رواية ولادتي في ولدي الثاني..حياكم

ع

عيون بوظبي

مشرفة سابقة

14-06-2008 | 08:51 PM

السلام عليكم خواتي الغاليات..

قبل كل شي .. اشكركم من كل قلبي على مشاعركم الطيبة لي.. وعسى ربي يسهل على كل حامل ويرزق المحرومين.. ويوفقكم كلكم ان شالله ..

واشكر حبيبتي فوانيس الي بشرتكم بولادتي بموضوع حلو حسسني اني صدق ام حق اثنين..(الله يخليهم لي ان شالله)

طبعاً انا آلامي من الثامن .. نفس آلام الدورة.. وتكسير وغير آلم الحوض.. يعني معاناة من كل شكل .. وصلت شهري بسلام.. وريلي تم يحن علي .. يالله ربي بسرعة .. متى بتربين ..ومن هالكلام ( طبعاً هو مسافر دراسة) ويبا اربي بسرعة عشان اقدر اسافر له شهر 8 ويكون البيبي كبر شوي وانا شديت حيلي..

وكان سبب استعجالي الرئيسي هو .. حسسني اني متأخره مع اني مب متأخرة.. وكل يوم يطوف علي بدون ولادة كان احباااااااط لي .. بالذات انه كان اييني طلق بارد وخفيف وما يزيد.. لدرجة انه احيانا ينتظم .. بس سبحان الله

عاد انا من وصلت نص الثامن .. مرة امشي ... ومرات اشرب الحبة الحمرة (الرشاد) .. ودخلت التاسع وانا اشربها بس بشكل متقطع واشرب حلبه .. وشربت خروع هههه قلت الخروع عشان ينظف بطني وبالمرة لو فيني طلق يزيد .. وكنت اخذ حبوب ملينة للبطن لأني اعاني من امساك مزمن ..

كان املي اني اربي قبل موعدي بعشر ايام على الاقل نفس ولدي مصبح .. بس طافوا وزاد الاحباط .. قلت انا شكلي ما بربي خلاااااص اللا بعد موعدي.. ويوم الخميس قبل الفجر بشوي ماياني نوم واتذكرت اني في الثلث الاخير من الليل قلت فرصتي..ويلست ادعي ربي اني ما اطول وولادتي تكون سهلة وان موعدي يقرب ... واستغفرت والحيت في الدعاء.. وصحيت الخميس وانا فيني امل بسيط..

الخميس من العصر وانا فيني آلام في الظهر ما تريح الواحد حسستني بتكسير.. غير انه ريلي اليمين حسيت فيها بشد قوي مع برودة .. فما قدرت امشي اللا ثلث ساعة ..ورجعت البيت.. كلمت ريلي على النت وماطولت من الألم وكان خفيف ترا نفس كل يوم.. ورقدت بصعوبه على الساعة 3 ونص

المهم الساعة 5 الفجر رحت الحمام عزكم الله.. وصليت .. وحاولت ارجع انام ما قدرت حسيت بآلام وطلعت قمت اكل رطب وانسدحت في الصالة بدون مكيف عشان ريولي.. وشوي واحس انه الالم بدا يشتد في بطني.. قلت الحمدلله شكله هو .. وكان اييني الويع كل 10 دقايق تقريباً .. وعيت امي واخوي عشان يودوني المستشفى.. وادعي الله انه يكون صدق طلق والرحم فاتح كل هذا وشاكه انه طلق.. وخايفه انه اتفشل من اروح المستشفى بالذات انه موعيتنهم من رقاد..

