حزينة ومتضايقة

اختي العزيزة الله يفرج عنك همومك ان شالله يا رب...
و توكلي على الله و تفاءلي دايمآ بالخير....
و دايمآ تأكدي ان الايام بتتغير و بتتحسن وحتى لو اليوم كنتي حزينة لا بد ان الامور تنحل و الايام تصير حلوة تأكدي ان الفرج جاي و قريب ان شالله ...
انا اقولج هالكلام عن تجربة ...
يا ما مريت بأيام حزينة و كئيبة مثل حالتج بالضبط ....
و لما اكون بقمة الحزن أتخيل ان الدنيا خلاص راح تتم كئيبة و ما راح تتحسن اوضاعي...
لكن كل هاي وساوس و أوهام صدقيني.......راح تجيلك ايام أحلا بكثير من الي راحت ...و ربي يكتب لك كل سعادة و فرح ان شالله
أدعو الله أن يفرج همك و أن يشرح صدرك و أن ينفس كربك ...انه على كل شيء قدير...
اختي توكلي على الله ووكلي أمرك للعلي القدير... ...
و من ناحية التجربة العاطفية لو حابه تتكلمي في هالموضوع صارحي وحده قريبه منك مثلآ اختك أو صديقة مقربة تثقين فيها...و لما تتكلمين عن الشي الي مضايقك راح ترتاحين صدقيني ....
بس انتي هونيها و تهون و توكلي على ربج و راح يجي يوم و تقولين اي والله صح هالايام تحسنت و كل الامور صارت تمام ....
الله يحفظج ...

ربنا معاكي اختي حاولي تساعدي نفسك اطلعي زوري صديقاتي اعملي انشطة يعني اشغلي وقتك عشان ماتفكري باللي مضى وتحزني
وكمان اقري قران وادعية وان شاء الله تتحسني المهم ماتستسلمي وتضعفي خليكي قوية ولا تخلي الحزن يتغلب عليكي
حبيبتي ربنا يفرج همك وييسر امورك ويصلح حالك ويوفقك ويسعدك امين يارب

شكرا أخواتي على ردودكم

انا متوكلة على ربي وصابرة. بس ساعات أفكر اني ما استحق النعم واللي الله منعم علي فيه لان فيني كآبة وحزن بدون سبب او مشكلة واضحة يعني المفروض اكون اسعد من غيري واحمد ربي بس مادري ليش الحزن والكآبة فيني؟

واوقات اكون احسن. وخصوصا الفترات اللي اكون فيها مشغولة لكن لما ارتاح واقعد مع حالي ترد لي الحالة مرة ثانية. يعني الحل مو اني اشغل نفسي لاني طول السنة اكون مشغولة وماتنحل المشكلة وترد ترجع لي بعدين

اتوقع انه التجربة اللي مريت فيها لها دور باللي انا فيه بس اهيا مب السبب الرئيسي...مادري شنو اللي فيني بالضبط:((((((((

هلا اختي ان شاء الله ربي يفرج عليكي ............تبغييييييين تتطلعييييييين من الكابه عليكي بالصدقات طلعي صدقااااااااااات لان اجرها كبير وكمان تغير من حياة الانساااااااااااااااااااااان.....وكمان قبل تنامي صلي ركعتيييين لله رب العالمييييييييييين....................هالله هالله بالصدقات تفرج هم الانساااااااااااااان..........وتعوذي بالله من الهم والحزن اوكي...............خذيها نصيحها من اخت في الله عليكي بالصدقات لان صدقات تطهركم وتزكيكم ........واستغفري الله........دعواك ليه بالزوج الصالح

مشكورة اختي روح الورد....الله يرزقك ويرزقني بالزوج الصالح يا رب..وان شاء الله راح اكثر من الصدقات

عادي شي طبيعي مرت علي ايام مثلك احس بضيق بدون سبب وتخنقني العبره ايام وتعدي بسسب الفراغ

حبيبتي ليش عامله بنفسك هيك مافي حدا بيستاهل تكتئبي وتخسري صحتك مشانه ...انتي اذا بدك تنسيه بتنسيه خليكي قويه وعندك اراده لتغيير حياتك للاحسن
روحي دورات ، اتعلمي لغات اشغلي وقتك باي شي مفيد لانو الروتين والفراغ هو الي مسببلك كل هالاشيا .....ودائما اقراي سورة البقره والاذكار وعليكي بالصدقه اختي وان شاء الله بتصيري امورك ونفسيتك احسن
ممكن اذا بدك تدخلي للنت وتقري عن دورات الاستاذ ابراهيم الفقي انا متاكده انك بتستفيدي كثير

اكثري من الاستغفار يا اختي..والدعاء وتوكلي على ربك وعليكي بالسعي في حاجات الناس وتفريج همومهم ان امكن..وربي يسعدك ويسرلك امرك ويرزقك السكينة والطمأنينة..

