الخوف بيذبحني..

أنا بعد مثلك شايله هم الولاده ..

وتميت فترااات أصيح بآخر الليل وبأوله وبوسطه .. بأختصار من وقت ماأصحى وانا اصيح وحتى صرت أصيح وانا نايمه

لكن شالفايده ... انسى ... وخليه بوقته لاجاء الولاده خافي الحين انسى

وتوكلي على ربك وادعيه وان شاء الله تتسهل وتتيسر..

وانتى لاتفكرين بالولاده فكري بعد الولاده بيكون عندك بيبي,,

شدعــوه الولاده مب لهـدرجـه تخـوف <<< اخس يالـواثقـه

بس صج بنـااات انسـي الولاده

وتمتعـي بكـل لحـظه بحملــج والالـم يـوم واحــد وانتـو تحـاتـووونـه

تسـع شهـــور مب معـقــوووولـه

ان شـاء الله كلــها تساهيــل من رب العـالميـــن بس عليـج بقـراءه القـران

وكثـري من الاستغـفـار والدعـااااء

الله يهــون على كـــل حـامـل والله يــرزق كل محـرووومـه بالذريه الصـالحه

ان شاء الله

ليش تفكرين الغالية
انسي وعيشي يومج




هب زين تفكرين وااااايد والله يقومنا بالسلامة

مو زين تفكرين اختي عشان صحتك وصحة البيبي
استهدي بالله وصلي على النبي الكرم محمد صلى الله عليه واله وسلم
واقري كتاب الله الكريم

السلام عليكم ورحمه الله وبركاته..

اختي .. لو الولاده تخوف .. ماكان وحده فكرت انها تحمل مره ثانيه .. يعني شوفي الحين الطب تطور.. وظهرت اشياء كثيره تخفف الالام الولاده منها .. ابره الظهر .. . والولاده المائيه وغيرها ..

توكلي على الله ونامي كثير ما تقدرين لان اختي راح تتمنين النوم لمده سنه على الاقل ...

تقبلي مروري ام جنى

مشكورين حبايبي على الرد وان شاءالله الله يسهل علينا ولادتنا ,,اميــــــــــن

السلام عليكم

ليه انت خوافه عذوب <<<<<<<<< يعني انا اللي مو خايفه

حبيبتي لاتفكري كثير وشيلي الموضوع من بالك

وقولي لما وقتها ان شاء الله ربي بيسهل

جاتني فتره كنت افكر مثلك وابكـــــــــــــي

بس الحمد لله عدت ...

توكلي عالله وثقي بانه معنا ورددي

((كلا ان معي ربي سيهدين ))

ماشاءلله عليكم يااابنااات والله يوووم تسمعين أول بكى لطفلك والله لتنسين الآآآلام كلهااا

والله ماكتب على المرأة الولادة إلا وهو عااارف انها تقدر عليه ومثل ماقالوا الاخوااات أستمتعي بحملك

ونااااامي وشيلي من بااالك مسألة الولادة والطلق ولاتنسين أمهاتنا وجداتنا اللي جابت 8 واللي جابت 10 وهذا هم عااايشين ولكاان عندهم مستشفياات وتصوير وأدوية ...

ربي معاااااناا وماااراح ينساانا وقت الولادة أهم شئ كثرت الاستغفار والحمد والشكر على نعمة الحمل غيرنا تحلم حلم بالأطفااال

اللهم لك الحمد ولك الشكر ولك الثناء كما ينبغي لجلاال وجهك وعظيم سلطاانك ...

لا يا قلبي مو زين الخوف عليكي
اخزي الشيطان وسوسته بصعوبه الولاده
وتوكلي على ربك
وانشاءالله اتسهل
الله يهون عليكم جميع

خواتي ماله داعي للخوف الوحده تتوكل على رب العالمين وشئ طبيعي ان الوحده في الشهور الاخيره ينتابها قلق وقلة نوم بسبب التفكير بالولاده
بس نصيحه مني انكم ماتفكرون انا في ولادتي الاولى من كثر ماكنت خايفه واحاتي ماقدرت ادفع وقت الولاده وتعسرت ولادتي وتعبت تعب الله لايوريكم اياه وصار هذا درس لي وهذا الحمل ابداً ماشلت هم ولاخوف بس ادعي ربي عشان يسهل علي والحمد لله

الله يسهل عليكم الولاده توكلي على الله ولا تخافي واكثري من الاستغفار وشوفي تجارب الاخرين ربما تفيدك
فيه امرأة تعسرت ولادتها فستغفرت الله الف مره ما ان اذن الفجر حتى ولدت وجابت طفل زي القمر
لا تخافون الله يسهل عليكم وتكفون دعواتكم لي بتحقيق ما اتمنى وشكر

اكثري من الدعاء لتسهيل الولادة واكثري من الاستغفار والصدقة وشوفي النتيجه

والله الخووف عامل عاميلة

بس مثل ماقالوو البنات لو الولادة صعبة كان ماحد فكر يحمل مرة ثانية

اللهم سهل علي وعلى اخواتي ولادتهن ويسرها يارحم الراحمين

ارحمنا وجعل الامها تكفيرا لذنوبنا ياذا الجلال والاكرام