بسم الله الرحمن الرحيم
السلام عليكم و رحمة الله و بركاته
أولاً خواتي السموحه على المغثه و ما كتبتلكم هنيه الا طلباً لـ المشوره
قصة ربيعتي والله مب عارفه من وين أبداها ...
هاي ربيعتي واللي فرضاً بسميها " ريم " كانت ويايه من زمااان يعني من أيام الإعداديه
و اتعرفت عليها لانها كانت يايه بنت يديده في صفنا، و استوت علاقتنا شرات الخوات
أي مناسبه اسيرلها و دوم نسأل عن بعض و جيه ...
عاد عقب ما مرت الأيام و السنين أنا دشيت الجامعه و عرست و يبت بنت، و وقفت تميت ما أسير الجامعهـ
و ريم في هذاك الوقت وقفت دراسه يعني اتخرجت من الثانويه و تمت في البيت كمن سنه
عقب ردت تكمل دراستها و دشت الكلية، المهم هي اتعرفت على بنت من النت و بنات من الجامعه اتعرفون " الشلل الفاسده " اللي يسوّنها البنات،،،
المهم هالبنت اتغيرت 180 درجه ! و هي مب اللي اعرفها، بتسئلون كيف؟
اتخيلوا يا بنات من يوم اتعرفت على هالبنت نستني و لا جنها اتعرفني و انا دايماً اعطيها اعذار و اقول مسكينه يمكن مشغوله بالجامعه و الا ما عندها وقت، يعني الدنيا مشاغل ما بتكون فاضيتلي 24 ساعهـ
و هالبنت استوت ربيعتها مثل ما هي اتقول بس اللي انا اكتشفته انها " حبيبتها " !
مره سرتلها البيت، و عادي نرمس و جيه فـ كنا فاتحين اللابتوب و يالسين ع النت قامت عطتني سيديات و كانت تبى اتراويني صورة ولد اخوها النيو بورن بيبي، و قالت لي انا بسير اييب العصير و انتي دوري الصور بتلقينهن في هالسيديات ..
و انا وحليلي ع نياتي، حطيت اول سي دي، إلا أشوفلكم صور تشيب شعر الراس!
والله بنات انصدمت الا انصعقت، صور لها متكشفه بدون ملابس! و بـ مواضع إغراء و الا حاطه ورده في حلجها .. أو مصوره بطنها ! و غيره و غيره و غيره ...
استغربت جداً و ما رمت اكمل شليت السي دي و حطيته ...
يوم هي ردت سألتني لو جفت الصور... قلتلها لا ما جفتهن، بس جافتني اتغيرت و ويهي انجلب! تمت تسألني شو بلاج و جيه، لين قلتلها تبين الصراحه انتي ربيعتي من زمان و جيه شو هالصور اللي متصورتنها في هالسيدي ؟ لاحظت ع ملامحها اتغيرت و ويها انجلب و تمت تعرق و تنشف و قالت اووووه، لا والله فهمتي غلط! ترى انا كنت اسوي ريجيم و صورت عمري ابى اجوف كم ضعفت !!
انا ما اتحملت انها يالسه تخرط عليه ع بالها ياهل، قلتلها : اللي يبى يعرف لو ضعف او لا يجوف عمره في المنظره او يوزن نفسه ع الميزان مب يصور عمره و يحط صوره في سيدي !
هنيه هيه صخّت بها الدنيا و ما جاوبتني ... المهم تميت انا عندها شويه و ما استحملت و رديت البيت ...
و عقب الا اسمع من ربيعاتنا الثانيات انه السالفه منتشره انه عندها حبيبه و انها مسويه عمرها بويه في هالعلاقه و الله يا بنات ما كنت متوقعه منها هالشي أبداً أبداً و هي البنت المتحجبه المحتشمه، أيام الثانويه انا ما كنت اتحجب و اطلع قصه، و هي اللي تنصحني و اتقوللي اتحجبي لين ما اتحجبت ...
و اتخيلوا كنا كل رمضان نتسابق منو بتختم المصحف قبل، و الحين توصلبها المواصيل لين هاي الدرجه ؟
استغفر الله، و صدق سبحان مغير الأحوال، فعلاً شي غريب ...
لا تقولون انصحها ترى يعلم الله كل ما أبى انصحها او انغزها هي ما تقر بهالشي و لا تعترفبه و انا متأكده منه مليون في الميه بالإضافه إلى محادثات شفتها ترمس فيها ربيعتها مادري حبيبتها ! و عرفت أنهم استغفرك يا رب " نايمين مع بعض "... اسغفرك يا ربي ... و انها مطرشتلها الصور و تسألنها عن رايها !
يعني شو أقول و شو أخلي، اتعرفن يوم خلاص اتحطن في بالكن انه هالبنت هي آخر بنت في الكون تسوي هالشي؟ انا جيه كنت حاطتنها و الحين صدق صدق منصدمه من الخاطر منها و من تصرفاتها، في نفس الوقت ماروم اخليها لأنه اللي تسويه منكر و أنا لازم أحاول أغيره ...
