صديقتي الكاذبه

حاولي لاتردي على أتصالاتها...والله يهديها أن شاءالله

صح تجنبيها لين تمل وتنقطع العلاقه احسن

اخاف تنتقم منج او شىء فخليج بعيده عنها لين تمل

احذر عدوك مرة واحذر صديقك الف مرة

سلام عليكم ..

انا افضل انج اطرشين لهاا مسج و تكتبين لهاا زوجج رفض ،، وقال ان مايبي يرجعج ،، وانا ما بإيدي شئ اسوي .. السموحه منج اختي ..

وخلي زوجج يعرف انج بطرشيم لهاا مسج // لان لو سمح الله لو سوت لج مشاكل يكون كل شئ جدام زوجج ..

وهالنوعيه من الناس ينخاف عليهم ،، يعني عقب ماسوت هالسوالف ويا زوجهاا ونطت بيته ،،

شو تبين فيهاا خليهاا تتصل عليج لين ماتمل وبروحهاا ما بتتصل ..

ابعد عن الشر وغنيلو ...

السلام عليكم ورحمه الله وبركاته..

مشكورين خواتي الي علقو على الموضوع

اختي بنت الامارات انا قلت لها ان زوجج رافض يرجعج .. بس ماكنت ادري بالاسباب ,, واخر مكالمه بيني وبينها ان ,, تبي يزعم تشوف اليهال .. وتكلمهم .. انا دريت بكل شي من المكالمه الثانيه . عموما بصلي استخاره وبشوف شنو الاصلح ,, وبشوف ردود الاخوات

ام جنى

حياااتي خليييج ابعيييده عنها
اخاف اقولج صارحيهااا وقول الي بخاطرج خاصة وانتي مقهووره منها اتقول تجلب عليييج وتسوي لج مشاكل
البنات ما قصروا بس قولي لها ان طليقها رفض يرجعها وانهي كل اتصالاتج وياه
والله يهديها

Noor1979;6365939:
السلام عليكم ورحمه الله وبركاته..

مشكورين خواتي الي علقو على الموضوع

اختي بنت الامارات انا قلت لها ان زوجج رافض يرجعج .. بس ماكنت ادري بالاسباب ,, واخر مكالمه بيني وبينها ان ,, تبي يزعم تشوف اليهال .. وتكلمهم .. انا دريت بكل شي من المكالمه الثانيه . عموما بصلي استخاره وبشوف شنو الاصلح ,, وبشوف ردود الاخوات

ام جنى

هلااختي..ام جنى اكثر شي في موضوعك..لفت نظري..اننا فعلا..نحل مشاكل الاخرين بس مانقدر نحل مشاكلنا..واقع اعيشه..للاسف
وتفاجات ام جنى بمشكله ماشاء الله عليك..كنتي تحلين لنا مشاكلنا..بعقل واعي..بس ماوجدتي حل لمشكلتك..
الله يعينك ويعينا اجمعين..
ويفرج علينا..يارب
بس انا من رايي انك تواجهينها..علشان ترتاحين بس قولي لها انك..كذبتي..علي وماصارحتيني
اما باقي الفضايح اللي قالها طليقها عنها لاتتطرقين لها..
وفي النهايه..قولي..يسعدني تعرفت عليك..بس انا خلاص..من موقفك..هذا زوجي منعني..اكلمك..اواتوسط لك..مايبغى لي مشاكل مع الناس
والوجه من الوجه ابيض..ومع السلامه..
وانتهت السالفه
لان اذا بتماطلين معها بتكون بحيره والمواجهه افضل
بعدين الى متى نجامل على حساب انفسنا ولا احد حاس في تضحياتنا
وانتي اللي سويتيه نادر احد يسويه..ويصلح..وزوجك..ماقصر عطاك الاشاره الخضراء
لو غيره كان قال مالنا ومال الناس..والتدخل فيهم وبعدين تطيح علينا..
اتمنى تجدين ضالتك..في كلامي

