لانكاوي لا تصلح للعوائل .

ام مرايم;804760:

والحين نجي للنكاوي

اه يا لنكاوي بجد أحلى مكان بماليزيا للي يحب الطبيعة والهدوء بعد سنة دوام وشغل وتعب

بس على فكرة ترى في ناس ما يحبوا يجلسوا فيها كثير لانها خالية من وسائل الترفيه انا جلست فيها 3 أيام بس ندمانه قلت ليتني خليتهم 4 أيام وقللت من أيام بينانج

المكان جدا ريفي وما فيها زحمة وأغلب سكانها مسلمين وناس طيبين جدا والابتسامة دوم على شفاتهم يعني بجد الواحد يرتاح فيها نفسيا

حجزنا على فندق هوليدي فيلا الفندق مستواه جدا عادي والاثاث قديم يعني الفندق قديم وهذي الغرفة بس مو ندامانه اني سكنت فيه موقعه والي يشتغلوا فيه وكل شي فيه يخليي أشتاق للمكان وايد :110:



على فكرة هذا عبارة عن كرسي وتحت الكرسي فيه فرشة ممكن تسحبها وتصير الغرفة لأربعة أشخاص 2 على السرير وواحد على الكرسي وواحد على الفرشة الي تحت الكرسي حلو لمجموعة شباب حابين يقتصدوا



ولما أطلع من الغرفة يكون ها المنظر مقابلي لأنه عباره عن قسم بالمطعم فكان ها المنظر مقابل غرفتي بالظبط الحمد لله



وها المنظر من بلكونه الغرفة



بس بصراحة الحوض الي فيه روعة وموقع الفندق حلو من العصر فيه بارشوت ورحلات للجزر القريبة بالقارب وما ادري شو تسمون اللعبة الي تكون مثل الدراجة او السفينة الصغيرة بالمره على البحر





احنا كنا نصحى الصباح على الفجر نصلي وما ننام سبحان الله ما نقدر نواصل ننزل للشاطئ شوي ونمشي شوي على الحوض ونفطر ويكون لسى المكان فاضي على الساعه 7 تقريبا وبعدها نجلس شوي لحد الساعه 8 على الحوض زوجي يسبح وانا أستمتع بمنظر المكان لأنه يكون فاضي والجو روووووووعة

ها الصورة خذتها من شاطيء الفندق

ام مرايم;804795:

وبعدين رحنا للتلفريك وهذي الصور من التلفريك ( نصيحة للي قلبه ما يتحمل الاتفاعات لا يطلع التلفريك لأنه ما بيستمتع بحلاوة المنظر يعني انا ما كنت قادرة اشوف شي بس لما شفت ها الصور بعدين حسيت المكان بالفعل روعة )















ويا سلام على زرقة المياه



وهذي صورة بالإستراحة تكون بنهاية التلفريك على قمة جبل انصحكم تريحوا اعصابكم فيه وتشاهدوا المناظر الخلابة

ام مرايم;804807:

وبعدها للشلالات

طريق الصعود لها ( نصيحة خذوا لكم ماي او أي مشروب لأن طريق الوصول لها متعب بس ممتع خخخخ طول الطريق زوجي يقول لو يجيبوا الرابح الاكبر يطلع الدرج:109: )





وصلنا