اللهم آجرني في مصيبتي واخلفي خيرا منها يا رب

م

ملاذ الطير 79

عروس ماسية

25-06-2008 | 04:26 PM

السلام عليكم ورحمة الله وبركاته
بقولكم قصة ولادتي عشان تكون عظة للكل
قدر الله وما شاء فعل
اللهم آجرني في مصيبتي واخلفلي خيرا منها

انا واهل ريلي كنا رايحين يوم الاربعاء دبي رايحين نغير جو لنا وللصغار وانا والله ما طلعت من الشقة ابد رحت بس عند المصممة ولقيتها مسكرة ودخلت بنفس المكان محل شبرات وكانت ويانا عمتي مرينافيها محل بالسوق الجديم خذنا جلابيات للبيت ورجعنا بسسسسسس يعني مشوار ساعتين وطول الفترة بس قاعدة بالشقة ،، والكل يطلع وانا ريلي مع بعض والله بس الحمدالله يوم الجمعة بالليل نزلي مثل الافرازات الشفافة قلت عادي افرازات مثل كل مرة وظهري وبطني يعوروني هم قلت عادي حامل لازم تعورني هالاشياء بعدين بالليل استمرت الافرازات واكتشفت انه فيها خيوط لونها وردي ش قليل خفت الصراحة واستمر الم بطني قلت بنان وان شاءالله اصبح ما فيه شي ، ما خذني نوم بالليل من كثر القلق قمت الساعه 8 وقمت شفت الكل يلبس بيروحون امارات مول بيلعبون اليهال وانا منتظرة تصير الساعه 9 عشان يفتح المركز ودقيت والحمدالله حصلت الدكتورة وقال تعالي الساعه 1 ورحت لها وسوتلي سونار وقالت الاجنة ما فيهم شي والحمدالله بس بكشف لج على عنق الرحم وقال روحي شربي ماي وشربت ورجعت وسوتلي وكان الصدمة الكبيرة عنق الرحم فاتح 2 سم :eek::confused:اخ يا قلبي حزتها ما عرفت شو اسوي قلت خلاص عيالي بيروحون عني نزلت من عالسرير وعيوني دموع بس ما ابي اصيح عدال الدكتورة وقلت لها انا بروح الحمام تكرمون ورحت واول ما طلعت تقولي الحين تروحوين مستشفى دبي او الوصل قلتلها اوكي ورحت مستشفى دبي وسوتلي سونار ونفس الشي شافت الرحم زقدت تهديني وتقولي اذا الله كاتبلج بيظلون واذا لا هم طيور بالجنة وانتي رب العالمين يحبج وكلام وايد وودوني جناح الولادة وخلوني24 ساعة تحت المراقبة وقالتلي اذا ظل الرحم ما انفتح زيادة بنحاول نربطه كثر ما نقدر خلال هاليومين واذا لا خلاص المهم ظليت لحد يوم الاحد بالقسم تحت وبعدين الدكتورة مرت علي على لساعه 10 الصبح وقالت تقريبا الحالة مستقرة بنرفعج فوق وان شاءالله خير بنفس اليوم الاحد بالليل الساعه 12 صابتني الالام بظهري وبطني ما قدرت منها كنت بموت من الالم طبعا ومطنشة ومو راضية ادق للسستر عشان اقولها ، خلاص لحد الساعه 2 ونص بالليل كانت عندي اخت زوجي ما نامت وقامتدقت للسستر وقالت لها ويتني الدكتورة وفحصتنيوالصدمة الثانية الرحم فاتح 6 ونص :eek::confused:توكلت على رب