كيف تزينين طاولة طعامك بفكرة حلوة من صنع يدك ؟؟؟؟
فكرة سهلة وبسيطة مرة ماراح تاخذ من وقتك اكثر من ربع ساعة بالكثير وبعدين تقدرين تزينين فيها طاولة الطعام وبكذا تفتحين نفس اسرتك على الاكل وتبهرين ضيوفك اذا عندك عزومة
الفكرة عبارة عن تنسيق يوضع في وسط الطاولة centerpiece طبعا هالتنسيق عملي جدا يعني مو لازم يكون ورد وزهور لأ ...... تقدرين تسوينه من الفواكه والخضار والشموع والصدف واي خامة ثانية موجودة عندك في البيت
اليوم راح اعلمكم شلون تسوون تنسيقين وانشاءالله اذا عجبوكم اكمل معاكم بأفكار جديدة
التنسيق الاول أو ال first centerpiece يكون من الفواكه
تنسيق الكمثرى والتفاح
(*) راح تحتاجين الى 15 حبة كمثرى صغير و 8 حبة تفاح متوسط الحجم و 5 حبات تفاح كبير من لون ثاني و 3 حبات كمثرى كبير طبعا راح تنوعين في اللون يعني الكمثرى الصغير يكون من لون والكبير من لون ثاني ونفس الشي بالنسبة للتفاح
(*) الحين في الصحن اللي راح تسوين فيه الفكرة رتبي الخمس تفاحات في الوسط وفوقهم الكمثرى الكبيرة بالشكل المبين في الصورة
(*) وزعي الكمثرى الصغير فوق التنسيق الاول
(*) الحين وزعي شوية ورق بالوان خريفية على بشكل مرتب ( مو لازم ورق طبيعي )
(*) اخر شي وزعي التفاح الصغير من فوق
والنتيجة النهائية
انشاءالله تعجبكم الفكرة وتستفيدون منها
واذا عجبتكم انشاءالله احط لكم التنسيق الثاني وعندي لكم اكثر من واحد وبالصور بس انتوا همتكم معاي وتابعوني
تحياتي
