أبغى أفضل أسلوب ل.........

G

GELNAR 280

عروس متألقة

21-06-2008 | 01:54 AM

السلام عليكم ورحمة الله وبركاتة
يابنات أا مخطوووووبة وأبغى أعرف أفضل طريقة للتعامل مع أهل الزوج من دون مشاكل مع الزوج وأهلة....
يعني أنا عن نفسي من ما شفت من بلاوي في هالدنيا ومن ما سوووا أهل أبوي في أمي سرت أخاااف
ماأبغاهم يدخلون غرفة نومي ولا أبغاهم إذاسكنت قريب منهم يستهترووون بخصوصيتي يقعدون رايحين جاين من دون احم ولادستور وماأبغاهم يطرحون الميانة بيني وبينهم وما أبغى أضيق على روحي في اللبس والسبب جياتهم اللي من غير استئذان أبغى أكون حرة في مملكتي الصغيرة وأظن هذا الشي من أبسط حقوقي أبغى التعامل رسمي قدر المستطااااع أنا عندي حماتين <<<من الحين الشر في عيونهم وباقي خمس أخوانة بيتزوجون يعني سبع حموات ياحافظ ما يقدر عليهم غير اللي خلقهم لازم أكون عارفة طريقة محترمة تكفل لي حقوقي واحترام الاخرين لي وعنده 2 خوات اللهم ياكافي الكبيرة:mad:
ما أبغى أغلط على أحد في نفس الوقت أبغى الكل يحترمني ويقدر خصوصيتي بس أبغها ذي المرة بحنكة النساء وأنتو ماتقصرون يابنات عرووووووووس أنتظركم بفارغ الصبر

د

دلوعةحناني

مشرفة سابقة

21-06-2008 | 03:04 AM

حبيبتي يالغاليه
انا للحين ما تزوجت
مخطوبه ومن هالحين مخليه حدود بيني وبينهم يعني مااقبل اى وحده فيهم تتدخل فيني
واذا خطيبي وصلي كلام اى كلام مثل نصيحه او اقتراح بخصوص العرس او حياتنا من اخته او امه اقوله هذا شي يخصني وبس وما احب احد يتدخل في اموري الخاصه..........
انا عندي 5 خوات وكلهن متزوجات وكلهن يقولون لي نفس الكلام ان الي تتقرب كثير من اهل زوجها ما ينولها
الا المشاكل وهم ما يعجبهم العجب ولا الصيام برجب وكل وحده فيهم اخذت صفعات قويه في بداية زواجها
والحين تعلموا وصاروا سطحيين مع اهل الزوج
انصحك عامليهم بما يرضي الله وبالحسنى
اذا جلستي معهم وصار اى خلاف من اى نوع ابداااااااااااا لا تتدخلي ولا بحرف واحد ..لان مهما كانوا قريبين منك
لن يتقبلوا منك الانتقاد نهائيا وبيجرحونك بكلمة (( انتي مالك دخل فينا))
حاولي قدر الامكان اذا زرتيهم تروحين مع زوجك ولا تبقين معهم ساعات طويله لحالكم
لان اذا صار اى شي بينقلون كلام غير صحيح لزوجك ((اذا كانوا اشرار طبعا)) فالوقايه خيرا من العلاج.
جامليهم بكل مناسباتهم الشخصيه ولكن بحدود وكأنك معزومه غريبه عندهم
يعني لا تموتين نفسك شغل تشيلين وتحطين وما اعرف ايش نو نو نو
من البدايه بيني انك مالك دخل الا بزوجك وبيتك وبس.
اذا زاروكي اقفلي باب غرفة النوم ولا تخلينهم يتمشون بكيفهم في الشقه بكل حددي لهم مكان معين مثل المجلس او الصاله ...
احترميهم كثيرا وعامليهم بطيبه واذا صدر منهم اى غلط لا تخبري زوجك نهائيا لان مهما كان بيوقف مع لحمه ودمه اهله ...
وبالنسبه للحموات تأكدي بتكون هناك غيره ومنافسه قويه جدا فمن البدايه لا تقدمي لهم اى خدمات او نصائح مجانيه علشان لا يصدونك وتنقهرين وتقولين انا سويت لهم كذا وكذا وهم ما يسوون لي شي
فمن البدايه كوني سطحيه جدا معهم السلام وعليكم السلام فقط.
لا تقولين لهم اى مشكله تقع بينك وبين زوجك مهما حدث.
كوني سطحيه مع اخوانه الشباب ولا تتمازحي معهم وخلي لك مكانه واحترام في قلوبهم جميعا
كوني ثقيله وانيقه دائما .
واتمنى اني قدرت اقولك الي ببالي الحين واطبقه معك بالمستقبل خخخخخخخخخخخخ
تحياتي

.

..★شـــااانيل★..

