ولادتي.. ببنوتي سيرين

مرحباااا.. بنات حابه اشاركم بقصة ولادتي .. ومتعة الولاده:اقصد تعبها..

صراحه ماتوقعت الولاده بهادي الصعوبه المهم بالنهايه كلها سهاله من رب العالمين..

اول القصه تبتدي:cool::cool: من ليلة يوم الاربعاء كنت ببيتي وقاعدة مع زوجي وكالعاده وقت النوم بروح عند اهلي عشان هوا يروح العمل ويخاف يخليني لوحدي بالبيت لا اروح اولد المهم اخدني ووداني لبيت امي وهناك صابتني يابنات حالة اكتئاب غريبه حتى امي يوم شافتني صارت تقول حاسه بالم فيكي شي وانا مادري عندي اكتئاب يمكن لانه قبلها بيوم زوج خالتي اتوفى مدري المهم دخلنا كلنا ننام وانا نايمه فجأه:rolleyes: صحيت اعوذ بالله كأنه شي واقف بصدري وصحيت زي المجنونه ادور بالبيت كأني مضيعة شي المهم وقتها اذن الفجر قمت صليت وقرأت قرآن ونمت وصحيت على موية بتخرج مني سيلان انا خفت والله موووت وصايره اطقطق من الخوف:ss::ss: ولا عملت استعداداتي ووقت هذا الخوف ماتلاقيني غير اروح يمين وشمال وجبت شرايط الشمع وصرت انظف في نفسي يعني بجد مو حسابي اني اولد بهالوقت واتوهقت وآآآآخر حوسه واتصل بزوجي بقوله شكلي بولد والمويات بتنزل وهوا مسكين عنده امتحان وعلى حسب عمله هوا مو بنفس المدينه بمدينه ثانيه والمهم اقوله انت روح امتحانك وعملك وبس يصير شي بنكلمك (a)
المهم انا بهالوقت بستنى المويه توقف ومافي فايده (n) المهم اتصلت باختي المسكينه وصحيتها من النوم وقالت لي روحي ممكن يكون الرحم فاتح ومافيكي طلق قمت قلت خليني اروح واجرب حظي لبست واتجهزت ورحت طوارئ وهناك كنت ياماما خايفه موت من قياس الرحم :confused::confused: وشوي ببكي بس كانت الدكتوره طيوبه المهم هنا الدكتوره قاست الا وتقول :eek::eek: مفتوح الرحم واحد سانتي بس انا هنا جاتني صدمة نفسيه وقلتلها اجل اروح البيت قالتلي لاااااااااااااااااا مدام مفتوح واحد سانتي والمويه بتنزل خطر لازم نحطك تحت المراقبه وقلتلها يعني احتمال متى اولد قالتلي راح نستنى ولو ماصار شي راح نعملك طلق صناعي انا هناااااا برضو مت خووووووووف:ss::ss::ss: لانه اول ولاده ليا طبعاااا وانا بطبعي خوااااااافه كيف عديت هالتجربه مادري .. نكمل هالروايه الطويله ... طلعوني بغرفه وماصار ولا شي بطول هاليوم لكن من بعد المغرب صار يجيني الم خفيف زي الم الدوره واقول لامي هوا كده الم الطلق :o:o ياحرام انا مره مستهونه بالموضوع :cool::cool: وامي تقول ايوه كده الالم لبكن بعدين راح يصير ورا بعضه وراح تزيد مدته.. مسكينه بتهون عليا الموضوع المهم صارت الساعه 2 وكل ماجاني الم فرحت وكل ماراح زعلت .. هاذا كله لاني ماشفت الالم اللي على اصولة(y)(y) المهم جاتني الممرضه وقالت الدكتوره تقول نزلوها لغرفة الولاده خلاص وهذا كله الساعه 2 نزلنا وكلمت زوجي المسكين لانه راح البيت يرتاح من بعد المغرب وقلتله يالله تعال بولد وفرحانه الاخت :D:D وبعدين نزلنا وكانت فيه معايا حالتين ولاده بس كلهم خالصين الااااااااااا انا المهم جات الدكتوره وقاست وانا وماما متوقعين 4 او 5 سانتي الا وتقول الدكتوره لسا واحد سانتي انا :confused::confused: اصبت بحاله احباااط وراحت الدكتوره صارت الساعه 5 الا والالم يزيد ويشتد وانا موقادره استحمله :ss::ss: الم شنيييييييييييييع الا جات الدكتوره ترجع تقيس اقلها كم تقول لسا 2سانتي انا هداك الوقت صرت اصرخ وابكي وزوجي صار يمسك في ايدي وامي تخفف عني المهم جات بعد شوي الدكتوره ومعاها الاوراق انه لازم تسويلي طلق صناعي لانه عندي الرحم موراضي يفتح مدري ماله كانه ملصق بلصقة جونسوووون :cool::cool: بعيد عنكم وقالت اذا مافتح احتمال نسوي عمليه الهمم وقع زوجي وانا اقول شغلتي كل مالها بتتعكس وماراح اولد الظاهر الا بعمليه المهم بعدها الساعه 6 فجرا يوم الخميس جات الدكتوره واعطتني طلق صناعي من وين مدري لانه وقتها من كثر الالم اعطوني مسكن ونمت شوي وصحيت وصرت امشي شوي لانه الالم خف شوي ومن بعد ماراح المفعول الا وصار الالم يزيد جات الدكتوره وقاست والا الرحم توه 4 سانتي وانا كل مايقيسوه اصير ابكي وصرت اقول ابغىىىىىىىى عمليه الا كنت خايفه منه صاره ودي فيه من كثر الالم والرحم العبيط موراضي يتزحزح ويتفك وينفتح وتصير امي مسكينه تبكي وهيا حزنانه مووت عليي وزوجي يصير يمسجلي على ظهري وانا اصارخ من الالم بس طبعا مو صرااخ يعني تؤوووه
بس بعدين صارت الساعه 11 وانا الالم فيني يزيد اتمنيت بهالوقت اني اهرب من نفسي ومن كل هالالم بس ماقدرت واتذكرت وقتهاااا كيف لما الواحد يموووووت.. المهم وقتها قاست وقالتي 6 سانتي وبروضو بعدها وقف يفتح الرحم :confused::confused: والله معانااااااااه يابنات مدري ايش كانت مشكلتي يقولولي لانك كنتي تاكلي ثلج بالحمل وانا اقول انه كلام فاضي لانه الدكتوري بتقول كل البكاري بيكون طلقهم بارد وبالذات البنات.. المهم انا بهالوقت حالتي النفسية سيئه وزوجي الله يهديه مافضل احد بالشرق ولا بالغرب الا وقاله انه زوجتي بتولد ومن جهة ثانيه خواتي بالبيت وابوي بس يتصلوا على امي انا صرت اصارخ واقلهم لاتردوا على اي نخلوق يتصل .. خلاص:confused::confused:وقتها عندي حاله انهيار عصبي حسيت انه ولادتي خلاص وقفت من انتظار الناس المهم اذن الظهر وانا بيجيني الم مع دف قوووي وهاذي اصعب مرحله بالطلق لما يجيكي الدف وبدك تعملي بووووش والدكتوره تقولك اوعىىىىىىىىى تعملي بووش وانا اخر شي ماصارت اقدر امسك نفسي وصرت والله اعمل بوش بغير قصد .. لحد ماجات اخر شي قاست الدكتوره وقالتلي اوعى تعملي بوش لانه راس البنت لسا ماوصلت تحت وانتي صايره بتشفطيها وصار راسها عريض على فوق المهم وانا برضو موقادره امس نفسي لحد ماخلاص من الالم وصرت اصرخ باعلى صوت والحمد لله بدأت الدكتوره تلبس ملابسها وتستعد للتوليد انا هنا ارتحت نفسيااااااا:D:D وقلت جاااا الفرج واخيرااا راح اولد واشوف بنتي حبيبتي المهم صارت تقول الدكتوره وقت مايجيكي طلق اعملي بوش والوقت الثاني خدي نفس وانا فرحااااااانه برغم كل الالم:D:D
والمهم وقتها يجي الطلق وانا اعمل بوووووووووووش والممرضات من حواليني كاني بملعب كوره وتشجيع ... :D:D المهم الا وانا اعمل بوووووووووووووش متواصل قوي الا وتقول الدكتوره يالا انا شايفه شعرها داه اسود زي مامتها انا هنا عملت اخر بوووش الا وطلعت بنتي حياتي وصرررررت ابكيييييييييييي انا وامي وكانت لحظه لاتنسى.. تنسي كل الالم والتعب اللي شفتيه لما تشوفي
الشي الصغير اللي كنتي تلاعبيه ببطنك وهوا بيخرج عالحيااااااااااااااااااه..

اتمنى اكون ماطولت عليكم.. بالقصه الطويله العريضه

والله يرزق كل وحده بهاللحظه يارب..

ويقوم كل حامل بالسلامه.. :):)