@ apple سلسلة كل ما تحبـ ( 1 ) وعش نحيفاً green @

الســـلام عليكم


طبعا اغلبنا بيعانى من السمنة ... وحل السمنة الرجيم

لكن اللى مش بيقدر يعمل رجيم ... يعمل ايييييييية ؟؟؟ يستسلم لحالة ؟؟؟ لا طبعا

انا مش عندى ارادة انى مش اكل والكلام دا

لكن باكل بس اكل صحى وبلعب رياضة بالتالى بحرق دهون من اللى موجودة عندى لكن مش بزودها

وصفة النهاردة ... صينية بطاطس مهروسة باللحم المفروم

المكونات ::

1 ثمرة بطاطس 200 جم

1 بصلة صغيرة

3 فص ثوم مهروس

ملح / فلفل حسب الحاجة

1 ملعقة طعام زيت

100 جم لحم مفروم


الطريقة ::

1/ نسلق البطاطس فى الماء السخان ثم نهرسها ونتبلها بالتوابل

2/نفرم البصل او نقطعة قطع صغيرة

3/ نحط الزيت فى الطاسة ونحمر البصل شوية لما يصفر

4/نضيف للبصل اللحم المفروم

5/نشوح اللحم المفروم بالبصل المقطع نص سوا

6/نشكل البطاطس المهروسة على شكل كورة او كورتين حسب الحجم ونحسيها فى منتصفها باللحم المفروم ونعيد تكويرها مرة اخرى

7/ نحضر صينية وندهنا بالقليل من الزيت حتى لا تلتصق البطاطس فى الصينية

8/ ندهن اعلى الباطاطس بالقليل من الزيت لتحميرها من اعلى وممكن الاستغناء عن هذة الخطوة
توضع فى الفرن لمدة لا تقل عن 20 درجة وتابعيها بعد ذلك حتى تنضج تماما



وبالهنااااا والشفاااااا


السعرات الحرارية ::

200 جم بطاطس = 160 سعر

100 جم لحم بقرى مفروم = 350 سعر

بصلة صغيرة = 27 سعر

ثوم = 7سعر

ملعقة زيت كبيرة = 120 سعر

اجمالى السعرات الحرارية فى الوجبة = 630 سعر حرارى

*** مسموح لكى بتناول 1200 سعر حرارى يوميا لا تتخطى هذا الرقم ... شامل الافطار والغداء والعشاء


الوصفات دى من تجربتى ولم انقلها من اى موقع ولا احلل بنقلها

ويارب اكون افادتكم(f)