العالمين وقلت خلاص ولادة ونزلوني قسم الولادة وعطوني مسكن ونمت ويمكن اقل عن ساعه وصحيت وبدت الالالم وكل شوي تدخل دكتورة وكل دكتورة تقولي الله يعوصج خير فيهم وتشوفيهم بالجنة ومن هالكلام والساعه 9 حطولي بالمغذي الدوا الي يسرع الطلق واخ يا قلبي كيف الطلق يعور ومن الساعه 9 بدت المعاناه الم ورى الم لحد الساعه 2 خلاص صارت الالام كل 3 دقايق وعلى 3:30 فتحت الدكتورة كيس الماي وطلعت [COLOR=#ff99cc][COLOR=magenta]البنت[/COLOR] [/COLOR]وشفتها يا قلبي من بعيد وبعدها ب 4 دقايق طلع الولد الساعه 3:34كنت اتمنى الفهم بحضني بس الدكتورة قالت لا بتتعبين اكثر شفت حاطينهم بسرير من بعيد وبعدين بدى العذاب المشيمة وايد تعذبت عشان تطلع عكس الولادة العادية بروحها تنزل حاولت الدكتورة اطلعها وطلعت مشيمة وحدة يمكن نص ساعه وانا اتأأأأأأأأأأأأألم وتقولي سامحيني يا حبيبتي ادري يعورج والله احس انه ايدها وصلت لحد سري وكنت انززززززززززف والمشيمة الثانية طلع قطع منها وقالت بريحج واذا ما طلعت بنوديج قسم العمليات وبنسويلج غسيل وبعد كم دقيقة يت الدكتورة الثانية وقعدت اطلع المشيمة وانا اصييييييييييح واقولها دكتورة خلاص ما فيني طاقة اتحمل وتقولي تحملي وحطي الاوكسجين عشان ما تحسين وانا حطيتها وخدرني وحسيت بنووووووم وقالتلي الدكتورة صحصحي خلينا اطلعها وترتاحين واخر شي قالت خلاص مب راضية تطلع وراحو يابولي السونار وسوالي وقالت باقي قطع وودوني قسم العمليات وغطو شعري واول ما دخلوني الغرفة شفت دكتورتي الي ولدتني ودكتورين رياييل وقعدو يسألوني شو اسمج ومتى ماكله ومتى شاربه وووو الف سؤال المهم شالوني على سرير العمليات وانا طلبت بنج كامل لاني كنت ابي اريح وما ودي احس بشي دخلت الساعه 5 الا ربع واخر شي سمعته يقوله الدكتور قولي بسم الله وحطالي الاوكسجين ومسك ايدي ورحت بسابع نومة وصحيت ويقولي الدكتور الحمدالله عالسلامة الحمدالله كل شي كان اوكي وعمليتج ما خذت وقت طلعوني الساعه 7 ونص وودوني القسم فوق وظليت نايمة ومو حاسة لحد الساعه 9 ومن صحيت وانا اصيييييييييييح وريلي شل الاجنة وراح هو واخوه دفنهم وصارو عندي ولله الحمد 3 طيور بالجنة[COLOR=magenta]بنتين[/COLOR] وولد والله يعوضني انا وريلي خير يا رب ،، دعواتكم لي يا بنات بالصبر لانه جد نفسيتي تعبانة كل يوم اصبح واحس بطني خلاص ما فيه شي اصيح وافكر وبآخر كم يوم كنت احس بحركتهم والحين تييني اوهااااااااااااام ، طبعا وايد ناس بيسألوني ليش ما ربطتي ،، ما ربط لانه ما عندي اجهاض سابق والحمدالله على كل حال هاذي ارادة رب العالمين

