التبنى في مصر ؟؟؟

حكاية روح عاشقة 21-06-2008 16 رد 1,172 مشاهدة
ح
انا نفسي اتبنى طفلة صغيرة يعنى عمرها سنتين كده حد يقدر يدلنى اعمل ايه؟؟

وايه الاجراءات المتبعة في موضوع زى كده ؟؟

ياريت بنات مصر يردوا عليا؟؟
&
للرفع ...

دخلت علشان ارفع لج الموضوع ...
.
حبيبتي التبني حراااااااااااااام ومااا يجوز

اذا تبغين تاخذيلك طفله تربينها مو مشكله بس لاازم احد من اهل زوجك يرضعها عشان تسير محرم لزوجك

واذا ممكن كمان احد من اهلك عشان تسير من المحارم ....غيـــر انه اسم الطفل يبقى على اسم اهله......

غير كذا ما يجوز شرعا .........

وان شاء الله احدفيديك اكثـــر منــــــــي...

تحيــاتي لك والله يرزقك ان شاء الله
n
بصي يا صوت انا مره روحت دار تالاورمان زمان انا و بابا عشان نتبني طفل طبعا اسمه بيفضل زي ما هو احنا بس كنا هنخده نربيه بس الموضوع مكملش و الحمد لله علي كل شيء

هما بيعملوا عنك تحريات وعن مستواكي المادي والاجتماعي عشان يشوفوا المستوي اللي هتعيشي فيه البيبي وبيجوا يفتشوا ويشوفوا الاوضه اللي انتي مجهزاها ليه ديه كويسه ولا لا

في بقي حاجه تانيه نظام البيج سيستر وده في رساله انك تكفلي طفل ويفضل في الدار و يقضي عندك الويك اند

من فضلك ياروح كلميني علي الخاص انا عايزه اكلمك بجد ضروري
ن
حبيبتى فيه دور أيتام كتير فى مصر وموضوع كفالة اليتيم ده صار أيسر من الأول بكتير وممكن تروحى تزوريهم وتختارى البيبى اللى أنت عايزاه وبعدين تبتدى الاجراءات .. وزى ما قالت لك الأخت نيمو هو فعلا اللى يهمهم أن الطفل يعيش فى مستوى كويس علشان كده بيفتشوا ويتأكدوا من المستوى الاقتصادى والاجتماعى للأب والأم اللى طلبوا الكفالة .. وبأذن الله هجيب لك كل أرقام تليفونات وعناوين مهمة ليكى فى الموضوع ده بس بكره لأنى بصراحة مش موجودة عندى دلوقتى .. وأن شاء الله ربنا يكرمك ويجازيكى خير ويرزقنا جميعا الذرية الصاحة
د
الله يوفقك لعمل الخير حبيبتي
تحياتي
ح
يا بنات انا مش متجوزة والله اعلم اذا كان موضوع زواجى هيتم ولا لئ قريب

ف عشان كده فكرت اكفل طفلة في البيت عندنا وماما موافقة
R
الله يوفقك و يجازيك على فعل الخير

في امان الله
ن
روح حبيبتى أنا جهزت ليكى أسماء أشهر الدور للأيتام فى مصر وعناوينهم وتليفوناتهم وحاولت أتصل بيهم علشان أسألهم عن الشروط علشان أكون متأكدة بالظبط وأنا بقولك بس للأسف أتصلت متأخر عن مواعيد الادارة لأنهم بيكونوا موجودين من 8.30 صباحا لغاية 3.30 عصرا بس أنا أتصلت بعد كده بنصف ساعة .. وعموما أختى أنا هتصلك بيهم بكره ان شاء الله بدرى وأقولك الأخبار , وخدى الأسماء دى عندك والتليفونات :

دار الأورمان للأيتام

الادارة : 7 شارع الحاج موسى متفرع من شارع يحيى شاهين - محطة التعاون - الهرم
تليفون : 33847205 -00202

فرع مصر الجديدة : 8 شارع الهدى - خلف مسجد يوسف الصحابى - ميدان الحجاز - مصر الجديدة
تليفون : 26212429 - 00202

الرقم السريع والمختصر للآتصال هو : 19455

جمعية رسالة للأيتام
فرع المهندسين : 24 شارع المدينة المنورة متفرع من شارع محيى الدين أبو العز - المهندسين
تليفون : 37483783 - 00202

