بنات البحرين سؤال عن تجهيز غرف المستشفى

حبيبتي .. انا من الكويت ما اعتقد اني افتدج بشي .. بس .. علشان ماتقولين اني تفرجت وماحطيت رد .. :)
وكا انا حطيت وقلت لج رايي .. لو بيبدي جان ساعدتج بس انشاء الله البنات يفيدونج ..

تسلمين ورديه على الرد

ممم
ماعرف والله بس اسأل لك وارد لك بأسرع وقت ان شالله

هلا حبيبتي ,,

عندك محل اسمه

- حلوياات دان في المحرق ,,

هي تسوي اللي تبينه بالضبط


الله يوفقك ياارب ويسهل علييييك ,,
بس اسمحيلي حبيبتي ماعرف الاسعار ...

وفيه محل ثاني ,,

- بيانكا جنب مستشفى السلمانيه
- نوال فلور


:-)

انا بعد ابي اعرف محلات تجهز غرف المستشفى

خيوو عندش محل اسمه يلدا فلوز في بوكوارة

اني تأجر عنده الاستاند حق التوزيعات ب 20 دينار

وحق باب الغرفه من بره ب 15 دينار

معظم محلات الحلويات يكون عندهم تزيين
شوفي نوال لاريسا ريغالو لابابيلون

مشكورة ام خالد على طرح الموضوع
لأن عندي نفس السؤال
مشكورين بنات وياريت تفيدونا اكثر بالاسعار
وممكن تراونا افكار ؟

المشكله اني الستاند ومال الباب متأجرتنه ومابصوره الا اذا ولدت وجابوا ليي المسشتفى

اختي..
السؤال جوابه ان تروحين بنفسج محلات الورد والشوكلاه وتشوفين افكارهم
لان تقريبا صارت هالمحلات كلها تسوي ستندات حق التوزيعات.. او زينة على الابواب..
والاسعار فعلا تتغير وتتراوح من 10 الى 50 و60 دينار حسب الشي اللي تبينه..
بالغالب تكون المحلات عارضة الستنادات عندها حق المعاينة..
واكثرها عندها البومات لاشياء سووها من قبل وتم تصويرها من غرف المستفى مباشرة..
ويعتمد اذا كان في بالج شي معين مو موجود او انج تاخذين من الافكار الموجودة..

واللي قالوه البنات اسماء محلات فعلا تسوي هالاشياء كلها..

وازيد عليهم..

في شارع الخدمات بالاخص.. محلات على اليمين واليسار وكلها للورد والشوكلاه روحي وشوفي النماذج اللي عندهم واسعارهم..
مقابل ديري كوين السلمانية.. مجموعة محلات من ضمنهم باتشي.. بعد يسوون توزيعات وستاندات..
وعندج المحل اللي مقابل سناء السلمانية اسمه محمد حسين او حسن بعد عندهم اشياء حلوة..
المحرق.. مقابل حديقة الكازينو.. كل محلات الورد تقريبا هناك عندهم اشياء..
بو كوارة.. في اكثر من محل بالذات وانتي متوجهة الى المنتزه عندهم اشياء حلوة..
موفقة اختي..

مشكورين يا بنات على ردكم

حبي الغالي

ترى نحن في انتظار الصور

مو تولدين و تنسينا

الله يقومج بالسلامة

حبيبتي الحين محلات الحلويات و الورود كلها تسوي انا سويت عند ريغالوا الي بالسلمانية شغلة وايد حلو واسعاره بعد يعني تزيين وديكورات الباب سويتة ب35 دينار للايام الي تبينها يعني ما تفرق اذا يوم ولا 5 ايام كلها ب35 و الستاند لليوم الواحد 10 دينار بس اذا بتاخذين من عنده ككاو بيسوي لج اليوم ب7 دينار

كلمة الحياة;9482477:
حبيبتي الحين محلات الحلويات و الورود كلها تسوي انا سويت عند ريغالوا الي بالسلمانية شغلة وايد حلو واسعاره بعد يعني تزيين وديكورات الباب سويتة ب35 دينار للايام الي تبينها يعني ما تفرق اذا يوم ولا 5 ايام كلها ب35 و الستاند لليوم الواحد 10 دينار بس اذا بتاخذين من عنده ككاو بيسوي لج اليوم ب7 دينار

انا رحت ريغالو سعر الستاند اذا ايجار قالي 45 دينار وسألته اذا انا بسويه حقي قال 95 دينار وللأمانه شغله حلو بس مو انه واااااو يعني حسيت السعر مبالغ فيه ، يعني شفت عنده حصالة فقلت حلوة حق توزيعات الأطفال قالي بدينار ونص مع الكاكو وبدونه بدينار اخر شي خخخخخخخ اشوة ماصرت غبيه وخذيت انا عادةً مااعطل على طول اخذ يوم رحت محلات بوربيتين انصعقت ان سعر الحصاله 200 فلس واااااااو شنو هذا كان بيقص علي حده نفس الحصاله بالظبط بالضبط اهي فبنات نصيحتي لكم دورو في كل مكان

عندج مثل ماقالو البنات نوال فلاورز ، حلويات دان في محرق ، ريفيرا وكلهم اسعارهم فوق وعندج بعد ليكوادو يمكن يسوي مو متأكده وفي جدعلي في أماكن يمدحونها في مكان مقابل الليناني جربي وخبرينا

موفقه ودعواتي لج ولكل محرومه بالذريه الصالحة ويارب يسهل علينا جميعا

ايي افااا عليش ام خالد اكيييد بصورهم وبحطهم تشوفونهم

خذيت الروح اييي ترى المحلات واجد حراااميه وأسعارهم مبالغ فيهاا

وهم الاشياء الا ياخدونها كلها من أبو 200 فلس

اني كلشي خديته وامي الله يحفظها سوتهم ليي والله كأنه محل مسونهم

والحمدالله كملنا التوزيعات بس باقي نحط الحلاوة ومابنحطه الا اذا دخلت الشهر التاسع

حبي الغالي;9489312:
ايي افااا عليش ام خالد اكيييد بصورهم وبحطهم تشوفونهم

خذيت الروح اييي ترى المحلات واجد حراااميه وأسعارهم مبالغ فيهاا

وهم الاشياء الا ياخدونها كلها من أبو 200 فلس

اني كلشي خديته وامي الله يحفظها سوتهم ليي والله كأنه محل مسونهم

والحمدالله كملنا التوزيعات بس باقي نحط الحلاوة ومابنحطه الا اذا دخلت الشهر التاسع

ما تقصرين ابووي

ومافي احلى من شغل اليد

يطلع على ذوقج

والله يخلي لج امج

ويسهل عليج

و لا تنسينا ادعي لي احمل :)

ايي المحلات حراميه صراحه‘‘
والبنات ماقصروو