* صديقتي بذيئة اللســان *

اختي اسمحيلي بس ليش معوره راسج بها؟ الإنسان يتخير الصداقات عدل و الناس اللي فيهم صفات مب حلوه ما يناسبونا, نبتعد عنهم... ما اقولج اتضاربي معاها بس ابعدي احسن بما انها متضاربه مع نص اللي بالجامعه و لا الفاظها عدله و لا اسلوبها معاج... و ثانياً انتي الحين حرمه معرسه... صح مجرد ملجه للحين, بس إن شاء الله بيكون عرسج و ما تبين حد يقول هذي ربيعة فلانه او حتى يطلع رمسه لأنه انتي ما تعرفين الناس شو ممكن تحط في بالها, بالذات انه احنا مجتمع سريع الحكم على الناس...

و غير هذا, حبوبه صح احياناً ممكن تعورنا قلوبنا على الناس و عشرة السنين ما تهون علينا, بس اذا الشي يضرج, ابعدي.. ادعيلها بالهدايه بس اختاري نفسج... الصداقه الحقيقيه هي الصداقه اللي تحسين انه عقليتكم و تصرفاتكم نفس الشي.. و بالذات اذا هالبنت لسانها متعود على السب, الله يعينج, شو ذنبج تسمعين الفاظ او كلمات ما سمعتيها او عرفتيها طول عمرج؟!!

و دامها وصلت للسب و اهانة المذاهب (مع اني ماعرف شو يخصه بالموضوع), يعني هذي قلبها مب صافي اتجاهج... ليش توصل لهالموضوع و تسبج عشان ايميل؟!! اختي, الواحد يعرف انه يستاهل صداقات احسن من جي...


الله يحفظج و يبعد عنج كل شر ...

نصيحتي تتركيها
بكرة تشوي لج مشاكل ويا زوجج
فاحسن تبعدينها من الحين

الله يكون بعونك اختي وشلون متحملتها
نصيحه لك انك تتركينها واقطعي صلتك فيها ولا تكلمينها ابدا

الله يوفقك اختي

ابعدي عنها احسن

اذا هي مو قادرة تتقبل زواجك - مذهبك- وتغلط على اصحابك وانتي تطيحي بالوجه - وعليها لسان بذيء

يقلك عيش وحيدا خير من صديق السوء

اذا انتي حاسة انها ماقاعدة تسبب لك غير الماشكل ابعدي عنها

والله يهديها

المرء ع دين خليله فلينظر احدكم من يخالل

دريم ويب حبيبتي خلاص اقطعي علاقتك فيها نهائياً لان الصداقه سعت صدرموضيقت صدرمثلي الي صاير ماعك

حبيبتي ريحي دماغك و ابعدي عنها انتي مجالكيش منها غير المتاعب و رنا يرزقك دايما الصحبة الصالحة

أختي السالفه وصلت للمذآهب و هالشي ما له داعي


و لا بعد تصب الصحآبه أختي أهي ما سمعت حديث رسولنا صلى الله عليه و سلم

.:. من سب صحآبتي فعليه لعنة الله و الملائكة و الناس أجمعين .:.

أختي اهي مو مشكله لو رافجتي وحده من غير مذهبج و جذي

بس دام كله تسوي فيج جذي هذي مبين قلبها مليان عليج

اختي اعذريني على كلامي بس هذي مو صديقه و الله العدو ما يسويها

اختي حاولي تتجاهلينها

أنا ما ابي اقسي قلبج عليها بس شوفيها خلال الأيام اللي تقطعين عنها

فيها شوفي شبتسوي أذا حاولت نصحيها و قوليلها انج ما راح تردين لصداقتها ألا

أذا ضبطت حالها و لسانها أما إذا ما جت راضتج خلآل بالطقاق << سوري ع الكلمه انفعلت

وانتي اختي ليش مستحملاها؟؟؟؟؟؟ هي كانت من عيلتك ومفروضة عليك؟؟؟خلاص لاتصدعي راسك معاها واتركيها انتو باين شخصياتكم مختلفين 180° لا تسمحي لها تدخلك فحياتك وفاختياراتك خلاص اتركيها تروح لحال سبيلها وفي بنات احسن منها بكثير
وكمان هي بتعمل مشاكل مع الناس وهم ممكن يفكروكي متلها عندنا بالمغرب متل يقول "مع من شفتك شبهتك" اختي الباب اللي يجيك منه ريح شده واستريح ...