بس اتمنى من رب العالمين الصبررررررررر ثم الصبررررررررررررر :confused:

وسامحوني يا بنااااااااااااااات طولت عليكم وااااااااااااااايد ،، بس كنت ابي اتكلم من اعماق قلبي واطلع الي في خاطري :( وربي يعوضني يارب بأسرع وقت ان شااءالله

د

دوحانية

مشرفة سابقة

25-06-2008 | 04:37 PM

لاحول ولا قوة الا بالله العلي العظيم ..

الله يصبرج يا أختي و يعوضج خير :(

ه

همبايه

عروس مبدعة

25-06-2008 | 04:42 PM

حبيبتي قدر الله وماشاء فعل

والله يعوضج خير ان شاءالله

وان الله مع الصابرين

وحطي في بالج دايماً ان الله دايماً يختبر عبده الي يحيبه

ومابعد هالشده الا الفرج والفرح بإذن الله

والله يرزقج بالذريه في القريب العاجل ان شاءالله

أ

أولادي حياتي

عروس جديدة

25-06-2008 | 04:47 PM

لاحول ولا قوة الا بالله العلي العظيم ..

الله يصبرك يا أختي و يعوضك خير

ر

ركايز

عروس رائعة

25-06-2008 | 04:49 PM

اختي ملاذ الحمد لله على سلامتك والله يعوضك إن شاء الله بالافضل وعسى ان تكرهوا شيئاً وهو خيراً لكم
ولاتخلين الهم والوسواس يدخل قلبك واتعوذي من الشيطان واكثري استغفار وانسي اللي صار لان نفسيتك وصحتك اهم شي لاتتركين شئ يوقف املك ويعثر لك حياتك

ي

يــ غ ــار الـحـلــى QTR

عروس فضية

25-06-2008 | 04:49 PM

لا حول ولاقوه الا بالله

الله يصبر قلبج ويعوووضج خير

a

angel eyes

مشرفة سابقة

25-06-2008 | 04:57 PM

يا ربي يا ملاذ..دموعي مب راضيه توقف..قطعتي قلبي ..احسني يالسه ارتجف و مب عارفه شو اكتب :(

الله يصبرج ..الله يصبر ..الله يصبرج...و يعوضج خير..ويعوضج عوض الصابرين المحتسبين...ترا الله ما يبتلي الا اللي يحبهم فديتج...و كم يسوى هال 3 طيور اللي من لحمج و دمج في الجنه ..بيشفعون لكم يوم القيامه...

هدي نفسج بذكر الله..الا بذكر الله تطمئن القلوب...و قولي اللهم اجرني في مصيبتي و اخلفني خيرا منها...

ا

القلوب الساهية

عروس متألقة

25-06-2008 | 05:06 PM

انالله وانا اليه راجعون الكلام الي داخلي قلته لج على الماسنجر

والله يعوضج خير

!

! أنــثــى !

عروس ماسية

25-06-2008 | 05:13 PM

انا لله و انا اليه راجعون

الله يعوضك قطعتي قلوبنا !

ر

ريم81

عروس ماسية

25-06-2008 | 05:15 PM

ملاذ و الله اني ابكي من كل قلبي

و الله قلبي فيه وجع ما يعلمه الا الله

يا رب يارب يربط على قلبك و يهدي بالك و يرزقك من الصبر كله يا رب

لا إله إلا الله

ربك كاتب هالشي و هاي إراده الله

و صح انتي مالك أي ذنب الربط ما حد يسويه إلا في سابقه ولاده مبكره او اجهاض متكرر

و انتي ما شبق لك الاجهاض

ربي يعينك يا رب

و هم بإذن الله طيور في الجنه شفعاء لك و لأبوهم

صبري نفسك و زوجك

و صدقيني متأكده انه الله بيعوضك باللي يسر قلبك و خاطرك و بدعيلك و الله يا ملاذ و ما بنساك

و الحمد لله غاليتي على كل حال

ب

بنت الرافدين

عروس مبدعة

25-06-2008 | 05:16 PM

يابعد قلبي فديتج,, والله قلبي معج,, وحسيت بكل كلمة قلتيها الله يعوضج خير ويصبر قلبج

الله كريم

ح

حب الامارات

عروس مشرقة

25-06-2008 | 05:17 PM

انا لله وانا اليه راجعون

حبيبتي والله مب عارفه شو أقولج غير ان الله يعوضج قريب ان شاء الله

ش

شمس 31116

عروس فضية

25-06-2008 | 05:24 PM

انا لله وانا اليه راجعون .. الله يمتحن المؤمنين وانشالله الله يعوضج خير ياعمري ويرزقج بالحمل السليم الثابت يارب العالمين

ج

جا-أم-سم

عروس رائعة

25-06-2008 | 05:37 PM

تصدقين حبيبتي .. حسيت فيج لما سقطت طلعت روحي من المشيمة هي الي عذبتني ..