ولما وصلنا المستشفى فيني آلام بس محتملة .. وصلت على الساعة 8 ونص فحصوني ولقوني 3 ونص قلت الحمدلله يعني مب على الفاضي .. وطلعوني العنبر وانسدحت وبدا الطلق يخف.. ومن امشي يزيد.. لين وصلت بين كل طلقة والثانية 4 دقايق قلت لهم ونزلوني الولادة على الساعة 11و نص وبعدها الطلق بدا يتباعد ويوصل اكثر من 10 دقايق تخيلوا القهر .. وانا ميته من الالم ودايخة مع الاكسجين كنت في عالم ثاني .. وامي عندي واختي الي اصغر عني مب معرسه قاعده تتفرج ههههههه كنت طبعاً بس اتألم وقتها وقت الولادة الفعلية طلعت.. وكل ما اشوفها اقولها قومي عن ويهي هههههه مسببتلي ازمة.. وخلاص مع الاكسجين والالم قمت اون واصيح شوي (كل هذا تأثير انه ريلي محد) حز في خاطري وتذكرته وقت ولادتي الأولى وبصوت مب مفهوم اقول حق امي وينه وينه واقول اسم ريلي ههههههه .. يات عقبها الدكتورة على الساعة 1 وقالت بفحصج لو فاتح الرحم زيادة بفتح الماي لو مب فاتح بتكونين مطولة واحتمال ما تكون ولادة لأنه طلقج متباعد.. مت مكاني قلت ماروم اتم هالكثر .. وانا اطالع الساعة اقول الحين وقت صلاة الجمعة وتميت ادعي وادعي .. وبعد ما فحصتني لقتني 5 سم بس قلت ياربي كل هالوقت مافتحت اللا شوي .. بس فتحت لي الماي .. وانا اصارخ تحت الاكسجين ..واون واصيح وازقر ريلي وامي تهديني وتهاوشني بعد ههههههه .. وعقبها اشتغل الوجع ورا بعض قوي مافي نفس .. وانا اقول خلااااااص بموت عطوني ابرة الظهر .. قالت الدكتورة لين يغسلون ظهرج ويستعدون تكونين ولدتي .. وصدقها هيه فتحت الماي الساعة 1 .. الساعة 1:55 طلع حبيبي سالم للدنيا .. سبحان الله الي سرع كل شي بعد ماكان كل شي بطيء..

[COLOR=purple]طبعاً على طول حسيت بدفعات لتحت واصرخ مب قادرة .. وقتها اختي كانت برا .. تقول خليتيني ارتجف من صوتج شاله العنبر شيل هههه..والقابله تقول يالله صح كل ما اتيني الدفعه تشجعني هي وامي .. وانا اتييني الطلقة احس انه بيطلع وعقبها يروح الالم.. وشوي ترد الطلقة واحس بدفعات ازيد.. واصاااااارخ واقول لأمي خلاااص مابا عيال شلوهم ماباهم.. حتى مصبح شلوه ماباه هههههههه .. امي تقولي زين مب مشكله خلصي اول ههههه تسايرني .. وعقب ربع ساعة اظني من المحاولات انه الراس يطلع الحمدلله طلع بسرعة مرة وحدة وبعد ماطلع الراس والرقبة راح الالم وامي تصارخ تقول بيختنق كملي ..اقولها شو مافيني ويع شو اكمل لين دفعت دفعة ثانية والحمدلله طلع كامل.. وخلااااااص ارتحت وحسيت عمري في عالم ثاني .. ونظفوه وحطوه على صدري وانا اطالعه فرحانه و في نفس الوقت ابا اضربه ههههه شريرة عورني وايد.. [/COLOR]

بس والله يا بنات انه لا كنت ابا اصارخ ولاشي واصلا ما سويتها وقت ولادتي الاولى بس سبحان الله كل ولادة بظروفها.. يعني هالمرة حسيت بالألم اضعاف ووقت طلوع الراس خذت وقت طووويل وحسيتا كثر فيه .. يوم مصبح صح حسيت انه كأنه شي يشقني وطلع .. هالمرة لا احس بدفعات اباه يطلع بس ما يطلع لدرجة اني يأست وقلت لأمي خلاص هو ما بيطلع انا ما بربي خلاص .... لا ووقتها وانا اصارخ امي تقول بس عيب فضحتينا هههه بيشرد الويع وانا اصيح واقولها انا مابا اصارخ بس ما قدر .. والي يكلمون اختي في التلفون يسمعون صراخي هههههه .. طحت من عين نفسي ههههه ليش صارخت .. بس صدق مصبح ولادته كانت اسهل اما هذا عايشت كل لحظه بلحظتها وبصعوبتها .. والحمدلله على كل حال .. حتى المشيمة شفتها وحسيت بها.. وفي الخياطه كنت في عالم الخيال .. لا وكنت مثل المدمنه كل ما ايني الالم اصرخ على امي اقولها بصوت تعبان اكسجين اكسجين ..وامي تحطه على خشمي وكل مرة تحطه مجلوب ههههه هاوشتها قلت لها م بجي ولفيت ايديها هههه وفي هالمرة صدق احس اني مابا عيال ابد من الي شفته .. ويوم اشوف حامل اقول في خاطري لو يصير ترده خل ترده مسكينه ماتدري شو وراها :sm215:

