الامر بيد الله .. لو مثلي دخلى خبرينى ؟

الله يرزقج الذرية الصالحه عاجلا ياارحم الراحمين ... ويرزق كل محرومه قريبا كريم

الله يرزقك عاجلا غير اجل يارب العالمين
فوضي امرك الى الله

يا الله يرزقك اختي و يرزق كل اللي يتمنى

كل شي بيد الله وانتي قلتي ويارب يرزقج الذرية الطيبة يارب

السلام عليكم يا اختي
انا تقريبا مثل حالتج انا صار لي تقريبا سنتين وشي متزوجه
سويت فحوصات في مستشفى حكومي طلعو نتايجي سليمه وزوجي سليم
بس طبعا انا من داخلي متاكده ان فيني شي لان عندي مشكله في الدوره مب منتظمه
عندي كلش استغربت ان فحوصاتي سليمه ومافيني شي سويت في مستشفى الحكومي
اشعه على المبايض وقالو لي حمدالله ماعندك تكيس وبعدين رديت بعد فتره رحت حق دكتوره
عياده خاصه سويت اشعه بعد حق المبايض وقالت لي مافيج شي ماعندي تكيس والحمدالله
بعد ماكنت مقتنعه انا متاكده فيني شي معقوله ان مافيني شي المهم بعدين رحت حق دكتوره خاصه والحمدالله سوت لي فحص عن طريق المهبل وطلع عندي حجم البويضات صغيره وتكيسات
وانا الحين اتعالج وهاي الشهر الثاني من ابتديت في العلاج حمدالله على كل حال الشهر الي طاف كان عندي امل ان البويضات يكبرون بس للاسف ماكبرو قد الحجم المطلوب ورديت ابتديت هالشهر في العلاج من جديد حمدالله على كل حال الله يكتب لنا الحمل ان شاءالله قريبا . يا اختي كلام الدكاتره يحير ان رحنا حكومي ما حصلنا اهتمام وقلنا عنهم مب شي وان رحنا خاص قالو لنا فينا وفينا علشان الافلوس بس في النهايه الله بيده كل شي سبحانه وتعالى كل شي باراده الله سبحانه وتعالى

انش الله يرزقج الذريه الصالحه ويرزقنا ويفرحنا ااااااامممممممممممممممين

اوصيك بقرأه سوره البقره عند قيام الليل وتكثرى من الاستغفار انا مثلك محرومه من كلمه ماما وربنا يصبرنا جميعا انشاء الله انا باديه فيها وانشاء الله حواصل فيها لمده اربعين يوما

انا مثلك الحين بكمل 3 سنين ولين الحين ماحملت والحمدلله على كل حال وماخليت دكتور الا ورحت له وحتى المسادات رحت عندهم الكل يقول عندي تكيس وحلها بالابر ويلا خذينا الابر والحبوب لين ماخر مره صادني نزيف من كثر الابر والحين سويت حجامه والله كريم يارب يرزقنا الذريه الصالحه وزوجي الحين يفكر نروح للاردن للعلاج وانشالله احمل قبل لا اروح للاردن يارب الله كريم وحبيبتي كثري من الاستغفار والدعاء عسى الله يرزقج

عزيزتي ........ هل سبق وعملتي حقن مجهري ؟؟؟ أو أطفال أنابيب ؟؟؟

هذه الطرق في العلاج مفيدة بعد الله سبحانه وتعالى في مثل حالتك

لأن تأخر حملك غير معروف الأسباب .....

ياهلا وغلا ومسهلااااا بوجودكم
منورين ومشكورين كلكم على الدعاء لى

وانا صراحتا قريت سورة البقره مره عشر ايام وقطعت
وبعدها كملت تقريبا شهر الا كم يوم وقطعت

وان شاء الله احاول اكملها اربعين يوم

ورحت للمساده وعملت لى

بس اللى ماعملته الابره المجهريه والانابيب
ماقد سويتهاااا الله كريم

لكن وربي مومعروف وش محيرنى
قالو اقري على نفسك

وقريت

بس مااعرف ناس تقول فيك يمكن حسد او نفس
والله العااااالم


وباذن الله الدعاء والاستغفااار
راح اداوم عليهم

والله يرزقنا جميعا

الله يخليكم بنااااات ادعووووولي من قلبكم
قلبي بيتقطع على الطفل

اتمنى مااكون محرومه ويارب كل البنات اللى يتمنون ربي يرزقهم
وياجعلنا مومحرومااااااات

الله يرزقك الذرية الصالحة ياااااارب

انا مثلك رحت كذا مستشفى وكل وحدة تعطي علاج على كيفها .. واخر شي رحت لاستشارية ارتحت لها من اول ماشفتها وقالت انت سليمة .. وزوجي بعد سليم ... الحمدلله
دخلت السنة الرابعه من الزواج .. وسويت كل الي اسمع به ,, و مانملك غير الدعاء

انا بعد يجيني حالة ملل من الاستمرار في قراءة القرآن ... لكن اذا ماقريت استمع للتلاوة



يااااارب يارحمان يارحيم ارزق كل محرومة الذرية الصالحة السليمة ياااااااااااااااااااارب

الله يرزقك ويرزقنا بالذرية الصالحة

ويفرج همج

مافي حل الا مثل ماقلتي رحمة رب العالمين

عليج بالدعاء والاستغفار

الله يرزقج الذرية الصالحـة يآرب عاجلاً غير آجل

الحمد لله على كل حال انا الان كملت سنه ومافي حمل والسبب غير معروف

ايوالله صادقة الدكاترة مافيهم خير الا قله منهم .. والله ياارب انت العالم بالللي قاعد يصير فينا والله يرزقنا كلنا الحمل قبل رمضاان ياارب ياارحمن (( ربي لا تذري فردا وانت خير الوارثين ))

الله يرزقك يا اختي في القريب...يارب

اناكملت 3سنوات وتعالجت وسويت فحوصات انا وزوجي واثنينا سليمين
الحمدلله على كل حال
وكنت اتمنى طفل بحضني ونفسيتي تعبت وبعدها خليت امري لرب العالمين
وداومت على سورة البقرة صاراليحين9شهوروالاستغفاروربي كريم
والله العظيم تاخرت بعدها الدورة علي وانا دورتي قصيرة وحسيت شي في بطني والم بظهري
والله ابكي كاني طفلة من الالم وبعدها نزل مني دم خفيف فكرتها الدورة
واروح اخذ لي كاس عنزروت واشربه وبعدها بساعتين ادخل الله يعزكم الحمام الا وتطيح مني قطعة دم
وحولها حبل صغيروالله بكيت من شفتها اغمي علي بالحمام اله يكرمكم
وسالت وحدة قالت لي هذاجنين واسقطتي
يومها وربي تعبت وانهرت قالت لي لانك اخذت العنزروت وهذا اللي طيحه منك
قلت ربي موكاتب والحمدلله على كل حال وربي يعوضي بغيره بس وربي تمنيت انه يظل في بطني
بس عسى ان تحبواشيئاوهوشرلكم وعسى ان تكرهواشيئاوهوخيرالكم
الله كريم وربي يرزقنا بالذرية وعليك اختي بسورة البقرة والاستغفاروان شاء الله نسمع عنك حامل
ونسمع عن كل وحدة انها حملت وربي كريم ان شاء الله

الله يرزقك ويرزق كل خواتي يارب