السلام عليكم
أخواتي بما أننا هنا اجتمعنا من بلدان وأمصار مختلفة ،
ولكل بلد عادات وتقاليد في :
استقبال المولود الجديد ، وما يختص بالمرأة النفساء ، ، أكلها ، لبسها ، عنايتها بنفسها ووليدها ، استقبالها للضيوف ….. الخ ..
,وياليت كل وحده تخبرنا عن نظامها في النفاس سواء في الاكل
الشرب
المشروبات الحاره
الادويه والخلطات الشعبيه
الاعشااااب المتوارثه من جداتنا
العنايه بالمنطقه الحساسه والخيوط
العنايه بنفسها وبشرتها وجسمها بعد الولاده
الاكلات التي تشتهر بها دولتها سواء فطور او غدداء والاكلات القديمه المتوارثه من جداتنا
فما رأيكن بأن تكتب كل واحدة ما يتميز به بلدها أو مجتمعها بخصوص هذا الموضوع …، تبادلا للخبرات والمنفعة والمتعة ……
'df طيب رااح ابتدي انا واقولكم عن برنامجي بالنفاااااس
الصبح افطر مراصيع او مصابيب << طبعا بنات السعوديه يعرفونه وهي عباره عن طحين اسمر مع بصل مقطع مع مويه وشويه هيل وشويه ملح ونسويه مثل البان كيك ونامله مع كلوب حليب واضيف عليه فلفل اسود
اكل لهوم او نسميه سفوف او مردود وهي عباره عن مجموعه من الاعشاب والحبوب المطحونه
مكوناته حلبه وحبه بركه وشوي قرنفل ورشاد ومحلب
ويوم افطر على عصيد الي هو مكوناته الدقيق والسكر
__________________________________________________________________________
الغدااء اتغدى مع العااائله الغداء العادي ويفضل اكثر من البروتين فاكثر من اللحم والدجاااج بعد الغدا اشرب شاهي اعشاب الي هو كمون ويانسون وقرفه وبابونج
___________________________________________________________________________
العشاء اتعشى مقلقل لحم او حميس اللحم وهو عبار عن لحم مقطع صغير نضيف له ابهار
وبصل
واشرب بعد العشااء زنجبيل عشان يهضم
واكل لهووم نفس لهوم الصبح
__________________________
اذا حسيت انه دم الولاده وقفت معي اشرب قرفه محلى بعسل
________________________________
بالنسبه للمنطقه الحساسه اسوي غسوول عباره عن خشب الارطاء اغليه وانقعه يومين واتغسل فيه من تحت مره يوميا
طبعا مع الكريم والمطهر اللي يعطوني اياه المستشفى بعد الولاده وهو مرهم مضاااااد حمودي
_____________________________
نركز علالكلات الدسمه والشوربات وخااصه مرق اللح م لانه يرم العضم
طبعا باي وقت اشرب كوب يوميا حليب مع حبه حمرا او نسميه الرشاد مع عسل طبيعي زززين للعظم ويزيد من ادرار الحليب
من اكلاتنا اللي ناكله وقت النفاس
مرقوق ومطازيز وقرصان << لانه كلهم نستخدم فيه خبز البر
طبعا ابتعد كليا عن البارد
احاول اسوي مساااج للجسمي بعد الولاده
المشي زين بعد اللاده باسبوع
اذا جيت اتحمم احاول اتحمم مويه دافيه عشان تنشط الدوره الدمويه وتنزل الدم المتحجر
وهاااااااااااااااااذا برنامجي تقريبا بالنفاس
ايه نسيت اقول
اشرب متى ماشتهيت الطبيخه << اعشاب مخلوطه
اشرب المره باول يومين من بعد الولاده مع القهو عشان الشمم والجرح مايستشم عندي
يالله عااااااااااااااد كتبت جدولى للنفااس يااليت كل البناتت يفودونا ومايبخلون علينا بالمعلومه وشااااااااااكره لكم مقدمااا
