اخيرا ولدت حمودي قصة غريبة عجيبة

مراحب كيفكم وش اخباركم
انا جديدة عالمنتدى بس حبيت اخبركم وش صار لما ولدت
كاي ام جاني الطلق يروح ويجي يروح ويجي كانت الساعة ثمانية بالليل رحت للدكتورة وكان نازل المغرب علي ماي ممزوج ببعض الدم(وانتو بكرامة) وبعد مامت من الطلق جا الدكتور وفحص الرحم لقاه مفتوح ثلاثة سم وتحملت وقال امشي ببمرات المستشفى وكانت معي مرت اخو زوجي اللي انا وهي اكثر من خوات المهم مشينا ببممرات المستشفى ولما ارت الساعة 3 بالليل جا الدكتور ولقا الرحم مقفل انا هنا بغيت انجن وخاصة انها اول ولادة ومالي معلومات واجد فيه وخبر الدكتور زوجي انه عشان الجنين وعشانني اذا ابي قيصري خلي زوجي وانا نوافق عالعملية وكلت امري لربي ووافقت وحددو موعدها الساعة تسعة ونص ثاني يوم اللي هو كان يوم خميس وطبعا يومها مانمت لا ومو نخا ف مثلا لا طلبنا بيتزا ومدري وشو للمستشفى (رايقين وربي) وجا الصبح وجهزوني لعملية ومع التبنيج اقول لزوجي انتبه على النونو وعلى نفسك لاني حسيت مع البنج اني بموت او روحي بتطلع وباس راسي قال لا انشالله تقومين بالسلامة واللي اذكره ان الدكتورة قالت عدي للثلاثة وانا قلت واحد ثنيييييييي وبعدها مادريت عن شي الا لما صحيت ولقيت زوجي جنبي وجبت حمودي سميناه احمد رغبة على زوجي عبدالعزيز اللي من زمان واصحابه ينادونه ابو احمد المهم صحيت بالغرفة وانواع الورد مزينة بالغرفة والشوكولاتات والبالونات الزرقاء كاه من فرحة زوجي بس كنت اتحرك بصعوبة من الغرز والرضاعة كان صدري متحجر ومرة يوجعني وماقدرت ارضعه وبعد ماطلعت البيت كان لي سويت خاص بييت اهل زوجي نفست فيه واهله ماقصرو واهلي يجوني لان حوستي كلها بغرفتي وصعبة انقل لبيت اهلي ورجعت البيت الظهر يوم الاحد ووزعت الورود تحت بصالتهم وطلعو الشغلاا ت الاغراض فوق وانا رحت اخذت شاور ونيمت النونو والعصر جوا حريم هو صحيح حياهم الله بس ماتوقعت يجون بهالسرعة لا واللي تجي تزورني تكون بغرفتي احس خلاااااااص صار كلها نفس لا واللي تجلس تقوم تدور ولا تقول سجادة حمامك حلوة من وين لان حمامي داخل الغرفة واللي تروح للتسريحة تقول هاذا العطر حلو واللي تقول هاذا الروج حلو وانا حاطة صورة عرسي انا وعبدالعزيز صورة لنا مع بعض على التسريحة والكل منهبل عليها ومابقا وحدة بعد مازرتهم ماحطت صورتها هي وابو العيال والله حالة

اسفة طولت عليكم

ريوووووووووووووومة