وطلع سالم فديته ماشالله عليه حليو وهادي ربي يهديه ويخليه هو واخوه .. ودعيت لكم ما نسيتكم.. حتى الي اذكره اني دعيت بالأسم لفوانيس وانوار الحب ورانية البحرينية بالذرية الصالحة .. وللحوامل الي عندي انهم يقومون بالسلامة..

بصراحة في ولادتي تفاصيل وايد واحداث وايد .. بس ماحب اخوفكم اكثر وطولت عليكم وايد .. واشكركم مرة ثانية من قلبي ..

ر

روح ابوهها

عروس ماسية

14-06-2008 | 09:07 PM

يسعدنى اكون اول وحده باركت لج

والف مبروك والله يعينك على تربيتهم ياارب ويسهل عليج ويحفظهم لج ان شاء الله وسبحان الله يوم جاءت فوانيس تقول الخبر بنفس اليوم انا قريت قصت بولدك مصبح
ودعيت لج ياارب تربين اليوم ولمن دخلت العصر شفت الموضوع قلت الحمد لله لانه كنتى تعاانى

الف مبروك مره ثاانيه

والله يسهل عليا وعقبالي اجى اكتب قصه ولادتي

m

manal2

عروس مبدعة

14-06-2008 | 09:14 PM

حبيت اكون من اول المهنييييييييييييييييييييين والحمدلله ع السلامه ويتربون بعزكم ويخليهم لك ويخلي عيالي لي وعيال المسلمين ويجعلهم قرة عين لي ولك ولجميع المسلمين.... سبحان الله ذكرتيني بيوم ولادتي مع انها بالاخير قيصريه بس عانيت الامرين وانتي قاعده تشرحين الالام والله ماني متذكرتها سبحان الله الرحمن الرحيم اللي امر ملائكته انسي وعيدي.......
بوسيلي اياهم وانتي معاهم بوسه تهنئه

j

joojoo.sweet

عروس ماسية

14-06-2008 | 09:24 PM

:9_33:
ألف ألف مبروووووووووك الحمدلله على سلامتك وسلامة سلومي

ويتربووون بعزك ان شاااءلله ...>>>تأثرت كثير وأنا أقرا انك تنااادين زوجك والله دمعت عيووووني

الله يخليكم لبعض صدق الزوج أمااااااااااااان ومصدر للراحة والطمئنينة

:9_33:

e

endless hope

عروس رائعة

14-06-2008 | 09:42 PM

مبروك ما ياكم ويتربي في عزكم ،،

عقبالنا يا رب

س

سحر2005

مشرفة سابقة

14-06-2008 | 10:01 PM

الف الف حمد لله على سلامتك والله صاادقه انه الصراااااااااخ ماصارخت بحمودي وانتى نفس الحاله اما بفصوول كل المستشفى يدري اني ابولد سويت فلم ماصار وانتى نفس الحاله سبحان الله اللحين تيقنت انه كل حمل اصعب من الثاني
وعموما والله فرحت من قلبي للولادتك لانى كنت انتظر مثلك وحاااااااااااااااااااااااااااسه بشعووورك زين
يالله مبروك عليك سالم والله يخليه
ويارب تجتمعون انتى وعيالك بابوهم وانتى بخير وسلااااااااااامه وتلتم العيله من جديد
وسلااااااااااام

م

مناهل78

مشرفة سابقة

14-06-2008 | 10:25 PM

ماشاء الله قصة حلوة وطويلة...