معلش حبيبتى استحمليها شوى بس مش معنى كده انك بتفضلى على علاقتها معاكى قليليها شوى وهى وهانت بكرة تخلصي الدراسة وتبعدى عنها خالص بدون ذنب في انك تخاصميها لان الخصام والمقاطعة ما هى فى دينا
قللى كلامك وعلاقتك بيها وان شاء الله خير
موفقة ان شاء الله

-Miss World-


والله يا عمري كلامج عين العقل .. مع اننا على وجه اختبارات وماراح اشوفها نهائيا لاني بتزوج وبسكن بديرة بعيدة ..

انا ابي حل ان اقطع علاقتي فيها ويكون ضميري مرتاح لان اخاف تدعي علي ولا تسبني هاذي مجنونة ..

Um. Abdulla

اي والله .. حتى في علاقتي مع ريلي تغاااار وودها اني افترق عنه اليوم قبل بكرة .. وانا هذا اللي بسويه بكرة آخر يوم لي اشوفها بالجامعة وبالفكة منها ...

طلعت اللي في قلبها ماقدرت اتخشه

حبيبتي اللي مب على دينك مايعينك

ابعدي عنها وعلى قولة المصاروة (( اكسري وراها أولة))خخخخخخخخ

دبدوبه بس حبوبه


وهذا اللي بسويه بكرة إن شاء الله .. ادعو لي .. ما تتهجم علي هالوحشيه ..

بصراحه بصراحه صحبات على عيني وراسي تغلط عليا ممكن اسكت لها اما كمان تتكلم على اهلي وعلى زوجي والصحابه لاياماما دي ابيعها وابيع اهلها كمان وحده زي ماتنفع عشرتها
يقول المثل احذر عدوك مره وصديقك الف مره

الي زي كدا ماازعل الا على عمري الي ضاع معاها وليش تتحكم في روحاتك وجياتك دي البنت شكلها مهي كويسه ابعدي عنها عندها حاله نفسيه الله يشفيها بس لاترمي بلاها على الناس

شوفي انا من النوع الي كلامي قااااااااااااااسي حتى مع صحباتي لدرجة لو عندهم مشكله يترددو يكلموني بس فوق هذا كلو ما اغلط عليهم
الله يعينكويبعد عنك اصحاب السوء

عيون الفهد

فلورينا ..

حتى مع الدكاتره تتمشكل وما تحترم احد وياما انطردت من المحاضرات حاولت اعدل من حالها مافي فايدة ابد ابد..

نورا


كلامك صحيح

هيتاف


عاد تصدقين هي فرفوشة درجة مليون بالميه .. بس احيانا تجيها حالات اعوذ بلله شيطان على هيئة انسان .. حتى تحب تلبس اسود ومناكير اسود وآي شدو اسود..

حتى استغربت ان جدار غرفة نومها مصبوغ اسود .. مدري اهي مريضة نفسيا مدري ايش فيها ؟؟ حتى خواتها يشتكون منها لانها تطق عيالهم وتأذيهم ..

الله يهديها ويشفيها..

imy_emg


انا الحمدلله عندي صديقات كثااااااار ومن احسن الصديقات بعد .. اخلاق وادب وذوق بس كل وحدة في ديرة وبقت هاذي الوحيدة معي بالجامعة..

والله يصبرني هالاسبوعين الجايين من الاختبارات وافتك من وجها للابد...