فرع مصر الجديدة : 9 شارع الدكتور أحمد خليل عبدالخالق متفرع من شارع الحجاز - مصر الجديدة
تليفون : 26207801 - 00202

جمعية بنت مصر للأيتام
8 شارع مصطفى المغربى - خلف سور الكلية الحربية - أمام ملاعب أسكواش نادى الشمس - مصر الجديدة
تليفون : 26203164 - 00202
الرقم السريع والمختصر هو : 19450

جمعية أولادى للأيتام ( للبنات فقط )
29 شارع 206 دجلة - المعادى
تليفون : 25212700 - 00202
25212598 - 00202

وان شاء الله أعرف لك الشروط بالظبط وأقولك , ومعلش بأه أحنا أفتكرناك متجوزة .. بس خير أن شاء الله تتجوزى قريبا وربنا يسعدك ويرزقك بالذرية الصالحة
ح
ربنا يكرمك يا نوجا على الارقام دى ان شاء الله هكلمهم بكرة اول ما اصحي

موضوع الزواج ده بقي الواضح كده انى مش مكتوبلي على العموم الحمد لله على كل شئ

ومرة تانية متشكرة جدا وربنا يديكي على اد نيتك الطيبة
ن
روح .. لا شكر على واجب وبعدين بلاش روح اليأس دى .. ده انت اسمك روح عاشقة مش روح يائسة ههههههههههه .. هونى على نفسك حبيبتى وصدقينى الزواج رزق وهو بيد الله وحده وممكن أوى فى لحظة تلاقى رزقك بين أديكى وبيكون كل اللى بتتمنيه ... أنا كنت دايما أقول زيك كده لحد ما لقيتنى قابلت انسان رائع فى وقت كان ملخبط وفجأة لقيتنى بحبه وما كانش عندى ذرة أمل أنى ممكن أتجوزه وفجأة برضه لقيته فى بيتنا وبيخطبنى ولم يمر غير شهرين ولقيتنى أتجوزته والحمد لله يارب عايشة معاه فى منتهى السعادة بس ربنا لسة ما رزقناش بالأطفال وهو بيقولى أنا راضى بقدر ربنا وراضى بنصيبى رغم أن المشكلة فيا أنا وقالى لو حد سألك قولى المشكلة عنده هو .. تخيلى.. والله بحمد ربنا على كل حال ومتفائلة وحاسة ربنا هيكرمنى من عنده .. علشان كده بقولك خليك دايما متفائلة وقولى لنفسك أنا ربنا هيبعت لى الانسان اللى يستحقنى ويستحق كل حاجة حلوة فيا وفعلا ربنا هيبعثهولك قريبــــــــــــــــــــــــــــــــــــــــــــــــــــــــــــــا أن شاء الله.
وأنا هدعى لك فى قيام الليل
س
الله يوفقج أختي
.
الله يوفقك لعمل الخييييييييييييييييير
ن
الله يوفقج لعما الخير ويتمم زوجك على خير ويرزقج الذريه الصالحه يارب والرسول قال هو وكافل اليتيم في الجنه واشار بأصبعيه اي بجانب بعض والله يارب نكون وتكوني منهم
ن
روح أيه أخبارك ؟ يا ترى كلمتى الناس ولا لسة ؟ عموما عرفينى لأنى والله أنشغلت مع جوزى وكنت سهرانة معاه لأنه تعبان وما عرفت أصحى بدرى وأخدت أجازة من شغلى علشان كده معرفتش أتصل بيهم لأن الادارة بتمشى الساعة 3.30 ظ فاذا أنت ما أتصلتى عرفينى علشان أكلمهم .. وطمنينى عليكى
n
ياريت نعرف عملتي ايه ياروح
وربنا يوفقك
ن
روح .. ازيك حبيبتى .. أيه أخبارك ؟

أنا أسفة سامحينى .. أنا أنشغلت بمشكلة عندى ونسيتك , لكن بودى أطمن عملتى أيه وكيف حالتك النفسية .. أخر مرة سمعت ردك كان شكلك فيه حاجة مضايقاكى .. أن شاء الله تكونى بخير وربنا يسعدك وينولك اللى فى بالك
X