امكن وحده تتعرض للموقف وما احد معاها لازم تتعلم الطريقه السليمه لصحتها
وصحة البيبي
كل الحريم ولدوا (وبالفطره المخلوقات بتعرف كيف تتصرف) الله يكرمكم ويعزكم
اول ماتتوقعي انو البيبي راح يخرج وزوجك مو موجود ومضطرة تتصرفي
خذي عندك
روحي الحمام ومعاكي عبي البانيوا مويه دافيه يستحملها البيبي
وبعدين جيبي بكرة خيط ومقص
لاتنسي تسحبي معاكي شنطة البيبي اللي مجهزتها وحاجه تشربيها بعد الولاده
اتفضلي ياحلوه واسترخي في المويه
واذا طلع البيبي بالسلامه
ارفعيه ونظفي أنفه واتأكدي أنه فمه كمان نظيف وشوفي نفسه وأكيد راح يصرخ صرخة الحرية
مبروك ماجاكي
بعدها اسحبي برجلك سدادة المويه وخلي المويه تروح
لفي البيبي بمنشفته
خلي البيبي على بطنك
تعالي للحبل السري وبعيد عن سرة ابنك 5 أصابع اربطي بالخيط (اعملي عقده) لازم الخيط يكون عريض او اثنيه على اربعه
وبعدين احسبي من هذي العقده 10 سم باتجاه المشيمه واعقدي عقدة تانيه
العقده لازم تكون محكمه عشان مايصير نزيف للطفل
وبعدين تعالي في النص بين العقدتين بالضبط وقصي الحبل السري
نجي دحين كيف نخرج المشيمه
سبحان الله راح يجيك طلق خفيف عشان المشيمه تخرج اذا حسيتي فيه ادفعي
وبيد اضغطي على بطنك من فوق لتحت وباليد التانيه اسحبي خفيف المشيمه عن طريق الحبل خفيف ( مو بقوة)
واذا خرجن اضغطي شويه على بطنك لان الرحم مليان دم اذا ماضغطتي اول ماتوقفي راح ينزل بكثره
اذا جنبك حاجه تشربيها افضل قبل ماتقومي من مكانك
وحمدا لله على سلامتك
منقول
