السلامه مامن سلامه

لا صرت بايعني اشوفك على خير..مع السلامه دام مابه سلامه....
قلت انتهينا قلت لك خير ياطير...ماني باول شخص يخسر غرامه...
محذرك من قبلها الف تحذير...لاعفتني بيعيف قلبي هيامه....
ماني بميت لا ولااحتاج تبرير....صح الله لسانك ووفر كلامه...
بسمعك حبكه وفكره وتصوير ....وافهم عدل يامدعي بالفهامه...
وجه الشعر ابيض ويحتاج تغير...ودي تزين هالقصيده علامه....
ماضيك الاسود بذكره دون تقصير...كذا يكون بخد هالشعر شامه....
يصدق معي تعبير ويخون تعبير...ياضيعة الشاعر بوقت انسجامه...
يمكن خطى ادونك بالشعر مير...لو ماحترمتك للغرام احترامه...
ماكان حبك غير بس طعنتك غير...علمتني معنى الندم والندامه....
ماجاك مني أي زله وتقصير ...كل ماخطيت اعاتبك بابتسامه....
حسبي على الذكرى اذا هبت عصير...ماعاد تنفع شرهتي والملامه...
البال ضامي وقتها والحزن بير...خسرتك وهمي كسبت اهتمامه..