني منهى الخصوصييييه..(y)(y)(y)

راسلتهم وطلبت منهم يجهزون كيكه وعطيتهم الجمله اللي يكتبونها.. (^) وطلبت ان العشا يكون خاص ويرتبون طاولة في فيلتنا..وبصراحه استانست لما قالولي اوكي على كل طلباتي لا والكيكه بيسوونها هديه من عندهم.. بصراحه حركه واااايد حلوه منهم..

للأمانه الخدمه فيها وااااااااااااايد زينه والناس ودودين فوق التصور.. يرحبون فينا في كل وقت لا ويباركون لنا بعد..:o

عندهم عدد من الأنشطه مثل ركوب خيول وجمال وقنص.. بس احنا مارحنا تمينا في البرجه.. :cool:

عندهم شي وااايد حلو.. يرتبون رجله قصيره داخل بر المحمية عند تلال رمليه وقت الغروب.. احنا رحلنا وتمشينا حفي على الرمله.. الجو صج كان فظييييييييييييييع وقعدنا على طعس صغير نشوف غروب الشمس.. منتهى الهدوء والسكينة والرومانسية :15:

رحنا السبا وسوينا مساج وعندهم خدمه المساج للأزواج.. يعني مع بعض في نفس الغرفه..

وفي الليل رتبولنا الطاوله قريب البرجه والعشا يجيبونه على مراحل عشان مايبرد.. الأكل مو وايد حلو بس بصراحه الجو العام نسانا كل شي..

على فكره اللي ربي بالي ريلها بادمان شيشه مثل ريلي ترى عندهم.. بس مايجيبونه الفيلا في المطعم الرئيسي..

انا حبيت بس احط لكم تجربتي يمكن تستفيدون منها انشالله .. على فكره انا قطرية ولا لي اي علاقه بهالمكان ولا حتى سمعت عنه من قبل.. يعني مابستفيد شي من اني اسوي لهم دعاية الاان افيد البنات اذا حبوا يسوون هالفكره لان صج تعبت وانا ادور مكان بهالخصوصيه ..

وسلامتكم :wink: