فن ومواهب وافكار لكن اتكلف

موفقه ياقلبي


انا اشتغلت في هالمشروع بس كان العائق الوحيد ماعندي خدمة التوصيل فكنسلته


راح اختصر لج مشروعي

اول شي لازم تكوني ممبدعه يعني فنانه بالفناتك
وبعدين لازم تحددين اشكال الصواني وشنو نوع اضافاتج يعني تركيب ولا رسم ولا تغليف

يعني انا كنت اشتري اغراضي من الاسواق الشعبيه مثل طيور الجنه عنده كل شي تقريباا
من كأوس صغيره الحجم اضيف عليها بعض الشرائط الدانتيل واسوي فنكات صغار واضع اغصان من الشجر مو جوده بالاسواق الشعبيه مع رش زري(لمعه) تحصلينه عند راعي الكلف للخام
واجيب صينيه زجاج او بلاستك شفاف واحط 12 كأس واضع شكولاته من محلات المحمصه
وطبعا لاتنسين اتزينين الشكولاته وتحطينهااا بالكأس مع بعض الحلويات اللي تعجبج يعني تشكيله علي شكل عيدان ومدور ومثلث انتي وذوقج
وزيني الصينيه بالدانتيل والفنكات اللي تكون عكس لون الدانتيل
يعني مثل كحلي وفضي
ذهبي واحمر
ذهبي وبني
وردي وفضي




وسلامتج هذا مختصر طبعاااا

اهم شي بالمشروع انج تفرفرين بالسوقه الشعبيه واي محلات فيهاا اشكال حلوه مثل الفراشات والدببه الطيور اذا كانت لمواليد
واذا لمناسبات عادي اعتمدي علي الخام والورود البلاستك الصغيره وتعلمي دمج اللالوان الاغصان بني الورق اخضر او بيج الورد جميع الالوان يعني فناتك



عساني اكون فدك


لاتنسيني بخالص دعائك لي ولزوجي ان الله يجمعه بولده



تحياتي

ياالله يارب سخر لها زوجها واجمعه بولده
مشكووه يا وردة الكويت بس المشروع جاب ارباح وكم بالميه
وياالله يابنات عطونا رايكم لانه يهمني

تسلمين لي ياقلبي



المشروع مربح بس يبي تفنن وابداع وشغله متعب


من ناحية راس المال راح احسبه لج بالدينار الكويتي

يعني كنت اشتري المستلزمات بحدود 10دك
والشكولاته بحدود 9 دك
وابدأ شغلي الصينيه الوحده تاخذ مني 2ساعتين وسعرهااا 25دك

يعني اذا راس مالج بحدود 20 دك
يكفيك تشتغلي علي 5 صواني الوحده 25دك
5×25=125دك يعني شوفي الربح بحدود 100دك

يعني الشغله مربحه بس تتعبين وايد معاها لانه شغل ايدج
يعني ينكسر ظهرج وانا تشتغلين ولازم يكون بالج وسيع مو عصبيه مزاجج رايق علشان تتفننين

ولازم تكونين مطلعه علي علي فنون الرسم وفنون الاشغال اليدويه

ومع التجربه تصغلين موهبتج


ان شاء الله اكون وضحت لج المعلومه



وتحياتي

الشغلة مربحة جدا

وانا مجربتها

وراااائعة خاصة مسألة التوزيعات

لكن مثل كاقالت اختي وردة

يبيلها طولة بال

موفقه اختي

هلا اختي المشروع وااااايد مربح انا عندي افكار وااااايد وودي ابتدي بس ماعرف وين اعرض بس انا تكلفني الصواني يعني ابي ابيع الوحده ب500 ولا 600 ولا 700 ريال لان الاكسسوارات الي احطها من ذون وزارا هوم وافكاري غريبة وحلوة... شوروا علي شسوي ..

بالتوفيق

الله ايوفقكم

الله يوفقج !!

حبيبتي، انه اشتغل بهالشغله والصراحه الربح وفير والحمدلله، اذا انتي في البحرين تراني اورد هالسواله وتطلع عليج ارخص من لو تشترينها في الديره،والشغله مثل ما قالوا الخوات يبي لها تجدددددديد وايد وابدال وخيال وطريقه رهيبه في خلط الالوان،
حبيبتي اميره البط، تقدرين تشترين اشياء حلوه من اماكن رخيصه بس ذوق لان السالفه في النهايه مو على سعر الشي على الذوق، اذا اي احد وده بهالسوالف تراني اوردها يكلمني على الخاص، واطلب الله لكم التوفيق في الدنيا والاخره.