الزواج او العنوسة؟

هلا اخواتي حبيت افضفض معكن بالي احس فيه لاني حاسة باني بختنق ودموعي اربع اربع :cry:
أنا يا اخواتي في نهاية العشرينات ومن الان اسمع كلمة عانس وجدتي (أم أمي) تحاول تضغط علي لولد اخوها (لاننا ما نتزوج الا من العائلة حتى لو جاء لنا برة العائلة وكان فيه كل المواصفات الزينه يرفضونه):sad:
الله يسلمكن ولد اخوها اصغر مني ب 3 سنوات تقريبا وغير كذا مب دارس ولا يشتغل (لكن سمعت الان انه يشتغل بوظيفة بسيطة ويدرس) وانا ما مقتنعه فيه ولا في اهله (ابوه متزوج وحده اكبر منه بعدين طلقها ورماها هي واولادها بعدين تزوج ثانية....وهو من الحرمة الثانية...والان جاب على حرمته وتزوج يمنية اصغر منه ب50 سنه تقريبا) وغير كذا بين الاخوان (اكثر من20 ولد وبنت) مشاكل وحساسية وابوهم عايش كيف اذا توفى وغير ان وضعهم المادي والاجتماعي على قد حالهم وما أقدر أكيف نفسي معهم.
أنا يا اخواتي عايشة بوضع مادي جيد جدا (والحمدلله) وموظفة وعلى قدر من الجمال بس حظي كذا. والله نفسيتي كلش تعبت من الموضوع ( فوق سنتين ونصف) وهو ببلعومي وجدتي تضغط علي وتجرحني بكلامها مثل مفروض تحطونه بعيونكم وتشيلونه على رأسكم انه خطبك وأول ما شافك اعجب بك وانت اول ما تقدم لها والف وحدة تتمناه (مع انه متقدم لي اثنين من قبل وواحد منهم ولد عمي جامعي وموظف واكبر مني ب6 سنوات وتقدم لي3 مرات بس رفضت لاسباب منها ما كانو اهلي متشجعين له واخواته ما المشاكل وما يحبو امي وغير كذا جدتي ما قصرت من الضغط علي لكي ارفضه والاهم اني صليت صلاة الاستخارة واقتنعت من نفسي ارفضة) قلت: لها اوكي ما يشتغل ووين بنسكن. قالت: ابوك يشغله مثل ما ساعد يشغل غيره ولا اهتمو فيكم ويسكن معكم او ابوك يأخذ لكم شقة. :eek2: أنا صرت الرجل؟؟؟
لما حست اننا ما مقتنعين طلبت من خوالي وازواج خالاتي يساعده ويدورو له على شغل وقالت لاهلي: هو بيصرف على بيته وهو ما داخل على طمع (لاني قلت لها انه داخل على طمع) وحتى لو مامصدقين خذو راتبها قالت امي: كيف بنأخذ راتبها وغير كذا كيف بيعشو مع هذا الغلا. قالت: بس عشان تطمئنو انه يريدها مب طمعان. لا ابوي ولا امي كانو مقتنعين فيه وقالو نتمنى الافضل بس نخاف عليك من الزمن واحنا ما بندوم لك (الله يطول بعمارهم ويحفظهم) وبيروح قطار الزواج وتبقي بمحطى العنوسة والله افضل اعنس ولا اتزوجه لدرجه اني كرهت اسمه واحس قلبي بينفجر وبضيق لما اسمع طاريه. :sad::cry:
بتقولو لي صلي صلاة الاستخارة صليت ولسه ما مقتنعه وجدتي تقول لي: انت مب متدينه وانا حرمه صالحه واحس انه هو خير لك واسمعي اللي اكبر منك افهم منك واللي ما يسمع كبيرة يقل تدبيرة قلت لها: ولو بعد ما يكون نفسه وساعدته يمكن يكون مثل ابوه. قالت: وانت شو يهمك بعدين بيكونو عندك اولاد وبيكونو سندك بدل ما تبقين على زوجات اخوانك. قلت لها: لو كان كذا يا ليت وافقت على ولد عمي وهو مب الف وحدة تتمناه يدور له على غيري حلال عليه ما اريده.
قبل لما كان ولد عمي يريد يكلمني ويقنعني فيه رفضت اكلمه ومع هذا الشخص تريدني اكلمه وجها لوجه. كم مرات اكلمها وارفض وما تريد تقتنع وتقول لامي: اجبريها انتي ما عندك سلطة عليها لا تخلي بنتك تضحك عليك ترى ما تعرف مصلحتها وهبله :pain: وتسألني: شو انتي تفكري تتزوجي واحد من العاصمة انسي انت لازم تتزوجي من العائلة (ترى احنا عايشين بالعاصمة وكل صيف ننزل لمنطقتنا)
وهو ما مقصر نشر للناس انه خطبني ويقول لاخوي قبل ما أنتشر الموضوع: انتم خبرتو احد؟ قال له اخوي: لا. قال: يمكن اختك خبرت عشان تأخذ اكثر من رأي لان عمتي (جدتي) ما خبرت مع ان جدتي دخلت خالاتي وخوالي وزوجاتهم عشان يقنعوني والا اتفاجئ اني صرت مخطوبة :angry: ولما يسألونه انت تريدها يقول أنا واهلي نريدها وهم كمان يريدوني :mad2: ( مع انه يعرف اني ما اريده وطلب يكلمني ليقنعني ) وامه واخواته ما اتصلو فيني ولا حتى اتصلو بأمي وباركو لها بالعيد ولا في خطوبت اخواني وسألت جدتي: قالت مساكين يستحو (تطلع لهم 100 عذر) شو أعمل قرب اجازة الصيف وأنا متحملة الكلام وأنا بعيدة كمان أتحمل كلام ومحاضرات ثانية وأنا قدامها.