انا رايي الافضل انك تطنشيها لين ماهي تفقد الامل فيك وتنساك ، وهالكلام اقوله لك من تجربة ،لان لو قلتي لها رايك بصريح العبارة: انك عرفتي بكذبها وتبين تقطعين العلاقة ، ماتعرفين وش راح تكون ردة فعلها لان هالاشكال وهالنوعية من الناس ينخااااف منهم بصراحة، ولايكون تفكر تنتقم منك بعدين وتخرب حياتك ،مع زوجك، ومن خاف سلم
وبالاخير استخيري الله ،
والله يسهل لك الامور

انه في البدايه اتعاطفت معاها بس انها تسوي علاقه محرمه مع واحد ثاني لا وتحمل منه هاذي ابروحها كارثه وي وي وي الله والزوجه اشفيها ذي ماتخاف الله وصراحه ماتستاهل اعيالها يمكن بعدها عنهم فيه الخيرلهم
انصحج تدقين عليها وتقولين لها انتي وحده كذابه وطحتي من عيني بعد اللي قاله ريلج عنج وقناع البرائه اللي حاطته على ويهج تراه مب لايق عليج وابتعدي عنها احسن (( ابعد عن الشر وغني له ))
ودام هذي اخلاقها عيل خافي على حياتج وريلج منها
والله يهدي الجميع

حبيبتي المكتوب يُقرأ من عنوانه

كفايه انها كذابه والمسلم ممكن يكون جبان أو غيرها من الأخلاق الذميمه الا الكذب والعياذ بالله
اللهم اجعلنا من الصادقين

اقطعي علاقتك بها تدريجيا بالتهرب منها ولاتقولين أي شئ

مادام ماتخاف من الله ماتدرين شتسوي أو تقول عنك

والله يحفظك

رأيي أن تبتعدين عنها حتى لو تحبينها
مشكلتها تسوي الغلط والحرام لأن ماعندها ريال يعني ماخذة راحتها
الله يهديها بس وترجع لعقلها

السلام عليكم ورحمه الله وبركاته ..

خواتي .. والله شاقول لكم الصراحه ما قصرتو , انا قبل كل شي .. حبيت افضفض حق اعز اخوات لي بالمنتدى.. والصراحه انكسرت نفسي لاني فعلا عديتها اخت ...

الشغله الثانيه انها تضرني مستحيل .. لانها بالبدايه خشت عني وهي لحد الحين ماتدري اني اعرف كل الموضوع على حقيقته .. لان حتى طليقها رافض يكلمها .. بالنسبه حق اهليتها حق اولادها .. مادري انا ام ,, و اتعاطف مع اي ام ..مهما كانت هذي امهم .. وحتى لو هي على خطا.. بس على الاقل يسمعون صوتها .. مافي ام تعوض عن عيال ام ثانيه .. صحيح المثل يقول الام الي تربي مو الي تولد.. بس .. انا بريت ذمتي ,, وماعاد اتدخل خلاص .. انا صح ما انضريت بالموضوع .. بس انحرجت وحسيت نفسي غبيه لان تم استغلالي..

عن نفسي ما بتصل فيها .. بس متأكده ان ممكن ترجع تتصل ... لاني اشوفها بالنت وتتصل بين فتره وثانيه ومثل ما قالت الاخت هي احيانا .. تتصل بس مب ديام ... لكن في شي بنفسي ابي اقولها اني اكتشفت كذبها .. وفي شي يقولي طنشيها وهي بتفهم من نفسها ... والله يهديها ويصلحها..

وهي خربت بيتها بايدها بتنازلها عن عيالها .. لان مافي ام تتنازل عن اولادها .. مهما كانت الظروف ,, في امهات ذاقو الويل وعاشو في النار لجل عيالهم .. كيف هي هان عليها!!