حبيبتي الغاليه
ما يحدث لك هو تأنيب للضمير وعدم رضا عن النفس
لو كنتي راضيه عن نفسك لارتحتي
وانتي ذكرتي ان تحسين انك ما تستاهلين كل النعم الي انتي فيها
وهذا سببه عدم تقربك لله وشعورك بالذنب انك مقصره شوي
ترى الانسان مهما تقرب لله فهو مقصر بحق ربه ..
واحساسك هذا دليل على ضميرك الحي ومعرفتك بحق ربك الي انتي يمكن مقصره فيه
اكثري من الدعاء والصدقه وقراءة القران والاستتغفار فتنالي راحة البال
والله بيفتحها عليكي ويرزقك انشالله بالزوج الصالح الي يملى فراغك العاطفي.
تحياتي

هلا اختي انه قاعدة امر حاليا بالي انتي قاعدة تمري فيه اذا تبين اسمعج او افهمج ممكن اكون صديقة لج نعاون ونعين بعض والله المستعان ،،،،

راسليني اذا حابة

الله يفك ضيقتك يارب ويساعدك

نفس حالتي لاني ابي شي يغلني


انا ماتزوجت واحس احسن حل لي الزواج لاني بنشغل بزوج وبنسى كل شي ماراح يكون لي وقت افكر بشي ثاني


اذا كنتي مو متزوجه الله يرزقك بالزوج الصالح

ياقلبي الله يريح بالك ويبعد عنك الهم والحزن والكابه وانشالله يارب الابتسامه ماتفارق شفايفك وربي يجعل الفرح والسعاده في حياتك وينور وجهك يا غاليه ياعسل
الله يحقق امنياتك يارب

ممكن اسالك شويت اساله وتجاوبين عليها ..........
ماهو موقعك في الدنيا؟ماهي نضرتك لنفسك؟ ماهي نضرتك للحياه؟ مالذي ينغص عليك حياتك؟ماهي طموحاتك ؟ماهو الموقف الذي لاتتمنين ان تقعي به؟هل انت متفائله؟من ماذا تشتكين ؟هل انتي راضيه عن نفسك ؟ماهو الشيئ الذي لاتستطعين نسيانه؟ماهو الشيئ الذي يجعلك سعيده؟ماهي مخاوفك؟كم عمرك؟
اتمنى تجاوبين عليهم بصراحه ويذا ماتبين اتجاوبين على العام عشان فيه اشياء خصوصيه ممكن ترسلين لي على الخاص

شكرا يا بنات

بصراحة ارتحت كثير لما شفت ردودكم علي ودعائكم لي

ما اعرف شلون اشكركم بصراحة

الحمد لله رب العالمين .اليوم اغتسلت وقريت قرآن وصليت واحس اني اليوم شوي احسن وان شاء الله اواصل على هالحالة وما ترد حالتي ترجع مثل قبل والحمد لله على كل حال

بالنسبة لأسئلتك يا كرزة...
ماهو موقعك في الدنيا؟ انا طالبة اذا كان هذا قصدك
ماهي نضرتك لنفسك؟ الحمد لله الي عطاني نعم كثيرة وراضية عن اللي حققته لحد الآن في مجالي وراضية عن شكلي ولله الحمد بس احس اني كثير مقصرة تجاه ربي وتجاه اهلي!!:(
ماهي نضرتك للحياه؟ ...............
مالذي ينغص عليك حياتك؟ عندي هموم حالي حال باقي الناس بس الضيق اللي ساعات احسه ما يكون له سبب معين!!!!
ماهي طموحاتك ؟ كثيرة
ماهو الموقف الذي لاتتمنين ان تقعي به؟الزواج من زوج غير صالح وما يسعدني!!
هل انت متفائله؟ اتوقع اي
من ماذا تشتكين ؟هل انتي راضيه عن نفسك ؟ ذكرته من قبل
ماهو الشيئ الذي لاتستطعين نسيانه؟ماهو الشيئ الذي يجعلك سعيده؟ماهي مخاوفك؟ مثل ما قلت ساعات احس بالحزن بدون سبب احس اني مخنوقة وان الدنيا كئيبة
كم عمرك؟ في العشرينات

دعواتكم يا بنات..

حكاية غرام;6421613:
هلا اختي انه قاعدة امر حاليا بالي انتي قاعدة تمري فيه اذا تبين اسمعج او افهمج ممكن اكون صديقة لج نعاون ونعين بعض والله المستعان ،،،،

راسليني اذا حابة

مليت الانتظار;6421654:
الله يفك ضيقتك يارب ويساعدك

نفس حالتي لاني ابي شي يغلني


انا ماتزوجت واحس احسن حل لي الزواج لاني بنشغل بزوج وبنسى كل شي ماراح يكون لي وقت افكر بشي ثاني


اذا كنتي مو متزوجه الله يرزقك بالزوج الصالح

monica;6426872:
شكرا يا بنات

بصراحة ارتحت كثير لما شفت ردودكم علي ودعائكم لي

دعواتكم يا بنات..

بنات الله يوفقكم ويسعدكم ويفرج همك ويرزقكم بالزوج الصالح عاجلا غير اجل يارب العالمين ربنا معكم بس اصبرو ان مع العسر يسرا(f)

اعتقد الفراغ العاطفي هو السبب لاني مريت ولازلت امر فيه
كآبه بدون سبب واضح شعور بالاحباط بالوحدة عدم الاهمية
ولكن الحياة تمشي ولابد تمشي
وكل الي عليكي هو صلاة الليل الدعاء المستمر بالفرج وتكرار "فوضت امري الى الله ان الله بصير بالعباد"
الله يفرج عنك وعني وعن جميع المؤمنين الكرب والهم

مرحباا اختي ..

انتي جاوبتي على نفسك وعن سبب حزنك وضيقك ..

بس احس اني كثير مقصرة تجاه ربي وتجاه اهلي!!

ما في سبب غير هذا ..

كل الأسباب اللي تقوليها ما تبرر سبب حزنك

حاولي قد ما تقدرين تستغفرين من ربك وتصلين

الصلاة في وقتها وتقرأين قرآن لي ما تختمينه ، أكيد عندك وقت فاضي

استغليه في قراءة القرآن و الاستغفار ..

أما أهلك فحاولي تتقربين منهم أكثر وتجلسين معاهم

ولا تقصرين بحقهم وانتي أدرى بالشي الألزم انك تسويه لهم

أقصد الشي اللي تحسين انك مقصره فيه

هذا اللي أقدر أقوله لك

والله يوفقك ويسعدك