أبغي مشورتكم الله يفرج همكم

والله ماعرف شقولج بس زين انج ربيتي ولدج على حب أهله،، واصلي على هالشي،، تقدرين لما زوجج يزور أهله تخلينه ياخذ ولده معاه،، يمكن لما يشوفونه يحن قلبهم عليه وعليج،، وطبعا لا تنسين الدعاء،، ان شاء الله البنات يفيدونج اكثر،، الله يساعدج ويفرج همج ان شاء الله

هذا الموضوع مسؤولية الزوج ... وعندما يكبر الولد شئ طبيعي بعد ذلك ان يذهب هو بنفسه الى اهل ابوه وان شاء الله تكون معاملتهم معاه طيبه ... عموما انا ارى انك لاتنزعجي واتركي الموضوع على الله ومرور الايام ... انتي سويتي كل اللي تقدرين عليه وان شاء الله زوجكك يستطيع اصلاح الامر

مشكورين عالردود الحلوة بس عمر 8 سنوات أحسه كثير ..فاتحت زوجي أنه يأخذه بس قال اللي مايريد أبني ماأغصب عليه بس ...والله حرام ..بس أنا مزلت مستمرة أحببه فيهم...وخاطري جده يرضى علينا أنا مو مهم بس الطفل حرام ...والله زوجي ما مقصر معنا ولا أريد أضايقه ونحبه وحياتنا من دونه ولا شي ...ولا نقدر نعيش حياتنا من غيره...أطلب من كل واحد الدعوة

لاسلام عليكم ،،،

حبيبتي إذا انتي فعلا زعلانة ومتضايقة عشان هذا السبب ، آنا أقولج فرضي على ريلج

تروحين لهم غصب تحبين هاليومين ، أو تبين في رمضان وهذا شهر فضيل الكل يسامح الثاني،

وصدقيني راح تعرفين نظرتهم لج إذا يستاهلون تستمرين في زوارتهم أو لأ !!!!!

إذا طردوج خلاص قفلي الشر ولا تروحين مهما كان انتي غريبة عنهم ، وخلي ولدج يروح

دايماً مع أبوه غصباً عليه مو من طيبه ....

حبيبتي يمكن أهله ما اعترضوا ولا في بالهم يرفضون وجودج في حياتهم ، بس يمكن ريلج

خايف من هاللحظة ...........

نصيحتي لج روحي معاه هاليومين انتي والولد وأبوه ودخلي عليهم وشوفي ردة الفعل

صدقيني اول مرة راح تشوفينهم شايلين نفسهم عليج حبتين ، بس كل ما تروحين راح

يصغر حجم الحاجز اللي بينج وبينهم ، وصدقيني انتي في الآخر الكسبانة وراح

تصيرين العزيزة الغالية ، لا تقولين ما استقبلوني ولا كلموني ولا احترموني ، هذا فعلاً اللي

راح يصير ويمكن لأ ، بس لازم تتقبلين هالوضع بسعة صدر ، وخيرتهم راح يحبونج ، انتي

منهم وفيهم ما في مجال يرفضونج طاح الفاس بالراس وعندج ولد منهم الحين ، وإذا رفض

ريلج تروحين معاه جبريه ولا تخلينه يروح لهم إلا وياج عشان تكسرين هالحاجز !!!!!!!!!

وإذا رحتي من أول ما تطاعين من بيتج لين توصلين بيتهم ادعي ربج يعدي هالوضع على

خير واقري سورة الزلزلة لحد ما تسلمين وتقعدين .....

والله يعينج ...............

إن شاء الله قلبهم يلين
ويجتمع شملكم جميعاً (f)

منال الكويت ياحظك بهالقوة حاولت مع زوجي ما رضى قال روحي بروحك أهلي وأعرفهم زين ..أصلا ما يطيقوا طاري أش عاد شوفتي...وزوجي مو راضي ما اقدر أسوي شي بدون رضاه...مشكورة حبيبتي

الله يفرج همك يارب ويساعدك ......

