أنـا وعيـال زوجــــي ....

اهلا اختى الله يعينك و يجازيك خير فى تربيتهم

بالنسبة للطفل التانى حاولى ترضيه مثلا اخرجى معه بمفرده .. هاتى له لعبة جديدة .. خديه فى حضنك .. حاولى تحببى الثلاثة فى بعض

و ان شالله يارب تلاقى نتيجة

الله يعينش اختي

الحمدلله انش تحبينهم
والله تكسبين اجر فيهم

وسنتين و3 شهور بعده صغير ما يفهم عددل
من الحين حاولي تكسبينه بطرق وايد

ماشاء الله ياحظك بالاجر
لان هذولا مثل الايتام وانتي مثل كافل اليتيم
طبيعي يالغاليه راح يغار لانه يحبك انتي بالنسبه له ام
وتري كل الامهات بعد الولاده يتغيرون عيالهم تكون فيه غيره من المولود
بس هذا مسكين حاسبك مثل امه علشان كذا يغار انتي حاولي تحببيه بالمولود
يعني جيبيله حلاو او العاب وقولي هذا من اخوك الصغير
وانتي اكذبي عليه بعد مايصحى قولي له وينك حبيبي اخوك وسميه من شوي يبكي ويسأل عنك ويقول انه يحبك ومن هالكلام
والله يوفقك ماشاء الله عليكِ

هلا اختي والله ماادري شنو اقول

بس الله يقدرش على تربيتهم وتربينهم احسن تربيه

الله يقدرك على تربيتهم حبيبتي
ومثل ماقالوا اخواتي حاولي تحببيه في ولدج يعني مثلا جيبيه وجيبي ولدج وقولي له امسك رجله شوف شلونه صغيره
او لما ولدج يطالعه قولي لي يقول انه يحبك ولما يكبر يبي يلعب معاك او يطلع معاك الكورنيش مثلا

اجلسي معاه لحالج .. لاعبيه ودلليه

والله يعينج حبيبتي

ما شاء الله عليك حبيبتي ربي ياجرك ان شاء الله ويجعلهم سند لك بحياتك وصدقيني الواحد يحصل على عمله كل ما احسنتي فيهم كل ما يكونو ذخر لك

ومثل ما قالوا الاخوات الكريمات طبيعي يعتبرك امه وجبتي بيبي صدقيني هو ما فاهم انك مو امه وهذا ولدك غيره طبيعية بكل طفل بعد ولاده طفل اصغر منه

ربي يحفظهم لك ان شاء الله :)

حاولي تخلين الصغير يحب ولدج ولايغار منه
وهو فسن الحين يحاول جذب الانتباه وحس بالغيرة يوم حد ثاني اخذ مكانه

حاولي تجيبين ألعاب او حلويات وحطيها جنب سرير ولدج وقولي حق ولد ريلج تعال شوف شنو اخوك جاب لك

ويوم تشترين شي حق ولدج اشتري حق اعيال ريلج عشان ماايحسون بالغيرة وكل قولي لهم هاي من عند اخوكم فلان

وبالنسبه للعب
اعيال ريلج العبي معاهم العاب مثل في المعجون وعطيهم يلونون او تقدرين تلعبين معاهم صياد حرامي وخشيشه يستانسون الصبيان على هالالعاب او حتى العبي معاهم كورة
اخذي لهم سياير سباق وحلبة وخليهم يتسابقون مع بعض

والله يجزاج خير ياارب ويخليهم لج

الله يعطيك على قدر نيتك ويجزيك الجنه

اســـــــــــــــــــئل الله العظيم في هذه الساعه المباركه اخر ساعه من العصر الجمعه ان يفرح قلبك ويجزاك الجنه ويساعدك على تربيتهم يا حي يا قيوم ويفرج همك ويعوضك خير يارب على طيبه اخلاقك وقلبك انتي مؤجوره ان شاء الله تحملي وحاولي تراعين الوسط اكثر لانه حاس بفقدك هاتي له هدايا قولي له من اخوك الصغير عشان يحبه وقولي له احبك انت اكثر هو يعرف بس الصغير توه على ها المشاعر الله يساعدك اختي موفقه من كل قلبي

