سمعت شئ ماقد سمعته بحياتي ..

اشحالكم خواتي ...... واشحال اهل .. واشحال عيالكم ..........؟؟؟

عســـــــــــااهم بخيير وسهــــــااله ..

اتصدقون انا عمري في حياتي ما شفت ام هالنوعيه .......

اليوم خالتي وبناتهاا يوو عندناا ،، وكنا قاعدين نتكلم بشكـــل عــــاام ،،

فـ وحده من بنات خالتي يالسه تشكتي حق خالتي عن حماتهاا ،، وحماتهاا من النواع الي لا تطاق بمعنى الكلمه ،، نحن نعرفهاا زين مازين ..

اتخيلوا مثلاً بنت خالتي اشترت شئ فتروح حماتهاا اتقول حق ولدهاا ليش مايبت حقي بعد ،،

ولا بعد يوم اتي عند خالتي تقعد اتقول حق خالتي .. امس ولدي وبنتج طلعوا مع بعض بس بنتج ما يابت لي شنطه نفس شنطتهاا ..

خالتي عطتهاا بويهاا ،، قالت لهاا شو انتي حرمه كبيره والا بعمر بنتي،، والحرمه سكتت وقالت لا لازم اييب لي نفس ما اييب حق بنتج ويكون بالضبط<<<<<<< غريب حال هالحرمه ..


زبنت خالتي توهاا متزوجه شهر 11/2007 والحين حامل ومن يوم ما هي زوجت ولدهاا كل مره اتسافر عند اهلهاا ,,

وزوجهاا من النوع الي يشتغل شفتات .. بنت خالتي المسكينه تقعد اتصيح ساعات ...


المهم ،، بنت خالتي قالت حق امهاا ان حماتي تحب حركات البنات الصغار كأنهاا طفله ..

و.......و.........و .....الخ ..

المهم فبعدين بنت خالتي قالت حق امهاا زوجي كنا نمزح فضربني على كتفي ،،

اتخيلي خالتي شو قالت لهاا ..

قالت لهاا اذا ضربج ضربيه:eek: ،، والله اني تميت ساكته وحلجي مفتوح :rolleyes: خخخخخخ

وبعدين قالت لهاا اذا سبج وقالج كلمه مثلاً ولو بمزح ،، ردي عليه بعشرر ..

لا تسكتين عنه ..

معقوله في ام هالنوعيه ،، الحين والله بنت خالتي الثانيه دايم تقول انا لو زوجي سوالي شئ بسوي نفسه ..

قلت لهاا لا تسوين نفسه والله بتندمين ،، مع اني مب متزوجه ولا لي خبره في الزواج ...

بس الحياه علمتني ان لابد احترام الزوج .... نحن ناس عاقلين .. وابدن ماتعاملين الزوج بالمثل ..

يعني لو خانهاا لو سمح الله بتروح اتخونه <<<<<<<<<< شو هالمنطق او التفكير الرجعي ..

وبعدين يت على اختي قالت لهاا ،، حتى انتي اذا قالج شئ رديه عليه بعشرر ..

امي قالت لهاا لا عيب اتقولين جي حق عيالج والله مب زين .. اتخربين بيت بنتج ..

قالت انتي شو دراج ،، اتقول حق :rolleyes:امي انتي ماعشتي مع الزوج واااااااااايد علشان جي ماتعرفين ان الريايل كلهم حمييير (السموحه على هالكلمه) ....

بس والله كرهتهاا خالتي ... يعني معقوله انا بدل ما اعلمهاا ان تحترم زوجهاا اتروح اتعلمه ان اذا ضربهاا تضربه ..

و قاعدين عادين يالسين يضحكون ،، امي قالت لي روحي داخل احسن ،، على طول شليت عمري وخذيت بنت اختي الصغيره ودخلت الغرفه وقعدت افكر في كلامهاا ...

احس عمري كنت في حلم ...... احس ان الي كنت اسمعه هذا كلام الافلام مب كلام خالتي ..

الحمد لله نحن امي مثلاً يوم تتكلم عن الحياه بشكل عام اتقول لنا لازم كل شخص له احترام ،، وحتى لو كان الزوج .... مب مثل خالتي ......

ويوم اختي قبل تتزوج قالت لهاا ،، لا تنقلين كلامنا لزوجج ولا كلام زوجج لناا ...

كل بيت وله خصوصياته الخاصه ..

اتعلمي اتحلين مشاكلج في بيتج وبينج وبينه ...

/////////////////////////

السموحه منكم خواتي بس والله بغيت افضفض من الي بداخلي .. انصدمت حييييييل ..