اهم شي ياعسل انك دايم توصين زوجك على اهله اذا قصر في حقهم عشان تكبرين في عينه

واذا راح زوجك خليه ياخذ ولدك معاه

وانتي كمان حاولي انك تزوينهم وتتصلي على امه وابوه تسالي عنهم حتى لو رفضو في البدايه

ان شاءالله ربي يهديهم

ولا تنسي الدعاء لهم بالهدايه

والله يعينك بس كوني واثقه انه لك اجر بأذن الله

تدرين اشلون ؟؟؟؟؟؟

مالج إلا تنطرين رمضان وتروحين تباركين لهم بالشهر وترتاحين من الشغلة ، وصدقيني

ماراح يردونج واخذيها مني محد راح يرفض يسلم عليج أو يطردج من البيت ، خصوصاً في

هالشهر ، والله يكون في عونج ...........

الله يعينك 8 سنوات وما نسيو؟؟ المفروض زوجك يدخل مدام علاقته معاهم طيبه على الاقل ياخد الولد وخليكى معاه ومن وقت لتانى احكيله ربنا يحنن قلبهم عليكى وعليه ويهدى بالك وخاطرك ويفرجها عليكى

السلام عليكم ورحمه الله وبركاته

الامر سهل ياقلبي

عليك 4 اشياء

قراءة سوره البقره كل يوم

قيام الليل والدعاء اللهم حنن قلوبهم علي وع ابني في سجودك كل يوم

كثره الاستغفار 200 اواكثر كل يوم

الصدقه بنيه ان اهل زوجك يحبنوك انتي وابنك ولو بدرهم كل يوم


وان شاء شهر او اقل بتنحل مشكلتك

وبشرني ع الخاص تكفين لاني بدعيك في قيامي

ابيدى من اليوم

الله يفرج همك يارب..

ما فهمت انا بالضبط ...................

يعني انتي متزوجه واهله مايدرون يعني والا كيف ؟

عجيب امرهم والله
ماكل هذه القسوه
عجبت من قوم يحبون ابنهم ولا يحبون زوجته وابنه
اعتقد مافي اعز من الولد الا ولد الولد
يعني معقوله ما يوم سألوا؟؟؟
معقوله زوجك مرتاح لهذا الوضع؟؟؟
معقوله ما حاول يودي ابنه على الاقل لهم؟؟
اسمحيلي انا اشوف الوضع غريب جداااا
كيف قدر يستمر مخبي ابنه عنهم 8 سنوات
انا اقترح دام زوجك خواف وما عنده عزيمه
اقترح عليك وانتي بكيفك بعد
اشتري هديه للام وللاب وتكشخي ولبسي ابنك احسن لبس وقبل لا تروحين صلي ركعتين لله واستغفري مئة مره واقري ((وجعلنا من بين ايديهم سدا ومن خلفهم سدا فأغشيناهم فهم لا يبصرون)) صدق الله العظيم
وادخلي عليهم بأذن الله وكلك امل بالله وما اتصور بيطردونك او يقطعون راسك؟؟
ادخلي وسلمي عليهم وقولي جيتكم على محبة الله فلا تردوني والله العظيم اتصور بيحطونك على راسهم
وبيفرحون لشوفة حفيدهم
الله يحنن قلوبهم عليك بأذن الله
تحياتي

كل كلامكم عظيم ...سأخذ بنصيحة الدعاء والإستغفار والقراءة..بنات كثار سألن عن زوجي وعدم حله للوضع اللي نحن فيه بس هو حاول بس بدون فايدة...وهل اللي تظن 8 سنوات نحن ما نعاني فيها ولا نتعذب لهالوضع وهو أخذني على علمهم قالهم بخذها وبس وقرر وأخذني وتزوجنا ورزقنا بهذا الطفل...وهم عنفس الوضع مو راضين أنا والله ثم والله ما أريد غير رضاهم...وزوجي يقول دام ما يبونك خليهم لا تسألي عنهم

اللي عليج سويتيه والله يزرع حبكم في قلوبهم يارب