مشرفة سابقة

21-06-2008 | 02:35 PM

عن نفسي اقولك
حبيهم مثل ما تحبين والدينك
واغليهم مثل ماتغلين خواتك
وعزيهم مثل ما تعزين اخوانك
وكبريهم بعيونك يكبرونك في عيونهم
وبالتالي زوجك ها يحبك ويعزك ويغليكي ويكبر من مقامك عندهم ويكون بصفك وما يرضى احد يغلط عليكي او يتعدى حدوده معاكي
وهذا المهم
الله يوفقك
عن تجربه

ل

لطلط

عروس نشيطة

21-06-2008 | 02:53 PM

[COLOR="magenta"][/COLOR]صح كلامك ج ن انا اييدك والله حبيتهم وصرت اخت لهم وبنت لخالي ابو زوجي وهم خالتي والله يعزوني حييييييييل لدرجة انه خالتي قويييية وشديدة ونسايه للمعروف والله وقفت معاها وقفه قلت خلاص مراح تنساني ونستني يوم جت بنت اختها للبيت وتوقف معاها على حق على باطل معاها بس والله ماتتجرا علي لان عيالها دايما يوقفون معاي وانا مااحب زوجي يتدخل بس اخوانه الله يسلمهم يبينولها ان اهي الغلطانة وعقب ماتتكلم علي والمضحك يابنات ان هالحين علاقتها مع بنت اختها مو كويسة بالعكس هالحين تبيني انا بس هذي خالتي متقلبة

م

مـاريــا

عروس مبدعة

21-06-2008 | 09:22 PM

خلج عاديه بس لا اطيحين الميانه..واذا اهما حاولو يتدخلون في خصوصياتج لا تعطينهم مجال لاتردين عليهم..بس خلج زينه معاهم واكسبيهم عشان تكسبين زوجج...الله يوفقج ويارب انا انخطب ههههه

ك

كتكوتة زرقة

عروس مبدعة

22-06-2008 | 01:24 AM

مثل ما قالوا الاخوات عامليهم زين و حبيهم بس اهم شي لا تخليهم يتدخلو ابخصوصياتج ولا تتكلمي باي موضوع يخصج او يخص زوجك معاهم ولا حتى تاخذي رايهم بشي لانه هذي الاشياء تخليهم شوي شوي يتدخلوا بحياتج
الله يوفقج ان شاء الله

ا

الجوهرة

مشرفة سابقة

22-06-2008 | 08:50 AM

كل شئ له حدود

سالفة قطي الميانه وعامليهم مثل والدينك واهلك ، صراحه بيتقوون عليك وبينطرون منك ومب ماعطينك الاحترام والحب ، هذا اللي انشوفه الحين ب99% من الحالات

يعني بيطقون عليك الباب وقت الراحه ووقت الظهر وبيتصلون الساعه 12 ووحده نص الليل والسالفه ماجاهم نوم ويبون يقعدون معاكم

خلي لكل شئ حدود ونظمي وقتك

ومثل مايقول المثل روح بعيد وتعال سالم

وأهم شئ الاحترام

ونصيحه أخيره لاتقولين شئ من وراهم لزوجك وخلي قعداتك وزياراتك معاه بوجوده عشان يشوف بعينه والله يحفظك ويوفقك

وبالأخير كل مجتمع وله آرائه وعاداته وتقاليده والله المستعان

اقري هالموضوع

http://www.3roos.com/forums/showthread.php?t=352451

ر

ركايز

عروس رائعة

22-06-2008 | 11:46 AM

كل شئ له حدود

سالفة قطي الميانه وعامليهم مثل والدينك واهلك ، صراحه بيتقوون عليك وبينطرون منك ومب ماعطينك الاحترام والحب ، هذا اللي انشوفه الحين ب99% من الحالات

يعني بيطقون عليك الباب وقت الراحه ووقت الظهر وبيتصلون الساعه 12 ووحده نص الليل والسالفه ماجاهم نوم ويبون يقعدون معاكم

خلي لكل شئ حدود ونظمي وقتك

ومثل مايقول المثل روح بعيد وتعال سالم

وأهم شئ الاحترام

ونصيحه أخيره لاتقولين شئ من وراهم لزوجك وخلي قعداتك وزياراتك معاه بوجوده عشان يشوف بعينه والله يحفظك ويوفقك

وبالأخير كل مجتمع وله آرائه وعاداته وتقاليده والله المستعان

اهم شي الاحترام لهم وعدم نقل الكلام والغيبه وانميمه من بينهم وغير كذا خليك رسميه جداً لان هالشي يزيد احترامك ويلزمهم بالتزام الحدود
أأيدها الراي واضيف عليه اهم شي الخصوصيات لاتتركين مجال لاحد يتدخل او ينظر الى خصوصياتك وانا اعتبر غرفة النوم من الخصوصيات واذا عودتيهم من اول زياره ان الغرفه مغلق بابها وانك ماتحبين احد يدخلها صدقيني بيتعودوووووووووون وماراح يتجرئون يدخلونها ابد

س

سولارا

عروس مشرقة

22-06-2008 | 06:03 PM

شوفي لاتدخلين باالعرض من البدايه .خليك في البدايه عادي ولكن تحفظي على بعض الامور خصوصا مع زوجك لاتقولين كل شيء يحصل اوتسمعينه منهم حتى لاياخذ فكره انك ماتحبين اهله وشوفي شخصياتهم واسلوبهم وعلى اساسه تعاملي معاهم.ولكن دائما خلي تعاملك بذوق وهدوء ولاتردين الشين بمثله .

G

GELNAR 280

عروس متألقة

22-06-2008 | 06:12 PM

يعطيكم العافية جميعا خواتي وأحلى شي سولارا لا تدخلين بالعرض
ربي يحقق لكم أي شي خاطركم فية