(اساله عن يوم الخطوبه)

انا اول شي لبست تنوره لحد الركب لونها بني وعليها توب شيفون لونه ذهبي وفيه شك شوي ونازل لحد التنورة يعني اقصر منها بشبر وستايله نفس الجلابيه بس هو توب وتنوره وكان حده كشخه

بس لمه جه خطيبي لبست العبايه والشيله وهو دخل علينا المجلس معا والدته وخواته

اما عن مشاعري فحدث ولاحرج

لأن اول مانادوني خالاتي عشان ادخل جلست ابكي من الرجفه واهل العريس عرفو وقامو ينادوني لاتستحي ولاتخافي

وبعدها لمه دخلت كان راسي دايم بالارض وحدي مستحيه وايدي وريولي ترجف

اني للحين ما جاني نصيبي لما يجيء راح اخبركم بس ما حبيت ادخل موضوعك وما ارد عليك وفي انتظار ردود العرايس ..........

حلووووووووووو الموضوووع

انا الحين مخطوبه و زواجي ان شاء الله عقب شهر وكم يووم

مرت اخوه تشتغل معاي بالشغل واختي بعد تشتغل معاي بنفس الشغل .. مرت اخوه واختي اتفقو انه يشوفني بالشغل وانا مادرييي .. بس لمحوو لي قبلها بيوم ان في واحد بيخطبني وجذي .. وجافني وانا مادري وعجبته وعقب باسبوع يو بيتنه مع خالته ومرت اخوه ومرت عمه ... كان حدددددددده حلوووو الشعووووور وربي لاتحرم كل بنت من هالشعوور ...... كنت لابسه تنوره طويله وبدي .. كان جسمييييييي حلووو ومثالي بس الحين متنت من الخطوووبه خخخخ
وهو كان معاهم بس كان قاعد في المجلس مع ابوي وزوج اختي .. ودخل علينه الصاله ولست قبلها العباية والشيله وشافني عدل وشفته .......فدييييييييييييته هههه وخلصت الحتوته ... وخطوبتي رسمي عقب الشوفه ب شهر ونص تقريبا

بصى انا اصلا وهو مرتبطين من زمان فا لما جيه لبست فستان شيك اوى وكدة واول لما شوفته وشافنى مع اننا عارفين بعض بس كانت لحظة رهيبة بجد وكنا الدنيا مش سيعانا وادعيلنا بقى

امممممممم بالنسبة لي
اني مع خطيبي نعرف بعض من الجامعة حتى يوم جاء البيت ما طلبت اني اشوفه لان نعرف بعض من الجامعة فتقدم لي رسمي مع اهله بس جد كنت كلش في حاله يرثى لها كنت اصيح و خايفة و حتى لين اشوفه مااقدر ارفع راسي موت استحي منه و خطوبتنا بتكون بتاريخ 10/7 أدعوا لي بالتوفيق بنات

انا سويت مقابلة مع خطيبي

وللحين بعد كم يوم بجون اهلة وامة بشوفوني
وللحين ماحددى الملجة مع الحفلة


راااااااح اقول لكم وش بصير
لماا يجون اهلة حتى يشوفوني

بس لما جا هو يشوفني ويكلمني
حدث ولا حرج هههههه

دخلت المجلس مع ابوي قلت سلام وقعدت بعيد
ابوي قعد معانا فترة وبعدين طلع بس من طلع ابوي احس قلبي يدق يدق هههههه
مت من الخوف ومن الخجل
وهو بعد مسكين كان خجووووول
وبعد شوية تعودت علية صرت ماستحي يعني اني اتكلم
لانة هو يخلي الوحدة ماتستحي منة
ولانة ماكان يطالعني ويحط عيونة بعيوني
كان كلة منزل راسة


ولين خلصت المقابلة ههههههه
وقعدنا مع بعض نص ساعة وبعدين طلعنا
بنفس الليلة الا شافني فيها
بس طلعوا من بيتنا بعد عشر دقايق اتصلوا وقالوا ينتظرون موافقتنا وانه هم موافقين
انا بعد يومين رديت عليهم بالموافقة وبعد سبوع
رحنا نسوي تحليل قبل الزواج
والحمداللة طلعت التحاليل اوكييييييي

وبعد كم يوم مثل ماخبرتكم بجون اهلة يشوفوني


ووووووووو اللة يرفع جميع العازبات
وادعولي اللة يتمم علي

تحياتي

والله يا بنات حالتكم حالة..الكل مستحي وخايف..!!

بس أغلبكن شكله كان لابس بدل..واستغنيتن عن الدراعات..!!

أنزين بالنسبة للميك أب..كيف حطيتنه..؟؟

أنا أظن كل ما كان أبسط كان أحلى..!!

شو رايكن؟؟

صح الميكب كل ماكان ابسط كان احلى انا عملت بس كحلة ومسكارا يوم اللي شافني بس انا اول مرة شفته انا ماكنت عارفة اني راح اشوفو فما اتجهزت لبست لبس عادي ومتل ماقلتلك مسكارا وكحل وخلاص كنت عادية كتير وانصدمت لما شفته وما اتكلمت ولا شي كنت جالسة وسطهم متل الهبلة ههههههههههههه بس عديت على خير الحمدلله وعقبالك وعقبال كل البنات

امممممممم طبعا المكيب كل ما كان بسيط احلى اما بالنسبة لي ما حطيت ميكب بس كحل و ماسكار حبيت اكون طبيعية رغم من انه شافني اكثر من مرة بالميك اب في الدوام بس حبيت اكون طبيعية و يشوفني بدون ميك اب

يعني مصرات على الكحل والماسكرا بس..

