رجوكم اقروا مشكلتي وانصحوني

طيب انتي اش وجهة نظرك في زوجك ما ذكرتي اي مشاعر تجاهه ولا حتى صفاته اللي انتي شفتيها فيه؟؟


بعدين انا مستغربه منك يعني اذا انتي مبسووطه ومرتاحه معاه لييييييه تسمعين كلام اهله ...


وانتي ليه تقوليله ع الكلام اللي قالوه اهله يعني احس مو معقوله تسببين مشاكل على كلام قالوه اهله عنه؟؟؟؟؟؟؟؟؟؟؟؟؟؟


ما ادري اش اقول بس ان شاء الله البنات يردو عليــــــكى ........

سواء كان هالكلام صح أو خطأ

اذا زوجك الحين انسان محترم وماشي ع الطريق الصح

ماعليك منهم
ولاتذكرين زوجك بالماضي لانه ماضي وانتهى وراح ومابتستفيدي من هالشي غير انك بتعيشين في تعاسه
رجاء
لاتقلبي حياتك جحيم بسبب تصرفات زوجك السابقه ..
ولاتنقلين له كلام عن اهله اذا انتي ماشفتي عليه شي غلط
طنشي الكلااااااااااااام


والله يوفقك ويسعدك

السلام عليكم ورحمة الله

رائعتي ... وماذا في ذلك ... كلام في كلام ... رائعتي كم من فاسق وفاجر لا يخشى الله هُدي بإذن الله .. عززي من ثقتك بنفسك وقولي دائما لنفسك لو افترضنا هذا الكلام صحيح ... انا من جعلني الله في دربه لهدايته ولكي الفخر رائعتي في ذلك ... انت من يستطيع تحديد سلوك زوجك وليس هم ...هل تحاسبين انسان على ماضي أن صح في الاصل ذلك الماضي الذي تتحدثين عنه... وعلى فكرة لا تكرري ذلك امام زوجك فتُحلي له الموضوع فيفكر في الحرام فعلاً ...

رائعتي استغرب من ام زوجك واخته فلو ابني له ماضي سيء لما ذكرته ابد امام أحد وان ذُكر من اي أحد فسأقفله .. لان ما يفعله ابني هو نتاج تربيتي له فأن تربى وتأسس على الصلاح فسيكون الصلاح من نصيبه ما حيا وان تربي على الفسق وسؤ الأخلاق فسينمو على ذلك ... فلماذا قال الشاعر الأم مدرسة اذا اعددتها أعددت شعبا طيب الاعراق ...

رائعتي نصيحتي اليك بأن لا تجعلي المجلس الذي ترتادينه والجمعات النسائية تؤثر عليك وعلى مستقبلك مع زوجكِ فأنا لا أرى مبرر لذلك ابدا ولا تقحمي زوجك في أمور مجالس النساء فهي لا تنتهي صدقيني تجاهلي الوضع تمام لأنهن سيتعبن من الحديث وسيكون لهن حلين لا ثالث لهما أما سيظهر موضوع آخر على الساحة النسائية وسيتجهن اليه ناسيين حديث زوجك ... هذا طبعا اذا تجاهلتي كلامهن واما سيوجهن الكلام بعد ان يروا تجاهلك الى زوجك مباشرة فسيعرف زوجك حينها من هم أهله ومعدنهم .

تفاخري بزوجك خاصة اذا كنت لا ترين عليه شيئ وردي كيد كل واحدة في نحرها ... وتباهي بأنك زوجته ولا تحاولي التقليل منه بإشاعات ربما لا تكون لها اي أصل وان كانت فهي ماضي اندفن بزواجك منه ان شاء الله .


العتب

شوفي حبيبتي اتوقع مافيه احد يفضح ولده الا اذا يبون يكرهونك فيه يمكن صحيح هو كان كذا وتاب ماعليك منهم
وحااااااولي تتجانبينهم وطنشي الحياه كذا صعبه طنشي قد ماتقدرين وعليك بقيااااام الليل اقسم بالله تحسي براحه ما قد حسيتها من قبل واستغفري وشوفي وشلون حياتك بتصير

كلام الاخوات ماعليه زود .اذا زوجك يصلي وعليه امارات الاستقامه فطنشيهم يمكن لهم هدف يخربون عليك .ولامافي ام عاقله تقول هذا الكلام .اظافه انتي لاتسمعين الى الاخير وبعدين تدافعين سكتيهم من اول مايبدئون في سب زوجك وقولي لهم انك بتخبرينه وشوفي رد فعلهم .ونصيحه مش كل شيء يذكر للزوجوكفايه الي قولتيه للحين .انامتاكده ان الشكوك بتظل في راسك لكن تعوذ ي من ابليس .