<<<<<<<<<< زعلت معقول بالنفاس ماتسوون شي
يلاااا انا ابي استفيد عفيا
انا عن روحي كنت قيصرية اول فكل اكلي مشوي وخضاااااااااااااااااااااار ورهش وكل يوم صبح وليل كوب حليب دافئ مع قفشة حلبه :) يالله انتو علموني ما اعرف
بس جنه يسمن كل الاكل اللي ذكرتيه غالتي سحرة؟؟؟؟ انا الحين زايدة 16 كيلو والله اذا بنفذ كلامج بصير فيييييييييييييييييييييييييييييييل:2_106:
أحلى كويتيه;6377597:
يلاااا انا ابي استفيد عفيا
انا عن روحي كنت قيصرية اول فكل اكلي مشوي وخضاااااااااااااااااااااار ورهش وكل يوم صبح وليل كوب حليب دافئ مع قفشة حلبه :) يالله انتو علموني ما اعرف
بس جنه يسمن كل الاكل اللي ذكرتيه غالتي سحرة؟؟؟؟ انا الحين زايدة 16 كيلو والله اذا بنفذ كلامج بصير فيييييييييييييييييييييييييييييييل:2_106:
شكرا حبيبتي عالافاده
هههههههههههههه والاكل اللي قلته صدق يسمن بس لازم الجوووووع مو زين للنفاس
شاكره مرورك حبوبه والله يقومك بالسلامه
اني بخبرك بعد ولادتي اضل في المستشفى يومين وهم يهتمو بالجرح
لما اخرج تكون الدكتوره عطتني مراهم ومحلول تعقيم للجرح
اجلس في الماء ثلاث مرات لمدة خمس دقائق واضع في المويه ملح او ديتول ولما اقوم انشف الجرح زين واخلي عليه المعقم بعدين المرهم
وكل مره اكررنفس الموضوع ويوم سادس اراجع الدكتوره تسحب بقية الخياطه اذا التئمت
طبعا اجلس عند الوالده هي تهتم بالطفل بس الرضاعه يعطوني اياه
الولدانه يعملو اليها الحلبه والعصيد والشوربه والمرق
والسوائل ماء اللقاح مع الزعفران او كركديه او نعناع
الاعشاب ما استخدمها ابدا وكل شيء ما احبه يعني اكلي يكون قليل ومحاضرات الوالده كل يوم
vربيعيه الف الف شكر عالمعلومات الحلوه والمفيده ننتظر باااااااقي البنات يفيدووووون وشاكره مروك مره ثانيه انتى والاخت كويتيه
ماشالله عليج يا ام محمد برنامجج صدق برنامج وحدة والده ههههههههه حسستيني انا ولا شي ..
مع اني هالمرة احس اني مهتمه بأكلي وشربي اكثر من حملي الاولاني ..
يعني انا مالي نظام معين .. بس اول ما اقوم من النوم اشرب كوب حلبه كبير .. وقبل النوم بعد .. واكيد يتخلله نص اليوم يا حلبه او حبه حمرا ..
عاد امي تسوي لي الاكل متفاوت .. مرات اتريق خبز محلى وعسل.. والغدا يا مثل غداهم العادي او شوربه لحم او دياي ويكون الفلفل الاسود فيها يغلب ههههه
العشا ما اتعشى ههههههه مع زيارات الحريم ماشالله والي اييبونه اكل شكثر فأشبع .. بس مبتعده عن البارد والغازات والاكلات السريعة ..
على كثر الحلبه الي اشربها احس الدم ما ينزل لي عدل ..
واتسبح يوميا بماي دافي او حار ايلس فيه .. بس تصدقون ما عطوني كريم مطهر او شي للخياطه اصلا الحمدلله ما احس فيها .. بس انقع عمري في ماي حار وانشف الجرح وبس ..
وانا مب راضيه عن هالشي .. يعني ابا اسوي شي عشان اهتم بهالمنطقه ولا سويت شي .. :( تدرون المشكله زوجي محد عشان اقوله هات لي الاعشاب الفلانية او شي من هالقبيل خصوصا انه محلات الاعشاب بعيدة شوي ..
وماعندي حد يراكض لي هههه فقيرة يحليلي ..