الحمدلله على سلامتك أم مصبح، أنا من يوم الخميس مادخلت النت والحين في بالي قلت خل أدخل أشوفها ولدت او لا...
مبارك عليكم سالم يتربى بعزكم إن شاء الله ويجعله من الخلف الصالح ....
ماقلتي لنا شنو ردة فعل مصبح لما شاف أخوه؟؟؟؟

مادري شاقولج وشنو أعبر،، تسلمين حبيبتي أم مصبح على دعوتك الطيبة،أنتوا فعلا أحسن أخوات شفتهم بحياتي... يعني على الويع اللي فيج مانسيتي خواتج بالمنتدى، ربي يرزقنا جميعا ويسهل حمل أخواتنا الحوامل.

وإن شاء الله كلها شهر شهرين وأنتي والعيال مع بومصبح ...

ر

ركايز

عروس رائعة

14-06-2008 | 10:39 PM

الحمد لله على سلامتك والله يخلي لك ابو مصبح ومصبح وسالم والله يصلحهم لك إن شاء الله والله يسهل علي وعلى جميع الاخوات الحوامل ويقومنا بالسلامه

ن

نبع الإبداع

عروس مبدعة

14-06-2008 | 10:54 PM

حمدلله على سلامتج و سلامة سالم .. ويتربى في عزكم ويا أخوه يارب

عقبالنا إن شاء الله

@

@نوووسه@

عروس برونزية

14-06-2008 | 10:58 PM

الف مبروك

والحمد لله على سلامتك

ويتربى سالم بعزك وعز ابوه ..

ا

ام الننوسات

عروس مشرقة

14-06-2008 | 11:58 PM

مبروك حبيبتي وعقبالي انشاء الله بس انا لحد الحين ما احس بالم مدري وش السالفه

انا يوم ربيتي خفت وقلت انا بعدك على طول لكن لحد الحين ربي ما كتب

ك

كنانة

عروس برونزية

15-06-2008 | 12:13 AM

حمدالله على سلامتج
ويتربى بعزكم يارب

ع

عروس حبي

عروس جديدة

15-06-2008 | 12:42 AM

مبرووووووووك ويتربى بعزكم الغاليه ...تصدقين يوم يكون الريل مسافر تحسين بيأس ..(((( قاعدة اعاني مثلج )))) خاصة يوم يتصل الريل والسؤال :ها ماربيتي :( ؟؟؟؟؟؟

وعقبالي يااااااارب ... الله يسهل لي ..موعد ولادتي 23-6

أ

أم منايررر

عروس مشرقة

15-06-2008 | 01:16 AM

ألف الحمدلله على سلامتك أختي أم مصبح وسالم
وعقبالنا تكفين أدعي لنا نولد ونخلصصصص
المهم ألف ألف ألف مبروك والحمدلله على سلامتك...

b

bent_al3ali

عروس مشاركة

15-06-2008 | 01:35 AM

الف الف مبروك
ويتربى بعزكم ويجعله مصدر خير وفرحة لكم يارب
عقبالي اولد ويرتاح قلبي يارب ^_^

ج

جا-أم-سم

عروس رائعة

15-06-2008 | 01:42 AM

الحمد لله على السلامه حبيبتي ...

ي

يــ غ ــار الـحـلــى QTR

عروس فضية

15-06-2008 | 03:10 AM

الف مبروووووووووك والحمدالله على سلامتج
ويتربى سالم في عزكم ان شاء الله
وتقر عينج بشوووفه بو مصبح قريب

د

دقات قلبي N

عروس مشرقة

15-06-2008 | 03:10 AM

الف مبررررررروك والحمدلله على سلامتج

أ

أم لمااار

عروس ذهبية

15-06-2008 | 06:26 AM

الحمدالله على سلامتك الغلا

وكل حمل وولادة بظروفها...والله يخليلك سالم وأخوه مصبح

ا

ام احلى محمود

عروس مبدعة

15-06-2008 | 08:56 AM

الف الف الف مبروك يالغاليه و الله يخلي لج الأقمار اللي عندج و تشوفينهم في أعلى المراكز يا رب ..
و الله يخليج لهم و لأبوهم و يخليهم لج يا رب آمين ..

و فعلا قصة ولادتج وااااي يمه يمه خفت من جد فعلا انا سمعت ان الولاده الثانيه تكون مؤلمه اكثر من الأولى ..
يعني تأكدين لي هالشي الله يستر و يسهل علينا يا رب ..

انا خاااايفه و الله وايد ..

تحياتي
أم محمود