اشكركم خواتي على الردود الرائعه والله ان نفسيتي هدت وجزاكم الله الف خير .....انا ماحب المشاكل وحتى اهلي ماخبرهم باي مشكله تصير بيني وبين زوجي ولا بين اهله ولا ارد على اهله بس يوم احس بضغط اظطر ان اقوله على الي في قلبي من قهري ليش مايحبوني وشو سويت فيهم انا يوم اقعد معاهم والله العظيم نفس الكرسي الي قاعده عليه ماتكلم مع حد الا الي يكلمني ارد عليه ولا يحبون عيالي ويصارخون عليهم الطفل يحس بالي يحبه وبنتي عمره سنه و8شهور ماتحب عماتها من كثر مايصارخون عليها من تشوفهم تشرد عنهم ومب عيالي بس حتى عيال ريلي من طليقته وعيال اخوه عدم حبهم واضح مايسألون عنا ولا عن عيالي يوم نسافر ونقعد بشهر والشهرين وطبعن مب سياحه شغل وبلاد الله العالم بحالنا فيها بس الحمدالله على النعمه ... وانا يوم تزوجت رحت مكان ثاني بعيد عن اهلي قلت الله بيعوضني بأهلي باهله وخواته الله يسامحهم ,,,,,,,,يمكن انا غلطانه اكيد غلطانه يوم اخبره بس الله يشهد انا ماعندي حد اشكيله همي ومب قصدي مشاكل ماريده يكلمهم عن شي بس اريده يفهمني ليش ماريد اقعد معاهم قلتله اقعد ويا اهلك العمر كله بس نكون سوى لكن بروحي انا وعيالي عندهم لا والف لا ماقدر استحمل الكلام ومن كثر ما اسمع عنه من اهله ومن الياي والي رايح صرت ما اثق بريلي والعيار الي مايصيب يدوش ساعات اطنش بس انفجر بالنهايه بس الاهم اهلي مايعرفون شي وهم مايدرون بشي الله يهديني ويهدي زوجي واهله

شوفي حبيبتي اول خطوة لازم تسجلين كلامهم وهم يقولون هالشي هذا اولا...
ثانيا تقولين لزوجج بسمعك شي بس توعدني ان هالشي ما يوصل لاهلك، وتسمعينه الكلام وتقولين له انا ما ابي منك تكلمهم او تلومهم بس علشان تصدقني ولا تكذبني...
ثالثا تقولين لزوجج انج واثقة فيه كل الثقة، وحتى لو كان صج فيه اللي قالوا بس انتي متاكدة انه تغير...
حبيبتي لا تشكين بزوجج ولا تفتكرين لكلام احد اذا انتي مرتاحة، هل سألتي زوجته القبلية ليش طلقها؟؟
في بنات قبل الزواج يتصلون بطليقة الريال يسألون عن سبب الطلاق ومنهم يعرفون اذا كان السبب منها او من الريال او الاهل...
يعني وحدة كان خاطبها مطلق ولما سالت طليقته كان ردها مثل ويهها وعرفت ان الريال اللي خاطبها ما فيه شي بس دلع منها...
يمكن سبب طلاق الاولى نفس السبب اللي يخليج الحين تشكين بزوجج، اللي هو اهله...
حبيبتي انتي شوفي زوجج شلون معاج، ما عليج من الباقيين وكلام الناس، بس المهم ان تبينين لزوجج انج صادقة وما تكذبين عليه علشان تتم بينكم ثقة...
والله يهديهم اهله

اختي
1- مدام انج ما شفتي منه شي لا تظلمينه
2- لا تسمحي لهم ابدا بالتكلم عن زوجك بسؤ في حضورك و (سكتيهم )
3- قد يكون كذلك في السابق و الان تاب فلا تبحثي عن المشاكل و تنبشي الماضي و تحاسبيه عليه

الله يسعدكم

هلا فيج اختي ..

انتي ماعندج اي ادله بس مجرد كلام ينقال عن زوجج وانتي ماتدرين اذا هالكلام صح او لأ ،،

وبعدين بسيطه يا اختي ،،كل الي عليج انج اتسجلين كلامهم وهم يقولون هالكلام عن زوجج ..

او انج تتصلين حق زوجج يوم هم يرمسون عنه وخليه يسمع من اذونه ..

وعلى فكره يا اختي انا مستغربه من شئ // يعني معقوله في ناس ترمس على ولدهم ؟

والله غريبه هالدنياا ..

شكرن على ردج واتوقعي كل شي بهالدنيا هم يتحرون اعمارهم مطاوعه ومن جيه مايصدقني يقول خواتي جامعيات مدينات مستحيل هالكلام يطلع منهم الله يهدينا اجمعين

بصراحة كلام الاخت بريق الجنة حلو ومنطقي دام انتي ماشفتي منه شي لا تحاسبينه على الماضي عفا الله عما سلف ...............
ونصيحة صغيرة :
لا تسمعين كلام احد انتي موعارفه شنو نيته يمكن يكرهونج ويبون لج المشاكل ..............

