احترت في العنوان .... انتوا ادخلوا واحكموا .. وعطوني رايكم ..

سلام عليييييييييكم ..

اشحالكم ؟؟

والله مضايقه حيل وابي اصيح بس ميوده عمرري ،،

كنت يالسه افكر وانا دمعي على خدي .. قلت بكتب لكم الموضوع ... وعطوني رايكم ...

بس من دون جرح ................................................................انتبهوا عدل ..

والله اني مب عارفه شو اسوي ويا امي ...... الله يهديهاا بس ...

انا مشكلتي بيتوتيه وما احب الطلعاات واايد ،، حتى ما احب ازور اهلي او شئ من هالقبيل ..

صح عيب بس ما ادري ليش هالايام انا سرت ما اطيق الطلعات تقريبا من سنه او سنه ونص وانا على هالحال ..

والكل مستغرب مع اني قبل كنت اجتماعيه واحب اسير عند بنات خالتي او السوق ..

بس من سنه واكثر شوي ..... طلعاتي قلت ..

يمكن في البعض يقولي وين المشكله ..

المشكله سلمكم الله ...... امي واناا بين فتره وفتره دوم نتهاوش ..

اليوم طلعت انا علشان اييب بطاقتي مال البنك .. والمهم سرناا وحذال البنك في جمعيه ،،

امي قالت بنسير نشتري بعض الاغارض ناقصه .. قلتهاا ... يالله شو هالحاله ..

عصبت قالت شو عنج في البيت .. يالله ولا كلمه .. وسكت ..

والمهم رديناا البيت وعادي ..

بس باجر في عزيمه(حفله) بيت خالتي ،، وانا رفضت اروح ..

امي عصبت وقالت ،، بتمشين يعني بتمشين انا عصبت قلتلهاا انا قلت ما ابي يعني ما ابي ..

والله وانا اتكلم معاها جي ودي اصيح بس ميوده عمري ..

لان حسيت بالي في خاطر امي ...

ودايم تقولي انتي فيج شئ .. ساعات اتعصب علي واتقولي ،، بوديج عند دكتوره نفسيه ..

قلتهاا اوكي واحسن بعد ..:eek:

والله انا بروحي ميب عارفه شو فيني ... وفي نفس الوقت مب عاجتني الطلعاات ..

والله انا يوم قلت حق اربيعتي ضحكت علي وقالتلي .... امج غريبه نحن اهالينا يهاوشونا اذا يبناا طاري الطلعه ..

بس انا ما ادري شو اسميهاا بالضبط .. احترت ..

وقبل اسبوع رحنا نشتري اعارض البيت ... قالت غريبه تبين تطلعين ،، قلتهاا شو اسوي ابي اطلع ..

حتى هالشئ مب عاجبنهاا .. شو اسوي قولولي ..

بليييييييييييييييييييز ..

وللعلم اختي اليوم يت الظهر ،، زادت الطين بله ،، قالت اذا ما ييتي اعتبريني مب اختج ..
ويالسه اتقول حق امي ,, لا تتكلمين معاهاا ....

خلهاا تولي ..:eek:

والله العظيم ان ضايق خلقي .... احسن اني بموووووووووووت ..

مسببلي اكتئاب وعوار الراس .. والسبه الطلعات ..

وعلى فكره امي من النوع الي تتأثر من كلام الناس بسرعه ..

اخوي باجر مسافر هي كانت تبي تودعه لين المطاار ،، بس خالتي يوم عرفت .. امي هونت ..

انا قلتهاا لنتي ليش يا امي الله يهديج سمعتي كلام الحرمه مع انهاا هي من اسبوعين اتقول انا بسير اودعك يا ولدي ..

وهونت مابتسير اتودع اخوي .. بتروح الحفله ..

شو رايكم بالي يصير ....... ارجوووووووكم ..

انتظر ردوكم .. بس بليز لا تزيدوني .. الله يرضى عليكم دنياا واخرره ..

مع السلامه ..