أنزين الكحل بس داخل العيون..وإلا رسمتي عيونج من برع بعد؟؟ <<<< هذه ما تنعطى ويه..؟؟!!

وشو عن القلوس..ما حطيتي منه أبد؟؟!!

مممم يووم الشووفه كنت لابسه جلابية وردية ستايلها مغربي وحلووه حركتهاا .. ما حطيت شي في ويهي خليته طبيعي بس كحل خفيف ومسكره <<< نصايح الماما اونه لازم تكونين طبيعيه

المهم كنت ويا امه وخواته واميه وحواتي تغديناا عقب قالولي خلاص الحين هوو بيي
لبست العبااه والشيلة .. وكنت ياسه في الصاله << طبعاا كنت مرتبكه وميييته رعب

دخل هو وامه الصاله وسلم وانه ردييت السلام وكنت مرتبكه حييل خخ يقولوون استويتي طماطه
يلس يطالع .. انه ماا شفته واايد كنت اطالع الارض هههههه
بس يوم يسالني اي سؤال اجاوب واسكت ارد اطالع الارض خخخ
المهم كان اليووم عجييب كنت مرتبكه وقاافطه بس يووم اذكر اضحك على عمري هههه

الحمدلله انه الحيين مالجه ^^ .. والله يخلييه لي ياارب
وادعولي الله يتمملي على خيير ياارب

الله يوفق كل بنات عروس ان شاء الله
من مخطوبات ومتزوجات ويرفع حظ العزوبيات ويرزقهم الزوج الصالح
ان شاء الله

وان شاء الله لين انخطبت اكتب لكم


تحياتي
مشاعر مجهولة

ياي على مواقفكن..!!

صح فيها ربكة وخوف..بس حلوة وايد..!!


الله يرزق كل البنوتات..!!

موضوعج حلووو يا عسل

انا كنت افكرررررر فيه لما يتقدم لي احدد خخخخخخخخخ

بالتووووووووووفيق للجميع

وادعووووووووولي الله يتمم لي بخيررررررر ويرررررررزقني الزوج الصالح الي يحفظني ويصووني

مرحبا بنات :)


انا وايد احترت في هاليوم شو البس .. وخصوصا انه دراعات اليشمك مااتناسبني لاني ضعيفة (a)

اخر شي قررت اني البس تنورة حرير طويله و مشيرة وفيها حركه بسيطة من جدام .. وعليها توب وردي دانتيل ..

سشورت شعري وحطيت ميك اب خفيف .. جحال ومسكرا وبلشر وردي خفيف و روج لونه فاتح وخفيف..

لبست ساعه وكواشي صغير ^_^ >> كواشي يعني حلق

ولبست كعب عشان اطلع طويله شوي :tongue:

في هاليوم كانو ياين امه وخالته وخواته بس .. وماشلو عينهم من عليه .. فصصوني من ساسي لراسي

وفي يوم ثاني هو يا بروحه .. ودخلت انا عليه الميلس واخويه كان ويايه .. كنت حاطه ميك اب خفيف ولابسه شيله وعباه .. ما تميت وياه وايد .. ربع ساعه .. ما سولفت وياه بس شفته لاني ما كنت اعرف شكله .. اما هو كان شايفني (a)..

وتوته توته .. والله ايتمم لج على خير انشاالله..(f)

يا ويلي عليج يا فتاة دبي..

الصراحة أنا دوم أقول أنا ما أروم أدخل على الريّال..أنا بيلس هو يدخل..

احس ريولي ما بتشلني..!!

الله يتمم لج على خير..

هلا عزيزتي بس لسع مجاااااني النصيب
بس اوعدك اذا جاااني دخلت وقلتلك كل شي
ههههههههههههههه
وتقلبي مروري

هاي عروسات

امممم انا ما صرت في هالمرحله
لانه ولد عمي ويعرفني واعرفه

الجوهر الصافي;6445482:
السلام عليكم ورحمة الله وبركاته..
عليكم السلام والرحمة ..


خواتي المتزوجات بغيت أسألكن عن يوم الخطوبة..يوم أم ريلج وخواته ين يشوفنج..ويوم هو شافج أول مرة..شو لبستي..وكيف تعدلتي؟؟
لحين ما صارت حفلتي .. بس يوم الي جو عشان يجوفوني لبست بدله نعومية وتعدلت في البيت


وكيف يوم ظهرتي له..؟؟
ولما بيشوفني لبست عباية وتغطيت .. لانه لحين ما صار خطيبي ولحين حرام يجوفني


هل أنتي دخلتي عنده الميلس..وإلا خليته هو يدخل في صالة البيت ويشوفج؟؟
عداتنا في البحرين لازم يجوفني بروحي ونقعد نسولف شوي ويا بعض يعني حدود 10 دقايق وطبعا كنت انه قاعده وهو دخل عقب


وكيف كانت مشاعرج :D وإلا :confused: وإلا :o
وبصراحة كل ذلين الفيسات فرح & حزن & توتر & .....



يللا نبا نعرف تجاربكم..عشان نستفيد منها..نحن البنوتات..:wink:

بانتظاركن..:)

السموحة اذ دخلت في النص :02: وكل دوله لها عاداتها :083: