فيافي2005;5071111:
[QUOTE=Romanove;5066158]
خواتي الغاليات
كل فترة والثانية وحدة منكن اتراسلنيه ع الخاص تسأل وتتخبر عن موضوع الاستثمار
وهل هو مضمون؟؟؟ وهل أنا صدق استلمت أرباحي ولا لا؟؟؟
أرجع وأكرر على العام
أنا من أوائل اللي اتعاملن ويا الأخت أم سهيل
ابتديت وياها بمبلغ 6000 درهم
وحالياً وااايدين من الأهل شاركوا ويايه وراس المال اللي عندها من صوبي قريب المليونين درهم ما شاء الله
وما زلت أستلم أرباحي بشكل منظم ولله الحمد
وفوق كل شي
هي ثقة وأمينة ما شاء الله عليها
خواتي الغاليات
الضامن هو رب العالمين
لكن أتمنى منكن كل وحدة أنها اتراعي أم سهيل واتقدر ظروفها بشكل مستمر
يعني هي عندها بيت وريل وعيال الله يحفظهم لها ويحفظها لهم
ويوم بتطلب منكن شي
أكيد لمصلحتكن أولاً وأخيراً
ورجااااااء كل وحدة حابة اتساعد في هالموضوع وتتعاون وياها
تفتح لها حساب في بنك دبي الإسلامي
عشان اتسهل أمور الإيداع واستلام المبالغ في المستقبل بإذن الله تعالى
وأكرر لكل اللي سألن عن الموضوع على الخاص
الأخت أم سهيل إنسانة رااااائعة .. ووالله العظيم أنا أعتبرها أخت غالية قبل كل شي
ايسدنيه أنها وقفت ويايه في أول فترة حملي ووفرت لي شي كنت أتوحم عليه فديتها رغم صعوبة توفره
وصدق صدق إنسانة خيرة وطيبة .. وعملة نادرة صعب وجودها هالأيام
عسى ربي ايوفقها ويحفظ لها عيالها وأبوهم وايخليها لهم
ولا تنسن الدعوة الصادقة في ظهر الغيب يالغاليات
انا نفسج غناتى كمن وحده ترسلى على الخاص يسالونى معقوله داخله ب400 الف وبدون ضمان !!!!! قلتلهم الضمان بالله ونعم داخله وناويه ازيد راس مالى لين 700 الف لان ام سهيل ثقه وانا معاها من 5 شهور واعرفها زين وغيرها يسالنى عن الاستثمار مع ام سهيل اذا مضمون وهل استلم ارباحي انا كل ما استلم اكتب على العام انى استلمت وبعدهم مشككين وحده ضحكتنى كاتبتلى شو يضمنى انج انتى مب ام سهيل تخيلو تفكير البنات وصل لين وين الحرمه مسكينه مشغوله لين قمه راسها فاضيه تدخل باسماء وترد على موضوعها صدق الحريم تفكيرهم ناقص وما عليه يا ام سهيل في ميزان حسناتج وعشمنا فيج كبير
هلا ....
والله بالفعل ياخوااااااتي انا بعد نفسكم واااااايد رسايل توصلني تسأل عن أم سهيل .........
ولو بكتب ما ظني اوفيها حقها ........
وساعدتني في أشياء وااااااااااايد عمري ما بنسى هالمساعده وأدعيلها في صلاتي
ربي يحفظها ووفقها