الله يعوضج خير .. انتي فقدتي بنت من قبل صح ؟؟ شلون قلتي لما اسالوج عن الربط قلتي ما سقطتي ؟؟

ض

ضياء الروح

عروس ماسية

25-06-2008 | 05:40 PM

السلام عليكم ورحمة الله وبركاته
قدر الله ما شاء فعل لعله خير لك غاليه والحمدلله ان لك طيور بالجنه شفعاء لك هذي نعمه من الجليل
صحيح القلب فيه حسره بس مجرد ان نفكر في بلاء تأخر الحمل ينشرح صدرنا
كلنا نتمنى الذريه الصالحه وان شاء الله قريب تنفرج
حبيبتي قوي نفسك وتفائلي بالخير تجديه والحمدلله انك حملتي مرتين يعني ربي بيعوضك خير عن الي فقدتيه
الواحد يشوف مصيبت غيره تهون عليه مصيبته
وانتي حبيبتي في نعمه
الله يمسح على قلبك يارب ويرزقك الجنه ونعيمها وان شاء الله قريب تبشرينا بحملك
وفقنا الله واياكم لما نحب ونرضى

موفقه يا قلبي

ر

روح ابوهها

عروس ماسية

25-06-2008 | 05:40 PM

لا اله الا الله

لا حول ول قووه الا با الله .. ان لله وانا اليه راجعـون

الله يعوضج ياارب بحمل قريب ويربط على قلبج وهم شفيعين لك يووم القياامه با اذنه

وتذكري انه الله اذ احب عبد ابتلاه ..

فا هني لك اختى محبوبه عند الله واطفالك شفيعين لك يوم القيامه

ح

حرم السويدي..

عروس مبدعة

25-06-2008 | 05:54 PM

ياربي تاثرت واااااااااايد

الله يصبرج انتي وريلج .. ومعوضين بإذن لله باللي اخير منهم

احتسبيهم لله ..

d

desert_girl

عروس مشرقة

25-06-2008 | 06:14 PM

ياحبيبتي ياملااااااااااذ والله العظيم اني احبج في الله لاني جد احسج انسانه طيبه كثيير

الف الحمد لله على سلامتك ربي يعوضك قريب ويقويج بالصبر والايمان

انا اعرف وحده لها مده طويله ماحملت وبعدين حملت بولدين وولدتهم في السادس ربي

ماكتب انهم يعيشوون لكن الحمد لله بعدها حملت وولدت في السابع ولاده مبكره

لكن الحمد لله عاش ياملاذ انا ما ألومج لو حزنتي هذا حقج بس ابدا ابدا لاتقنطين من رحمة

الله ولا تفكرين ولا توسوسين دايما قولي ربي بيرزقني وبفرحني انا وزوجي

ملاذ انتي طيبه وقلبج كبير وربي بيفرح هالقلب قريب

لك مني كل الحب(f)

ر

راجية الفردوس1427

عروس مبدعة

25-06-2008 | 06:27 PM

لحمد لله على سلامتك والله يعوضكم خير

يمكنها خيرة من رب العالمين ماتدرين

م

مرموم

نائبة المشرفة العامة

25-06-2008 | 06:35 PM

قلبي إعتصره الألم...و حسّيت بكل كلمة قلتيها...

الله يأجرك في مصيبتك يا رب الأجر الكبير...و يخلف لك فرجا و هما و إنفراجا يا رب

ما في شيء يضيع عند رب العالمين...و كله عنده بحساب و أجر بإذن الله...فقط إحتسبي...

ربي يعوضك بالذرية الصالحة التي تقر عينك...اللهم آمين يا رب...