اللي تحلم بوزن عارضات الأزياء تنضم لي و ما ابي الكسولات.. توكلنا على الله

بنااااااااااااات :shy:
كلنا نحلم بالوزن المثالي و بوزن عارضات الازياء و نجوف الممثلات و العارضات و نتحسر

عشرين الف موضوع دخلته هني و كله فيه مجموعات بنات يحلمون بالوزن المثالي و يشجعون بعض

و هالشي شجعني انا اني ابدا رجيمي و حد يشاركني فيه

ليش اكون بروحي

اول شي انا طولي 165
و وزني 56.5
و حلمي اوصل 48

طبعا بتقولون شو هالغبية وزنها مناسب على طولها
بس بقولكم لا :sad:

لانه انا وزني اغلبه في الارداف يعني الجسم مب متناسق مع انه الكل يقولي غبية ما تحتاجين رجيم
بس انا ما احب الارداف و ابا اتخلص منها

و ابا انقص الحين ع الاقل 8 كيلو
و في بنات يبون ينقصون اكثر من 8 كيلو ، و ما تفرق
اهم شي كلنا هدفنا واحد و نبي ننقص وزنا و نلبس اللي نبيه
واللي تبي تشاركني حياها الله
بس ما ابا اي كسل

واي وحدة حابة تشاركني في شروط لها الشي و ياريت الالتزام عشان كلنا نكون ايد وحدة :clap:

(اول شرط) :

انا حاطة نظام غذائي سهل و خفيف و محدد ، و برسله للي تبي تشاركني و اللي ما تبي تمشي عليه في مواضيع ثانية ممكن تختار منها اللي تبيه بس انا حابة كلنا نتشارك بنفس النظام ، ما اتيني اي وحدة و تقول ابي امشي على كيفي، كلنا خوات حبيباتي و في موضوع واحد و حابة يسري علينا نفس الشي

(ثاني شرط):

تبعدين عن الميزان لين يوم الوزن اللي انا احدده وتحدده المجموعه و اللي المفروض كل اسبوعين مرة و الحين التاريخ المحدد هو 9\7 لانه نحن بدينا بتاريخ 26\6 و هالشي لعده اسباب اول شي لان الوزن كل يوم اييبلج الاحباط و اهم شي عندنا النفسية و ما نبي احباط من اولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري

(ثالث شرط والاهم):

التواااصل، انا والخوات المتواجدات حاليا مثل خوات و يوميا ندخل نقول شو سوينا بالرجيم لو تغيبتي فترة طويلة مثل ما سون باقي البنات طرددددد ، لانه الارادة اهم شي و ذولي ما عندهم ارادة و انا قلت ما ابي الكسولات خواتي و ما ابي حد اييبلي احباط يكفي اهمال لانفسنا و لجمالنا و انشالله تشوفين النتايج و لا تخافين من شي و خواتي حبيباتي ما بيقصرن وياج

(رابع شرط و هو شرط التسجيل و مهم جدا):

انا ادخل البنات كل اسبوعين مرة عشان تبدا معانا من البداية و تنقص و زنها معانا، و مثل ما قلت بما انا الوزن كل اسبوعين فبداية التسجيل تكون كل اسبوعين،(كل دورة اسبوعين) اليوم و قف التسجيل و التسجيل الياي يوم 9\7 و اللي بعده بيكون بعد اسبوعين من هالتاريخ فياريت الالتزام بها الشي اما اللي حابه تدخل و تستفيد معنا و تشارك باي شي مافي اي مانع خواتي


(خامس شي):

كل وحدة تدخل تقول طولها ووزنها و الوزن اللي تحلم فيه و اللي مو حابه علني ترسله ع الخاص، و اي اسئلة انا حاضرة و لاتنسون التشجيع و الحماس و لا تقولون لاحد انكم تسوون رجيم ، نبي الصيف يخلص و نرجع ندوام و الكل ينصدم و يغار منا و من اجسامنا

(سادس شي):

انسي شي اسمه مجبوس و دهون و مقالي و بطاط و حلاوة و شوكلت و غازيات و سكريات
بس مسموح عصير دايت مخفف السعرات او بيبسي دايت و مو تشربينه كله و مو بين الوجبات لانه مضر بس في حاله العطش، ولزم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا

و اخيرا


انا و اعوذ بالله من كلمة انا ، امارس الرياضة من 5 سنين ع الاقل 4 ايام في الاسبوع لو مو يوميا، تعودت عليها بس ما كنت امشي على نظام معين بس كنت احافظ على وزني و هالشي الحين مساعدني
و بعد من كليه الاغذية و الزراعه و اي شي اقوله واثقه فيه و ان شاء الله بالتعاون و التشجيع اضمن لكم انه الوزن بينزل بشكل صحي و بدون اعراض جانبية و اوثقوا بانفسكم قبل لا توثقون فيني :21_207:


اتفقنا يا بناااااااااااات :clap:

اللي مرتاحه و عندها الاراده انها تكون معاي تقولي في اليوم المحدد (كل اسبوعين مرة) عشان ندخلها معانا و توعد المجموعه انها ما تخالف و ان شاء الله كلنا نصير بوزن عارضات الازياء و بالوزن اللي نحلم فيه