للمتزوجات فقط.......؟؟؟

السلام عليكم ورحمة الله وبركاته ..

هلا فيم عزيزتي / النجم الساطع

اشكرك على مشاركتك الطيبة

واتمنى ان تجدي تفاعل من الاعضاء

لك تحياتي

سراب

عجبني موضوعك بس انا مو متزوجه
اكيد بيشاركوكي المتزوجات

مرحبا اختي النجم الساطع..

يله بسم الله

ج1: لا

ج2: نعم وأبوسه بعد..ههههه

ج3: نعم.. ونفس الشي

ج4: والله أوفر له جو مريح.. بس ليما الحين ما جبنا أولاد.. الله كريم

ج5: أحنا بغربة.. بس كل أشوي أخليه يكلمهم وأكلمهم معاه.. وأهو نفس الشي مع أهلي

ج6: أعطيه مهلة شوي .. وبعدين أتكلم معاه بهدوء

ج7: والله أتضايق.. ما أسوي مشكلة (( خوافة..)) بس أبوز شوي ههههه

تحياتي لك..

(( لو سويتيه أستفتاء مب أحسن؟))

الفكرة:up:

س/1 هل أنت من الزوجات إلي ماتخلي زوجها يطلع للدوام إلا بعد مايفطر?

انا دوام زوجي من اذان الفجر مباشرة فما انام الي اصحي زوجي ويفطر وبعد انام ...
طبعااا ايام اكون تعبانة انام بالليل بس ناااادرااا..

س/2 هل تقولين له كل يوم صباح الخير أول ما يقوم من النوم؟
اية بس مو دايمااا

س/3 هل تستقبلين زوجك إذا رد من عمله بإبتسامةولا تكونين؟؟

حسب المزاج طبعا بس دايم اكون مبتسمة والحمدلله

س/4 هل توفرين له جو مريح عشان يرتاح بدون إزعاج من الأولاد؟

طبعا وعشان كذا عندي خدامة ....

س/5 هل تعرضين عليه إنك تزورين أهله؟؟

تبغي الصراحة ولااا

لا ما اعرض علية الا فيما ندر..

س/6 إذا شفتي زوجك متضايق في يوم تحاولين تعرفين إلي فيه ولا تلتزمين الصمت؟

اعرف اش فيه ...


س/7 لو طلبتي منه يدوديك مشوار للسوق أو صالون أو أي طلب.ورفض وقال تعبان أجلي مشوارك تزعلين وتسوين مشكلة؟؟

زمان كنت ازعل بس الحين تعودت ...


:( وخلاص مابيغا يروح عادي جداابعد مادامة يوافق اخرج مع جارتي اخواتي وامي ...

وسلامتك في نتايج للاختبار ولا اختبار لقافة ههههههههههه

امزح لاتزعلي ...

بايات

السلام عليكم..

ج1/ لا،،يطلع بدون فطور،بس سويت الفطور مره وحده من زواجنا.

ج2/إذا كنت صاحيه اوصله لين الباب.

ج3/الأغلب اكون مبتسمه:) الا إذا كان المزاج معكر:confused: :mad:

ج4/ على قد ما اقدر اخلي الجو اكثر من مريح.

ج5/ اكييييييييييد.

ج6/ احاول اعرف..

ج7/ ازعل بس ما ابين له اني زعلانه واقول له: اهم شي راحتك
لكن اذا اجل المشوار اكثر من مره اقلب البيت على راسه:mad:

هذي اجوبه صريحه;)

1. والله يا عزيزتي ما بعرف اذا بفطر او لأ بس انا بسأله هو بقول لأ. :down:
القهوة والدخان اكله وشربه ( دابحينه)
2. كل يوم بودي له مسج فيها صباح الخير وبوسة كمان. :smile:
3. دايما مبتسمة وانا معه
4. لسه ما عندي اولاد:s2
5. انا كل يوم برجع من شغلي لبيت اهله، بس بصراحة لانه هو موصيني والا انا ما بحب اروح لهناك لأن حماتي ماشاء الله عليها بتموت علي
6. اذا شفته متضايق ما بسكت بلح عليه بالسؤال وبضل احكي حتى اطلعه من اللي فيه.
7. بزعل شوي وبتضايق بس بدون ما اعصب ( دلال نسوان يعني) بعدين هو بقوم لحاله بقول لي تعالي اوديك مكان ما بدك



شكرا موضوعك حلو
سلااااااااااااااااام

ج1:انا اداوم قبله بس يوم اجازتي مرة سويتله ريوق وقالي لا تعبين عمرج لاني اتريق في الدوام... بس مرات انش واسويله حليب واجهزله ثيابه..

ج2:مب دايما مرات بس اكثر الاوقات اقوله وخاصة يوم انا اكون في الدوام اتصل فيه واوعيه حق الدوام اقوله..

ج3:اذا كنت زعلانه منه ما ابتسمله بس اذا كنت يالسة مع اهله ابتسم بس اجامله جدام اهله.. بس اكثر الاوقات اكون راضية وابتسمله

ج4:لين الحين ماعندنا عيال بس هو يوم يرقد مايعرف حد عادي عنده اذا في حشرة او لا

ج5:انا ساكنه مع اهله...

ج6: اسكت الين مايهدى وبعدين اشوف الوقت الناسب واقوله وهو يوم يكون مضايج يقولي على طول..