وبشرتي ناوية ان شالله على الاسبوع الياي اشوف يا اني اسوي تقشير بالكريستال او اسوي فيشل قبل لا اسافر لريلي ..
للحين فكرتي مش واضحه عن الي ابا اسويه
عيون بوظبي حلو فطوورك ومرق اللحم جددااا مفيد للعظم
والتقشير حلوووووو يطلع لك بشره منوره يالله انشاء الله ترووحين لزوجك ووجهك منووور ويتخبل عليه <<< هههه صرت امراتيه
عليك بالعاافيه مقدما
وشكرا للعرض تجربتك
[COLOR="Orange"] مشكورة أختي انا لسا ما ولدت وهاذ الحمل الأول إلي دخلت للإستفادة .... أرجو الأخوات يفيدونك .... (: [COLOR]
احلى كويتيه الف الف شكر على نقل تجربتك والله يقومك بالسلامه انتى والبيبي وان شاء الله هالمره طبيعي
انا دخلت للاستفادة
بس اختي لما ربت امي ربطت بطن اختي بقطعة قماش فائدتها يساعد على اخراج الدم المتحجر والاوساخ
والغازات ويرجع البطن مثل اول ...ما شاء الله اربع شهور ما فيها كرشة ..
طبعا في البداية امي تساعدها على الاستحمام تغطي نفسها من تحت وامي ترش عليها ماء الدافي
وغير المساج ...
والبيبي امي تهتم فيه طبعا ...
بنسبة لااكل فطور خبز من الدقيق والثوم ويكثر من الثوم والبصل والماء مثل البان كيك يؤكل مع العسل
مع شوربة حلبة او شوفان
والغداء شوربة دجاج ..مع عيش ابيض يكون لييين ...
والعشاء كمان شوربة دجاج او لحم يكثر الثوم والفلفل الاسود ... او خبز مع العسل
طبعا شوربة الحلبة او الشوفان في نوع ثاني بس ما متذكرتنه ... طبعا على طول
هذا الي اعرفه ان شاء الله افدتكم
حبيبه قلبي ترااااااانيم الف الف شكر على عرض تجربه اهلك مااقصرتي الغاليه
حسيت عمري ولاشيء خخخخخ
انا عادي ما اكل شيء مميز كله من اكل البيت يعني عاااادي
انا تقريبا كل شي عادي
اللهم اشرب لي حليب مع الحلبة
واكثر من التبولة
واشرب لي مرقة لحم فيها كوسة وجزر وبليلة وحلبة ومادري بعد شنووو خخخخخ
وع الجراحة اتنقع بمووية وملح وشووية ديتووول
وفي بداية الايام كنت استخدم لها مرهم ميبوووو
بسرعة ريحني منهاااا
شااكره مرورك حبوبه سنيورتا ماقصرتي
مراحب الغاليات ,,
انا والله اول حمل لي,, وماعندي فكرة بالمرة عن اي شي,, وامي المسكينة بعد ماتعرف ولا شي,,, كل مااسالها عن شغلة ,, تفتح عيونها وتطالعني وتصير تضحك ,, فديتها والله ,, يعني شكلي انا بعلمها عاشن تاخذ فكرة لخواتي ان شاء الله ,,,
وحلو الموضوع ,, خلونا نستفيد من خبراتكم الحلوة ,, وجزاكم الله كل خير
pdحيا الله بنت الرافدين وننتظر باااقي البنات يشرفوانا بتجاربهم
السلام عليكم
بنات انا الحين بنتي عمرها سنتين و مفكرة احمل هالفترة انشالله
بس يوم كنت في النفاس امي ما كانت تخليني اشرب ماي وايد تقول مو زين للجراحة
فهل الشي صحيح او لا ؟؟
لأني كنت وايد اعطش بس اهي تقول مو زين
بس كنت كلا اشرب حليب وعصير
و الدكنورة ما عطتني مرهم شنو في مرهم او اعشاب او املاح زينة تتنقع فيها الوحدة و تخلي الجراحة تروح بسرعة
وايد عانيت انا الله يخليكم فيدونا