ابي مساعده من خواتي - منتديات عروس

س

سها78

عروس نشيطة

24-06-2008 | 04:41 PM

السلام عليكم خواتي العزيزات عسى ان تكونو بالف خير وعافيه حبيت اطرح مشكلتي عليكم واملي ان القى النصيحه منكم لانها كثيرا شاغلتني وهي فطام طفلتي التي عمرها يصبح بعد شهر انشاء الله سنه واريد افطمها ولكن حائره لا اعرف كيف لانها جدا متعلقه في صدري ولا تنام الا وانا ارضعها فاتمنى من الاخوات الامهات الي عندهم خبره في موضوع الافطام يفيدوني ولكم جزيل الشكر :ss:

م

متلثمه بشماغ عدول

عروس مشرقة

24-06-2008 | 10:19 PM

للاسف نفسي افيدك بس ماعندى خبره

أ

أم زهاري

عروس مبدعة

24-06-2008 | 11:43 PM

خيو اول عوديها شوي على المرضعة اذا كانت ماتشرب صناعي علشان تتعلق شوي بالمرضعة وحاولي بالنهار اذا بتنيميها تشبعيها يعني تأكلينها وعقب تيميها عشان ما تحتاج ترضع وبتنام على بدون صدر وبتتعود ان شاء الله

د

دفاية زيت

عروس مبدعة

24-06-2008 | 11:55 PM

شوفي حبيبتي
اولا توكلي على الله
ولاتشيلي هم
انا فطمت بنتي وهي ام سنه و8شهور يعني كبيرررررررررررررررره حيل ومتعلقه بصدري بقوه وكنت شااااااايله هم بس سهلها ربك
انتي هونيها وكمان ركزي على الرضعه اكثر والاكل واذا جاء وقت نومها شبعيها وحاولي تشغليها تغني عليها او تقراي قران او تمسحي على شعرها لحد ماتنام
والموضوع كله 5ايام وخلاص
الله يعينك
تحياتي

ج

جعفريه

عروس رائعة

25-06-2008 | 12:41 AM

سلااااااااااام..

اني بعد مقرره أفطم ولدي بعد السنه ونص..

يعني ما باقي شي..

وان شاء الله نستفيد من خبرات الاخوات..

والله يهونها .. علينا وعلى اللي بيقدمون على هالخطوه..

لاني حمودي بعد وااااااايد متعلق بصدري خصوصا بالليل.. بالنهار يسهي عني.. بس في الليل لااااا مفر..

ومقرره اني احط شي على صدري..

ويمكن اوديه بيت ابويي بداية الايام..

تحياتي..

!

! أنــثــى !

عروس ماسية

25-06-2008 | 01:14 AM

اهلا اختي ..

هذا كا ردي على اخت هنا كات تسأل عن الفطام مثلك !

تفضلي !

انا فطمت ولدي لما كان عمره سنة و خمس شهور .. لان صا معاي تشقق حاد و ما قدرت اواصل معاه و هذا بالاضافة الى تعلقه بشكل فضيع بالرضاعه .. و اكله قليل جدا بهالسبب .. و انا طفشت بالنهاية و الحمدلله جت من الله ، و اضطريت افطمه عشان اني اتألم !

المــهــم /

أفضل طريقة هي التدرج ..

يعني اول 3 ايام ارضعيه بس لوقت النوم .. نومة الليل و الظهر .. ! و تحذري انك تضعفين او تملين و تعطينه بوقت ثاني لانه جذي بتطول معاك الى اسابيع و يمكن شهر !

بعدها ارضعيه لنومة الليل و بس ، و لو صحى بنص الليل اعطيه ماء .. طبعا خلي يمك كاس ماء حتى يكون جاهز .. ! لو رفض الماء و هذا شي اكيد ، لا ترضعيه ، بس خليه على رجولك و هزيه !

اللي بعدها خلاص اتركي الرضعه الليلية ! و بيضطر يشرب الماء و لو ما شرب راح يصحى من جديد و يشربه !

بيمر عليك اسبوع مليء بالتعب النفسي و الجسدي .. بيصرخ بأعلى صوته وقت النوم و بيسهرك بعد ، بس بيكون اهدأ شوي ثاني ليلة .. ! و ان شاء الله يمر الاسبوع و يكون مفطوم بنجاح !

انا توقعت ان فطام ولدي يكون صعب و متعب ، و الكل تعجب ! لان يشوفون ولدي على طول سادح نفسه بحضني و يشرب ! بس الحمدلله ما تعبني بفطامه .. بعدها راح تحسي بانك انجزتي شيء رائع !

بتلقينه بعدها ياكل بشكل جيد ، بتكون اعصابه اهدأ من قبل ، راح تحسين باستقلاليته عنك بشكل ملحوظ !

موفقة عزيزتي .. !

و اتمى الفائدى للجميع !

ا

ام عسوول

عروس مشرقة

25-06-2008 | 01:35 AM

للاسف مااعرف

وان شاء الله يقدرون الامهااااااات يفيدونش

س

سولارا

عروس مشرقة

25-06-2008 | 11:01 AM

حبيبتي احنا عندنا طريقه قديمه ومظمونه كل مابغى يرظع حطي على صدرك مره كم يوم وبيرفض صدرك .

ع

عروس جنان

مشرفة سابقة

25-06-2008 | 02:39 PM

سولارا;6436072:
حبيبتي احنا عندنا طريقه قديمه ومظمونه كل مابغى يرظع حطي على صدرك مره كم يوم وبيرفض صدرك .

هذي سوتهـــا زوجــة عمي لولدهــا... وعلى طول كــره الرضاااعـــة

س

سها78

عروس نشيطة

25-06-2008 | 06:35 PM

مشكورات خواتي وما قصرتوا وجزاكم الله كل الخير