مشكورين ام جنى

نور عزيزتي ابعدي عنها نهائيا

مغروره بس مجبوره;6367169:
انه في البدايه اتعاطفت معاها بس انها تسوي علاقه محرمه مع واحد ثاني لا وتحمل منه هاذي ابروحها كارثه وي وي وي الله والزوجه اشفيها ذي ماتخاف الله وصراحه ماتستاهل اعيالها يمكن بعدها عنهم فيه الخيرلهم
انصحج تدقين عليها وتقولين لها انتي وحده كذابه وطحتي من عيني بعد اللي قاله ريلج عنج وقناع البرائه اللي حاطته على ويهج تراه مب لايق عليج وابتعدي عنها احسن (( ابعد عن الشر وغني له ))
ودام هذي اخلاقها عيل خافي على حياتج وريلج منها
والله يهدي الجميع

ana kman aqol keda

allah yofqej

حبيبتي ام جنى شوفي
دام انها تنازلت عن العيال بهالسهوله . معناته ماتبيهم ولا عموها .. وانها تكمهم بسسس عشان يقلبون على ابوهم .. ماشفيته شقال اذا كلموها ينقلبون علي عيالي ..
اصلا وانا اقرا مسغتربه شلون ماحاولت تسوي شي وهم بياخذ عيالها وتنازلت بكل سهوووووله .. يعني اكثر شي استغربت منه ..

ثاني شي .. لاتواجينها ولا شي .. احسن شي التطنيييش .. واريح لبالك بعد .. لو واجهتيها بتقعدين تحاتين تسويلك شي ماتسويلك شي .. اما التطنيش خلاص لا اتصالات ولا نت .. وخذفي ارقامها وايميلها عشان مايرق قلبك عليها بعد فتره ترجعين تكلمينها ..


وموفقه يالغااااااااليه

حبيبتي ام جنى
اسفه اني بقول هالكلام بس هذي نظرتي الخاصه وما اقدر اغيرها
انا هالانسانه كسرت خاطري كثير
كذا بطبعي واني ذقت حلاوة الايمان اذا شفت عاصي او مخطئ يكسر خاطري لانه ما ضاق حلاوة الايمان ولا ضاق جمال القرب من الله والستر ..هالبنت هاذي مسكينه وراكبها الشيطان للاسف
انسانه ضايعه وتايهه
ظلمت زوجها
تطلقت
خانت ربها واهلها وزوجها ونفسها
سيرتها على كل لسان
خسرت كل شي اولادها زوجها نفسها كل شي
يعني هالانسانه تستحق الاحسان صدقيني
الله سبحانه وتعالى امرنا بالرحمه وحسن مجاورة اهل الكتاب وانتي عارفتهم لا دين ولا اصل ولا فصل
يعني زنا خمور علاقات
فمابالك بانسانه تعتبر مسلمه ولكن انحرفت
هي بكل الحالات خسرت كل شي سواء قاطعتيها او لا
بس اتمنى منك تحاولي تكسبين فيها اجر وتنصحينها للمره الاخيره قبل المقاطعه
الصنف من هالناس يعيشون تعبانين ويموتون تعبانين
في بعضهم يتوب بسبب يد حنونه مدت اليهم بالموده والرحمه والنصيحه
وفي بعضهم يبقى على عناده ويموت فاسق
فحاولي تكلمينها وانتي معروفه وما اعتقد كلامك معها بيأثر على سمعتك او يضرك
انصحيها واذا ما تغيرت فخلاص ابتعدي بدون جروح
تحياتي

الله يهديها يارب

حبيبتي انتبهي منها .. انتي تقولين مستحيل تضرك ؟؟؟

طبعا لا مو مستحيل لأنها ماتخاف من الله مافيه رادع يردعها

ممكن اذا واجهتيها تنقهر وتسوي اي شي عشان تضرك

والدنيا تخوف مالها آمان عشان كذا نصيحتي لك انسحبي

منها تدريجيا وبرري غيابك بأنشغالك في بيتك وعيالك

والله ييسر لك يارب .

وأنا مع اختي الـ غ ـيَـد:

الله يهديها يارب

حبيبتي انتبهي منها .. انتي تقولين مستحيل تضرك ؟؟؟

طبعا لا مو مستحيل لأنها ماتخاف من الله مافيه رادع يردعها

ممكن اذا واجهتيها تنقهر وتسوي اي شي عشان تضرك

والدنيا تخوف مالها آمان عشان كذا نصيحتي لك انسحبي

منها تدريجيا وبرري غيابك بأنشغالك في بيتك وعيالك

والله ييسر لك يارب .