مو راضية تشرب ماي
عذاري...
12-06-2008
23 رد
2,807 مشاهدة
عندي مشكلة مع بنتي
ما ترضى تشرب ماي بالمرة
والجو حااااار
مو عارفة شسوي وياها؟؟؟؟؟؟؟؟؟؟؟؟؟؟؟؟؟؟
بحثت في قسم التربية والطفل عن حل وما لقيت
البنت معاندة
كانت قبل تشربه عادي
بس الحين لااااااااااااااااااااااا
مع انه الطريقة نفسها اللي اسوي فيها الماي حقها ما تغيرت
وهو اني اخلط الماي مع شوية سكر نبات
دكتور الاطفال قال لي ان ما له داعي اعطيها ماي لان الحليب اللي تشربه فيه ماي
علما انا ارضعها صناعي
ولما قريت هني في المنتدى كانوا الامهات ياكدون على اهمية الماي للطفل
حتى الناس اللي حواليني يلوموني ليش انها ما تشرب ماي
شسوي
كل يوم اغسل رضاعة الماي مالتها وارد اسوي فيها ماي مرة ثانية وما فيه فايدة
الرضاعة على حطتها ما يتغير فيها شي
شسوي؟؟؟؟؟؟؟؟؟؟؟؟؟؟؟؟؟؟؟؟:ss:
ع
عاشقة زوجها(uae)
عروس مشرقة
12-06-2008 | 11:51 PM
والله حالتج نفس حاتي ولدي عمره 7 شهور ونص ما يحب الماي
بس اذا بنتج اقل عن 6شهور صج ماله داعي للماي مثل ما قالج الدتور الحليب كافي..بس بعد لازم تعودينها لين بعدين
لا لازم تشرب ماي وخصوصا رطوبة الجو احنا كبار مانستحمل
حاولي معاها لو ان شاء الله تنقطيه لها بالقطارة جربي عطيها الماي في كاس اطفال
هلا حبيبتي .. مثل ماقالو اخواتي حاولي معاها بالقطاره صج تعب بس الله يعينج،، وقطري في فمها شوي شوي مو وايد،،
والله يعينج
عمرها 6 شهور..
علميها شرب الماي بالفنجان مال القهوة..
يمكن تستمع الشيء الجديد وتستجيب لشرب الماي..
وخلاص راحت سالفة تحلية الماي... شربيها عادي الحين ماله داعي التحلية
انا كل ما كنت اشتكي ان ولدي ما يشرب القى نفس الحلول لحد ما وحده الله يجزيها خير قالتلي يمكن ما يقدر يشرب من الرضاعه جربي تعطيه بفنجان كثير عيال ما يحبو بالرضاعه وفعلا من قمت اعطيه بالفنجان تعدل وضعه كثير الحمد لله جربي شوي تعطيها بالفنجان وان شاء الله بتتقبله
مرحبا يالغاليه
انا بنتي عمرها اربع شهور ونفس الحاله بس تشرب شوي وبعدها تبعدها بلسانها
الله يصلحهم...بس انا مااخليها انقط بفمها لدرجه انها تلعب فيه وتبلعه
غير كذا اذا قربت وقت رضعتها احيانا كل يومين اروح اعطيها مويه برضاعه وتشرب منها واقعد ساعه او اقل ثم اعطيها الحليب
هذي طريقتي ببنتي وان شاء الله افدتك
مشكورين يا امهات
ابوها يشربها بالفنجان بس تلعوزنا وما تعرف تشرب فيه
ووحدة من صديقاتي قالت لي خلطي لها مع الماي ماي لقاح
على فكرة بنتي بالشهر السابع وبعد 4 ايام بتدخل الشهر الثامن
انا مايبت عيال لكن شدني العنوان
حسيت انها عصفورة والا حمامه هههههههههههه
يحليلها الله يخليها لك
#
#..# ام ساارونه #..#
عروس جديدة
13-06-2008 | 11:00 PM
هلا ..
نفس حالت بنتي ... ماتحب تشرب الماي خير شر ....
مع ان امي الله يخليهاا لي ،، حاولت وياهاا بكل الطرق بس للاسف ابد مافي فايده ...
المهم مع الايام اشتريت من الصيدليه ( ماي غريب) واحظه في المرضعه ملقعه صغيره ..
وكل شوي اتم اتخوزه بلسانهاا بس اصر عليهاا حتى ساعات تقعد اتصيح بس ما اسمع كلامهاا ..
صح اتضايق بس هذا الشئ زين حق صحتهاا ..
جربوا ....
اعطيها في فنجان او قلاص مال اطفال
اني بنتي ماتشرب الا في قلاص الماي غيره لالالا
حبيبتي يظل شرب الماي صعب بالنسبة لهم كذا ام اسمعها تشتكي من ها السالفة فلا تتوقعي بتتعلم راح تتعلم بسهولة اذا ابو سبع سنوات يلقى صعوبة بمسك القلم اول مره ما بالك ببنت 5 اشهر وها الشي جديد عليها تحملي والتربية شي صعب جدا كان على بالنا تلبيسه حلوة وضحكة وخلاص خخخخخخخ
الاطفال الصغار تجيهم حالات احيان مايشربوا الماي واحيان عادي
ولدي لما كان صغير في الشهور الاولى جته فتره مايرضى يشرب ماي بس مع المحاولات صار يشرب حاولي لا تتركيه الله يهديه ويهدي الجميع
عطيها الماي بدون سكر النبات ماله داعي هي يعطونه السكر مع الماي في وقت يكون عندها امساك وانتي بكرامة عطيها الماي العادي بنفجان مثل ماقالوا ليش البنات وشوي شوي حتى لو لعوزتكم بعدهي ياهل ماتعرف لشرب الماي انا بناتي اكبر وللحين يصيرون سبايح من الماي لما اعطيهم
عن الماي كل شوي اجرب وياها وما فيه فايدة
من امس ابوها قال بعد ما فيه ماي بالمرضعة على طول بالفنجان احسها صارت تتلهف تبي الماي بس كله يطيح على ثيابها ولا تشرب منه شي
جربي معاها هالطريقة ...........اذا جاعت وحان موعد رضعتها وشتفيها حدها حدها جوعانة وتبي الحليب لا تعطينها الحليب عطيها ماي والله راح تشربه لانها جوعانة ..........بس خليج يمها لانها بعد نص ساعة راح تبكي مرة ثانية تبي حليبها ذيك الساعة عطيها الحليب .............جربيها وقوليلي شنو صار وياج انجحت ولا لا ؟؟؟؟
أم بدر
جربتها يا ام بدر
المشكلة انها تميز طعم الماي وطعم الحليب وعلى طول ترفض الماي
حبيبتي اذا الطفل ما يتحرك ما يحتاج ماي
انا عموري ما بدا يشرب ماي الا بعد ما زحف و مشى
بالتوفيق
يا ام شجاع عطيها ماي صافي ...لا تحطين عليه شي ... ولو عوديتها على الفنجان يكون زين ... صحيح راح تلعوزكم في الاول ... تشرب نقطة وتتسبح بالباقي ... بس شوي شوي راح تلقيها اتعودت
عطيها الماي بالملعقة يمكن ترغب له او بلقطارة وحتى الفنجان ينفع حتى لو تلعوزكم
مدامها بالسابع ونفس الشي الملعفة
ولاتضيفين للماي شي خلها تتعود عليه
علاي كان جذي يسوي لي وكنت اعطيه بهالطريقة