حبيبتي هند خليك عقلانيه وماعليك من كلامهم المهم انتي شوفي زوجك وراقبيه هل هو مثل مايقولون عنه اذ شفتي شي بعينك عن حبه للحريم معانته انهم صادقين ولاتستنين يصير شي لعيالك منه خذي عيالك وروحي بيت اهلك حرام اليهال يتعقدون نفسياً منه ويتحرش فيهم او شي الله يستر عليهم

حبيبتي كلمه وحده مافي غيرها
اذا تكلموا مره ثانيه عن زوجك وقفيهم عند حدهم وقولي بالحرف الواحد
حرام عليكم تحشون فيه وهو يحبكم ويحترمكم وما يصدق عليكم
اكسري عينهم بهالكلام وقولي لو تحلفون على القران ما اصدق ان زوجي حبيبي يسوي هالاشياء
ابداااا لا تقولين له شي مره ثانيه بالعكس خليك هاديه وصوني بيتك
هذول يبون يخربون حياتك لان جالسين يحشون راسك باوهام علشان يخربون علاقتك بزوجك
هدفهم واضح حتى الطفل يفهمه ومبين وواضح ما يحبون زوجك بدليل التخريب ونقل الكلام العجيب
وماهذول مافيهم ريحة التدين شنو الفايده صوم وصلاه ويغتابون ويأكلون لحم اخوهم
الله ينتقم منهم وربي دمي فار منهم
تحياتي

شكرن حبيبتي على كلامج واخيرن حد فهمني انا احترت فيهم واحسن حل اني اطلع من عندهم ونسكن وحدنا بعيد عنهم وتكون زيارات خفيفه من فتره لثانيه عشان الاحتكاك يولد الانفجار والانفجار صار على راس زوجي هو زعلان مني ومايكلمني يتحراني اكره اهله بالمعنى اكرهه هو انا كنت احبهم في بداية زواجنا بس يوم احتكيت فيهم اكثر عرفتهم عدل صرت ابتعد وابعد عيالي عنهم وبعد انا احبه بس احسه بعيد عني بسبب هالمشاكل كل انسان عيوب ومافي حد معصوم عن الخطا يعني هم يوم خطبوني مايعرفونا يمكن ارتكبت اغلاط كثيره ليش تفضحون اخوكم والمفروض انه تسترون عليه من ستر على مسلم ستره الله يوم القيامه وكيييف هذا اخوهم والله الموضوع طرحته لكم وانا مب مصدقه في اهل يسووا جذيه الله يهدينا

انا اكلم مطلقته من فتره لثانيه اسأل على عيالها وتسأل عن عيالي والله يقول الحق مافي مره من السنتين ونص ذكرت ابو عيالها وعن حياتهم القبليه بغلط او سوء بالعكس كلامها كلوا احترام بس هو تزوجها غصب عن اهله وطلقها وفرحوا وتزوجنا .......يوم يعرفون اني اكلمها يتمون يتحرطمون هاذي تكلمج عشان ترجع لزوجك وتخطفه هاذيلا ناس يتعاملون بالطبوب والاسحار وهذا كلام اهله وانا ماشفت منها اي شي اهله تفكيرهم ضيق والاوهام ماليته.

هند يوسف;6389138:
انا اكلم مطلقته من فتره لثانيه اسأل على عيالها وتسأل عن عيالي والله يقول الحق مافي مره من السنتين ونص ذكرت ابو عيالها وعن حياتهم القبليه بغلط او سوء بالعكس كلامها كلوا احترام بس هو تزوجها غصب عن اهله وطلقها وفرحوا وتزوجنا .......يوم يعرفون اني اكلمها يتمون يتحرطمون هاذي تكلمج عشان ترجع لزوجك وتخطفه هاذيلا ناس يتعاملون بالطبوب والاسحار وهذا كلام اهله وانا ماشفت منها اي شي اهله تفكيرهم ضيق والاوهام ماليته.

بس برضو انتبهي من طليقته ان كيدهن عظيييييييم << خخخخخخخخخ

لا تحاولي تجيبي سيرة زوجك او حياااتك امامها بس سؤال ورد جوابه

وتحياااتي لك شكلك مررررره طيبه وهم ما يستاهلونك

ياحبيبتي هدفهم واضح هم مايبغوكي ويبغوا ينفروك منه وهذا شيء بينه وبين الله واذا كان مستمر فيه الله راح يبين لك لانه يمهل ولايهمل المهم لااااااتوسوسين الشيطاااااااااان حريص بين الزوجين

ياشيخه ماافي ام تفضح ولدها حتى لو كاان اخس النااس’’’ لاتسمعين كلامهم ترى يبوون يخربون بيتك

امسكي الجواال وهم يتكلمون سجلي الصوت مثل مااقالت ام عبد الله ,,,

بس الافضل انو تنطنشي الموضوع اذا ماكنتي شاايفه من زوجك شي وتعااملي معاه عاادي خليكي واثقه فيه

موفقه يالغاليه

00000000000000000000000000000000000000000