شوركن بنات ؟ تراني صدق تايهه :confused:
اختكم
السلام عليكم و رحمة الله و بركاته
أولاً خواتي السموحه على المغثه و ما كتبتلكم هنيه الا طلباً لـ المشوره
قصة ربيعتي والله مب عارفه من وين أبداها ...
هاي ربيعتي واللي فرضاً بسميها " ريم " كانت ويايه من زمااان يعني من أيام الإعداديه
و اتعرفت عليها لانها كانت يايه بنت يديده في صفنا، و استوت علاقتنا شرات الخوات
أي مناسبه اسيرلها و دوم نسأل عن بعض و جيه ...
عاد عقب ما مرت الأيام و السنين أنا دشيت الجامعه و عرست و يبت بنت، و وقفت تميت ما أسير الجامعهـ
و ريم في هذاك الوقت وقفت دراسه يعني اتخرجت من الثانويه و تمت في البيت كمن سنه
عقب ردت تكمل دراستها و دشت الكلية، المهم هي اتعرفت على بنت من النت و بنات من الجامعه اتعرفون " الشلل الفاسده " اللي يسوّنها البنات،،،
المهم هالبنت اتغيرت 180 درجه ! و هي مب اللي اعرفها، بتسئلون كيف؟
اتخيلوا يا بنات من يوم اتعرفت على هالبنت نستني و لا جنها اتعرفني و انا دايماً اعطيها اعذار و اقول مسكينه يمكن مشغوله بالجامعه و الا ما عندها وقت، يعني الدنيا مشاغل ما بتكون فاضيتلي 24 ساعهـ
و هالبنت استوت ربيعتها مثل ما هي اتقول بس اللي انا اكتشفته انها " حبيبتها " !
مره سرتلها البيت، و عادي نرمس و جيه فـ كنا فاتحين اللابتوب و يالسين ع النت قامت عطتني سيديات و كانت تبى اتراويني صورة ولد اخوها النيو بورن بيبي، و قالت لي انا بسير اييب العصير و انتي دوري الصور بتلقينهن في هالسيديات ..
و انا وحليلي ع نياتي، حطيت اول سي دي، إلا أشوفلكم صور تشيب شعر الراس!
والله بنات انصدمت الا انصعقت، صور لها متكشفه بدون ملابس! و بـ مواضع إغراء و الا حاطه ورده في حلجها .. أو مصوره بطنها ! و غيره و غيره و غيره ...
استغربت جداً و ما رمت اكمل شليت السي دي و حطيته ...
يوم هي ردت سألتني لو جفت الصور... قلتلها لا ما جفتهن، بس جافتني اتغيرت و ويهي انجلب! تمت تسألني شو بلاج و جيه، لين قلتلها تبين الصراحه انتي ربيعتي من زمان و جيه شو هالصور اللي متصورتنها في هالسيدي ؟ لاحظت ع ملامحها اتغيرت و ويها انجلب و تمت تعرق و تنشف و قالت اووووه، لا والله فهمتي غلط! ترى انا كنت اسوي ريجيم و صورت عمري ابى اجوف كم ضعفت !!
انا ما اتحملت انها يالسه تخرط عليه ع بالها ياهل، قلتلها : اللي يبى يعرف لو ضعف او لا يجوف عمره في المنظره او يوزن نفسه ع الميزان مب يصور عمره و يحط صوره في سيدي !
هنيه هيه صخّت بها الدنيا و ما جاوبتني ... المهم تميت انا عندها شويه و ما استحملت و رديت البيت ...
و عقب الا اسمع من ربيعاتنا الثانيات انه السالفه منتشره انه عندها حبيبه و انها مسويه عمرها بويه في هالعلاقه و الله يا بنات ما كنت متوقعه منها هالشي أبداً أبداً و هي البنت المتحجبه المحتشمه، أيام الثانويه انا ما كنت اتحجب و اطلع قصه، و هي اللي تنصحني و اتقوللي اتحجبي لين ما اتحجبت ...
و اتخيلوا كنا كل رمضان نتسابق منو بتختم المصحف قبل، و الحين توصلبها المواصيل لين هاي الدرجه ؟
استغفر الله، و صدق سبحان مغير الأحوال، فعلاً شي غريب ...
لا تقولون انصحها ترى يعلم الله كل ما أبى انصحها او انغزها هي ما تقر بهالشي و لا تعترفبه و انا متأكده منه مليون في الميه بالإضافه إلى محادثات شفتها ترمس فيها ربيعتها مادري حبيبتها ! و عرفت أنهم استغفرك يا رب " نايمين مع بعض "... اسغفرك يا ربي ... و انها مطرشتلها الصور و تسألنها عن رايها !
يعني شو أقول و شو أخلي، اتعرفن يوم خلاص اتحطن في بالكن انه هالبنت هي آخر بنت في الكون تسوي هالشي؟ انا جيه كنت حاطتنها و الحين صدق صدق منصدمه من الخاطر منها و من تصرفاتها، في نفس الوقت ماروم اخليها لأنه اللي تسويه منكر و أنا لازم أحاول أغيره ...
شوركن بنات ؟ تراني صدق تايهه :confused:
اختكم