في الفترة الأخيرة أكتشفت شيء رهيب و خطير و جميل...
ببدأ في القصة...
انا فتاة ذات بشرة مختلطة و الآن في فترة الصيف أصبحت بشرتي 100% دهنية...
و طبعا لاحظت في المكياج... أنه كل ما حطيت طبقات أكثر على بشرتي ... كل ما زاد افراز الدهون..
المهم ...
كنت أدور على بيس أو أي شيء أحطه قبل المكياج ... بحيث أنه يخلي المكياج ثابت و في نفس الوقت ما تزيت بشرتي...
و من خلال بحثي لقيت هالموضوع في منتدى عروس..
و طبعا قريت وايد في النت.. و أكتشفت أنه حتى خبراء التجميل يستعملونها لأنها مادة طبيعية...
و طبعا الشي اللي أتكلم عنه هو...
مـــــــــــــاء الورد...
باختصار من أحلى الأشياء اللي استخدمتها...
لأني بعدين أكتشفت أنه منتج متعدد الاستخدامات...
* بيس للمكياج...
* تونر...
* لما تستخدمينه بارد تقدرين تحطينه تحت العين عشان تقللين الانتفاخ...
* يعطي البشرة الانتعاش.. لما تشعرين بالحر...
و الكثير من الاستخدامات الأخرى... يعني منتج متعدد الاستعمالات بشكل بحت!
و طبعا أنا حولته لشكل تقدرين تاخذينه لأي مكان... يعني تقدرين تحطينه في شنطتج و تاخذينه لأي مكان..
أول شي هذا شكل ماي الورد... طبعا في ماركات مختلفة...
و اشتريت هالغرشه من دايسو، و الحلو فيها حجمها... لاحظوا أن حجمها عملي جدا ...
و طبعا تقدرين تستخدمين أي غرشة قديمه لتونر او منظف قديم...
و تبدين تملينه للأخر...
هههه و هاي اللمسة الأخيرة... كتبت ROSE بس المفروض ROSE WATER بس ما كان عندي حرف E ثاني..
و الستيكر طبعا ضرورة... و لو انه شكله أستوى مبتذل شوي... :rolleyes:
هههه ..
و طبعا اذا تبون أحلى و أفضل نتيجة... حطوه في الثلاجة و استخدموه بارد...
و في طريقة ثانية... طبعا اتعرفون أنه نحن صاحبات البشرة الدهنية يفضل دايما انه نحط ثلج قبل الميكب..
هاي الطريقة تجمع بين الثلج و ماي الورد... يعني بدل ما تحطين ماي عادي داخل المكعبات حطي ماء الورد... و لما تبين تحطين ميكب طلعي واحد و مرريه على وجهج..
بس مب حد من الأهل ياخذه بالغلط و يحطه في البيبسي :ss:
و اتمنى أنه اذا عجبكم موضوعي ... تضغطون على علامة الميزان << من الاخت ستايلش برينسس