اختي بارك الله فيج على اهتمامج باولاد مو اولادج والله يجعله بميزان اعمالج

يا اختي بكلامك عن حبك اعيال زوجش فرحتيني وترى كل معامله حسنه تقدميها اليهم

و تحني عليهم الله يرزقك الحب والود من اعيالك زودد واحبب زوجك فيكي اكثر

وثواب عبادتك تكون مضاعفه عليك بالعافيه والله يعطيكي

الصحه والعافيه وتربيهم ثلاث اخوان متحابين ويكبرو ويسعدو قلبك يارب

وهذا الصغير تصرفه كده لانه فقد حضن امه واثر على نفسيته والي يبغاه الولد

انك انتي وابوه له الدور الاكبر تحملوه تبوسوه تلاعبوه لان الصغير فهمه ان الام والحمال له هو بس مو الى اخوه علشان كده متاثره نفسيته

الله يعينش ياختي وكل هذا في ميزان اعمالش الاخوات عطوش افكارهم وارائهم وانشاءالله تستفيدي

الطفل الصغير أكيد يعتبركِ أمه الحقيقه ومن حبه اليكِ يغار من وجود مولود صغير في حضنكِ و هالشي طبيعي فحاولي تاخذينه في حضنكِ لما يكون طفلكِ ساكت أو نايم
حاولي تعطينه هدايا يحبها و ألعاب يلهي بها

و الله يكون في عونش و أجر و ثواب من رب العالمين

بس اختي بسالج كمن سوال

شو ينادونج ..؟؟

وهل امهم موجوده ولالا .. اذا موجوده تشوفهم ولالا ؟؟

بقولج ليش سالت هاي الاسئله

ربعتي عندها بنت وتربي عيال زوجها البنت 5 سنوات والولد سنه و8 شهور ..

سنه كامله ما شافوا امهم بعد الطلاق وكانوا ينادون ربيعتي ماما... وعقب رجعتلهم امهم وكل يوم كانت تاخذهم تغيرت تصرفاتهم مع مرت ابوهم البنت قامت تعاند وتضرب اختها الصغيرة وتنادي زوجة ابوها باسمها .. ويت فترة ربيعتي حاولت تتقرب منها ونجحت خذتها بسياسه وكلمتها وهي تلعب معاها ليش انتي ما تحبيني انا احبج واموت فيج وانتي بنتي قالتلها : لانج ما توديني عند ماما انا ابيها وفجت البنت بالكلام .. وللعلم ان البنت تقول الكلام من شوقها ومهما كان صدر الام غير ... وامها الاصليه مايخصها بالي صار ...

فحاولي مثل ما قالوا الخوات تتقربين منهم قد ما تقدرين وخاصتا وهم صغار لانهم يكونون حساسين اكثر ...

والله يعينج ويعطيج الاجر ..

الله يعينك اختي ويبدل صبرك خير ان شاء الله

الأخوات ما قصروا ومثل ما قالوا تصرف الولد جدا طبيعي

لأنه ما عرف أم غيرك والحين جا احد خذ مكانه وان شاء الله مع الوقت يعتاد على فكرة وجود اخو اصغر منه

والله يجزاك خير

مشكورين خواتي ... والله يجزيكم كل خير ... والله انكم رفعتوا من معنوياتي .. اما بنسبة شنو اينادوني ؟؟ اينادوني (( ماما )) امهم موجوده بس ماتجوفهم ولايجوفونها لانها متزوجة وهي ماتبيهم من اول ما تطلقت احذفت العيال وخلصت عدتها وتزوجت ...
بس هم والله انهم حبوبين وما أفرق بينهم وبين ولدي بالعكس إذا خذت شي حق اي واحد منهم لازم آخذحق الباقي بنفس القيمة بصراحه خايفة وايد عليهم ...
والي اتعبني بس عناد الصغير فيهم ولاهم بالعكس والله وايد متعلقين فيني حتى ماينامون إله إذا كنت معاهم ...
ومشكورين خواتي كل الشكر ... ودعواتكم لي ..