الله يخليكم القوا لي حل لمشكلتي..

السلام عليكم ورحمة الله وبركاته
مشكلتي بدأت من ست سنوات انخطبت لولد الجيران وهو كان يحبني أما أنا كنت معجبة فيه فقط
وفي فترة الخطوبة اكتشفت أني من الممكن ما اجيب أطفال لما أتزوج، فخفت إني أحرمه من هالسعادة فطلبت الانفصال مع إنه يوم قلت له السبب قال لي ما يهمني اي شي يقولونه الأطباء خليه كل شي على الله بس أنا ترجيته أننا ننفصل وانفصلنا بس علاقتي فيه ما انتهت لهذا الحد أنا من قبل كنت أتواصل مع أبناء وبنات عماتي على الماسنجر وكنت ضايفته معاهم على أساس صديق لعيال عماتي المهم الحين بعد ست سنين على انفصالنا وقبل 3 أسابيع طلبني للزواج مرة ثانية وأنا هالمرة قلت له أوكي مع العلم إنه خلال الست سنوات دايما كان يقول لي إنه راح يجي يخطبني بس كنت دايما أقوله لو كنت تحبني صحيح لا تجي بس هالمرة وافقت لأني كل يوم يزيد حبي له وفي اليوم المحدد علشان يجي يخطبني توفى والحين أنا في حالة يرثى لها حاسة أن قلبي توقف وكل يوم أبكي ومع العلم أنا مريضة بفقر الدم فبعد كل يومين أتعب ولما أروح المستشفى ينوموني عندهم صار لي 3 أسابيع و أنا على هالحالة ودايما صديقاتي يطلبون مني أني أنسى بس كيف أنسى بعد حب دام ست سنين قولوا لي ايش العمل؟ أحيانا أفكر وأقول إني ما راح أبكي لأني احس أن هو معاي فما أبغيه يتعذب ولكن ساعات أبكي غصب علي لأني اشتقت له حيل اشتقت لسواليفه وأحيانا صاير يتهيآ لي أني أشوفه قدامي بس لما أغمض عيني وأفتحها ما ألقاه مع العلم إني كل سبت أحلم فيه وهو لابس لباس أبيض وواقف قدامي أو أشوفه أحيانا يتكلم معاي .. ساعدوني أنا صرت في حالة الله يعيني عليها ..
أدري طولت عليكم بس أنا أعتبركم مثل خواتي والخوات لبعض

مع محبتي
أختكم
memi twix