ج7:اكيد بزعل اذا كان سبب تافه بس مب اني اكبر الموضوع

العزيزة لين الشرق ......موإختبار بس كنت جالسة لحالي وخطرت ببالي أمور من الحياة الزوجية قلت خليني أشوف رأي الحبايب
ويمكن تكون مثل ما قلتي (لقافة)ههههههههههههه;) :p

اكييييييييييييييد .. ولازم كل وحده لو تحب زوجها تسوي هالشي واكثر
:o

موضوعج حلووووووو الفضول خلاني أدش :D ومنكم نستفيد..

ليش الفضايح الله يهديكِ :shy:

خلّي الطابق مستور ,,,

1- طبعا لازم افطره واحيانا اغصب عليه انه يفطر

2-طبعا

3-نعم وابتسم له واسئله عن يومه زين او لا

4-بصراحه ما عندنا الا ولد واحد عمره عشر شهور وزوجي ما يقدر يجلس

ولا يرتاح الا لما يكون حمودي عنده وعموما اكيد اوفر له الجو الهادي لما

يبغى ينام

5-نعم وبصراحه دايم انا اللي اطلب منه اننا نروح لاهله او اقوله اني

كلمت امه

6-والله على حسب اذا هو متضايق بالمره اسأله مره وحده

واذا كان متكدر بس استناه لين يقولي

7-لا مع انه دايم يسويها فيني لكن ازعل اذا طلبته اكثر من ثلاث مرات

وكل مره يتحجج ويتعذر باعذار واهيه

:shy:

:) :) :) :) :) :) :)

مرحبا :shy:

س/1 هل أنت من الزوجات إلي ماتخلي زوجها يطلع للدوام إلا بعد مايفطر?

ج/1 والله انه هو الى بيعمل الفطور وافطر معاه

س/2 هل تقولين له كل يوم صباح الخير أول ما يقوم من النوم؟

ج/2 مش دايما أ احيانا بنسى

س/3 هل تستقبلين زوجك إذا رد من عمله بإبتسامة؟؟

ج/3 طبعاً ، أكيد:smile:

س/4 هل توفرين له جو مريح عشان يرتاح بدون إزعاج من الأولاد؟

ج/4 انا عندي بنت واحدة عمرها ست شهور ، وهو ما بينام الا لما انام انا

كمان ، عشان هيك بحاول انيمها وانام

س/5 هل تعرضين عليه إنك تزورين أهله؟؟

ج/5 لأ ، لانه كل جمعة يا احنا عندهم يا هم عندنا ، يعني بنشوفهم على

طول ، بس اهلى لى مش دايما بشوفهم


س/6 إذا شفتي زوجك متضايق في يوم تحاولين تعرفين إلي فيه ولا تلتزمين الصمت؟

ج/6 طبعا ما اسيبه الا لما اعرف ، بس هو على العموم لازم يحكيلي كل شئ صار معه من نفسه ، وكمان لو كنت انا متضايقة ما يسيبني الا لما يعرف السبب ويراضيني


س/7 لو طلبتي منه يدوديك مشوار للسوق أو صالون أو أي طلب.ورفض وقال تعبان أجلي مشوارك تزعلين وتسوين مشكلة؟؟

ج/7 والله هو دايما يقولي تعبان ، اصله شغله متعب كثير وبيروح متاخر وتعبان دايما ، وانا تعودت على هيك ، وما بزعل لاني بقدر ظروفه

مع تحياتي

:z_bye: :flower:

ج/1:بعض الاحيان
ج/ 2:لا لانه يروح الدوام وانا نايمه
ج/3اكيد استقبله وانا مبتسمه واكون مبسوطه بعدواذا تاخر ادق واسئل عنه
ج/4 طبعا اوفرله الجو المريح وماعند ي الا ولد واحد عمره شهر ونص
ج/5اهله في نفس العماره الي احنا فيها دايم مع بعض
ج/6التزم الصمت يمكن لاني ماحب اتدخل في خصوصياته بس اذا شفت الامر يدعي السؤال اقوله بدر مني شيء يضايقك واذا جاوبني انه مو متضايق بسببي ارتاح
ج/7لا مازعل بالعكس ااجل المشوار لوقت ثاني بس انا ذكيه اختار الوةقت المناسب الي احس انه يكون فاضي فيه
وشكرا على الاسئله
مع تحيات خوخه الحبوبه
ام مشعل

اقول ولايزعلن الحريم على ان هذه المواصفات لاتوجد الافي حور الجنه
ام حريم هذا الزمان فمن سابع المستحيلات
لكن الايضيق صدري ويخوفني اني ما القاه في الدنيا وفي الاخره
وانا ادري بتقولون حرام عليك ظلمتنا؟
اقول وش كثر المطاعم ومغاسل الملابس والاستراحات وكثرت سفر الرجاجيل
للخارج ليتمتع بالصبايا ؟؟؟؟؟؟؟؟؟
الا انتم يا حريم
لاطبخ ولانفخ ولاغسيل ولاابتسامه ولارومنسيه ولاولاولاولاولاولاولاولاولاولا
حرااااااااااااااااااااام عليكم ارحمونا

أخي الكريم ناصح المملوح...

والله احترنا شو نسوي ......

بس في النهاية الريال أناني
وما يعجبه العجب...... لو مرته
مولعه أصابعها لا وحارقه عمرها علشانه
لااااااازم يطلع عيب فيها.....

لكن على الإنسان إنه يتذكر دائما
إنه إنسان ومب كامل.....

والسموحه.......