تعبت لي متى الانتظار؟؟ *قطر*

بسم الله الرحمن الرحيم

السلام عليكم ورحمة الله وبركاته

كيف الحال ان شاء الله كلكم تمام ؟

اسمحوا لي ابدي اعجابي في المنتدى عامة وبقسم ركن التوظيف خاصة

انا الصراحة ابي اتوظف وقدمت اوراقي في كل مكان ومرت شهوور وللحين محد رد علي

وتعبانة نفسيا ومدري لي متى اصبر

انا قطرية ابا عن جد بس حاليا احمل جواز جنسية ثانيه بس قريب بسترد الاساسي

انا ساكنه بقطر وانا خريجة بكالوريوس ادارة اعمال / تمويل ومصارف مالية

finance & banking in business administration

وعندي دورات وشهادات وخبرات

ومن تخرجت صار لي سنه

فما ادري ليش محد اتصل لي هل بسبب الجواز او ايش؟

يعني لو كان العكس هل بحصل الوظيفة بسرعه؟

رحت مقابله وحده في بنك الدولي الاسلامي وقالو لي بيوظفوني بشهادتي الثانوية

هو مش عيب لكن سنين الغربه والشهاده الجامعيه تروح هدر ليش

على الاقل يعطون فرصه للبنات الي عندهم هالشهاده ومحتاجين الوظيفة

ياريت لو حد منكم يعرف وظايف تناسبني

انا ابي معلومات عن مصرف الريان وبروة ومركز قطر المالي هل التوظيف فيهم زين؟

وتقريبا كم نسبة الرواتب ؟

ادري طولت عليكم والسموحة منكم

ويعطيكم العافية مقدما

اختكم
الوجيدة