اللي جربت جهاز (ال بي جي) تفيدني بليييييييز

انا جربت جلسات جهاز ال LPG عندنا في بوظبي دفعت لهم حق شهر كامل 1700درهم حوالي 12 جلسة يعني تسوين ثلاث جلسات بالأسبوع ويسوون لج الجسم كامل مش منطقه وحده بس مثلا البطن ترا حد منهم يبالغون بالسعر ويحددون المناطق في الجسم ...

بصراحه انا اقولج كنصيحه سويه ولا تحاتين شي

انا اول ما بديت سويت 8 جلسات حتى ما كملتهم كلهم المفروض اكمل 12 جلسه شو رايج انه ما ظل احد ما انصدم لما شافني بعد هالثمان جلسات والله اول ما رحت لها كان وزني 70 بعد ثمان جلسات يعني اسبوعين ونص تقريبا صار 63 المشكله صح انه ما راح ينزل الوزن بشكل كبير لكن الحلو في هذا الجهاز انه يتم تذويب الخلايا الدهنية ويحسن منظر الجسم وراح تلاحظين انه مقاساتج كلها بتصغر بطنج خصرج الارداف الأكتاف بإختصار شكل الجسم بيصير انحف بكثير يعني اللي يشوفج بيقول هذي نازله 10 كيلو مو خمسه مثلا فهمتي كيف .. بصراحه انا حاليا تعبت مع الرجيمات حتى صديقاتي في الدوام يقولون مافي شي فادني كثر هالجهاز وينصحوني ارجع اكمل لاني وقفت بصراحه تدلعت لما شفت وزني نزل وشكل جسمي تغير قمت اتدلع وآكل وخربت كل اللي بنيته

انا بصراحه اشجعك عليه ومافيه خساره بس اهم شي

شربي مااااااااااااااااااي وايد

امشي 3 مرات بالاسبوع نص ساعه او عندج البديل الأسهل (( الرقص))

خففي اكل

وشوفي النتيجه وادعيلي لاني ناويه ارجع اكمل جلساتي

انا سويته في مركز سليم كير اذا تعرفينة في بوظبي عندهم خصم لو انج سجلتي حق شهر كامل يعني 12 جلسه بتدفعين 1700 بس وصدقيني انا ما خليت مكان اسألهم عن الاسعار الكل مبالغين وايد حد يقولج البطن بس ب 4000 وحد يقول 5000 وفي مركز في دبي يسوون حق شهر بس 2400 اعتقد مع برنامج حميه

المهم سليم كير انا اول ما سجلت عندها سوت لي اختبار body test وجلسه مجانية اول وحده عقب عطوني برنامج حميه غذائي ولستة بالسعرات الحراريه للمأكلولات طبعا محسوبتج ما مشت على الحمية ورحت ألفت برنامج غذائي على كيفي مشيت عليه .. بس دايما كانوا يقولون لي امشي لو نص ساعه بس ومش لازم كل يوم واشربي ماي وااااايد كثر ما ترومين

بس طبعا فرق عقب استوى جسمي غير مشدود واحسن بوايد حتى تضاريس جسمي تغيرت مع اني ما كملت لانها قالت لي شوفي انتي بتحتاجين 3 شهور شهر ما يكفيج لان جسمي بعيد عنج رايح فيها حملت 3 مرات ورا بعض من دون راحه

مميزات هذا الجهاز:

• إنه علاج ميكانيكي للنسيج الضام.
• يزيد الدوران الدموي و الليمفاوي وبالتالي ينقص من احتباس الماء.
• يحرض انحلال الشحوم في مختلف طبقات النسيج الشحمي.
• يزيد التوعية الدموية.
• يزيد التبادل الخلوي.
• يحرك النسيج الضام الغرائي وهذا ما يؤدي لزيادة نعومة الجلد.

الاستعمالات الأخرى:

الكسور
الندبات
الحروق
السيقان الثقيلة
الدوالي الوريدية
الآلام الفقرية
التهاب العظم والمفاصل
التهاب الأوتار