تقدري تعيشي مع زوج يعايرك بأهلك 24 ساعة ودايم يقول لك مافيهم رجال؟

السلام عليكم ورحمة الله وبركاته

هلا عزيزاتي عروسات عروس

بصراحة انا أول مره راح أكتب عن مشكلة تخصني من مليون مشكلة


وحابه انكم تساعدوني فيها


وهي طبعا تخص زوجي


بالنسبة لزوجي عنده غرور مو طبيعي بنفسه ودايم مايشوف في هالدنيا الا هو

واهله ودايم في صف اهله حتى لو ضدي حتى لو كان الغلط فيهم


وعمره ما يرضى اتكلم عن اغلاط اهله وهو مايصدق على الله يمسك على اهلي شي

واي شي يدري عنه بخصوص اهلي ويحس انه ضدهم يظل يمسكه عليهم

ويجلس يعايرني لدرجة انه يقول عن رجال اهلي من خوال وعمام واخوان وحتى ابو انهم

مو رجال وان الرجال هو واهله ودايم يشوف نفسه واهله فوق وانا واهلي تحت

مع العلم ان وضعهم مو اوكى ومشاكلهم ماتخلص

وعلى فكرة ماحد من اهلي غلط عليه في شي بس يكره اهلي

ويحقد عليهم ومره شاف محادثات ماسنجرية لثنتين من خواتي الله يهدين مع اولاد وكان الكلام مو اوكى لما جلسوا عندي في اجازة الصيف الي راح وقلب الدنيا كلها وقبل مايشوف المحادثات

كان قالب وجهه قدام اهلي ولا يرضى ان اي واحد من اخواني الصغار يلمس بنتي او يشيها او حتى يبوسها

كان محرجني عند اهلي لدرجة ان امه لما تجي عندي معطيها راحتها في كل شي تطلع تروح المحلات الي عند البيت وترجع عادي وانا يقول لي قولي لامك لا تطلع من البيت تخيلوا؟
اهلي لاحظوا انه متضايق منهم
لدرجة انهم قالوا ماراح يجوا بيتي في الاجازات

ومن الاجازة الي راحت وهو يعايرني بخواتي وخالتي واخلاقهم مع العلم ان خواتي الي غلطوا فيه انهم كلم شباب يعني ما طلعوا ولا مشيوا طريق غلط الله يهديهن وعلى فكرة ترى زوجي

قبل ما احمل في بنتي الثانية كان له علاقات وطحت عليه مرات كثيره يخوني بالجوال والنت

لدرجة انه خاني مره مع وحده قريبة لي مره ولما اكتشفت علاقتهم ببعض قال لي انا مو قصدي

خيانه انا بس كنت ابي اقنعك انها وسخه وقليلة ادب لانه كان يبيني اقطع علاقتي فيها

وانا اقول له لا وماعندي سبب اقطع فيه علاقتي بها تخيلوا الدناءة فيهم

المهم له يمكن سنة واشوي الله هاديه عن سوالف البنات

بس من جد كرهت معايرته لي باهلي وانه هو واهله غير عن كل الناس والمشكلة ان اهله

كلهم عيوب وعلى فكرة لي يمكن 4 شهور باعده عن اهله لانهم ضروني كثير

وتخيلوا حتى شغالتي الي جبتها على كفالتي وبفلوسي اخذها اول ماطلعت من اربعيني

وحطها لابوه ما كلفوا نفسهم يستقدموا له وهم عارفين ان اهلي بعيدعني واشتغل اخذوا

شغالتي وتركوني بدون شغالة ولما تكلمت وقلت ابيها طلعت مو زينة ولا اقدر وقالوا عني

كلام كثير صرت اخذ شغالتي مره او مرتين في الاسبوع ومايمر عليها ساعتين من اخذها الا

دقوا قالوا جيبوها محتاجينها

غير كذا مبدي اهله علي وعلى عيالي وعلى فكرة عمري ما منعته عنهم لدرجة انهم

لو احتاجوا شي وهو ماعنده فلوس ياخذ من عندي ولا مره طالبته بهم

كنت اعزمهم حتى وانا تعبانة واقوم فيهم اكثر من اهلي لم يجوا عندي حتى وانا حامل

في الاخير ضروني وقبلهم زوجي

صارت مشاعري تجاهه باردة صرت اكره حتى ان يطلبني كزوجة

افكر كثير بالطلاق بس حالف انه يسحب بناته وانا روحي فيهم

بس بصراحة ماقدر اتحمله اكثر حتى انه يمد يده علي

واليوم تضاربنا فب السيارة واحنا رايحين الدوام ورجعت البيت بلموزين رحت اخذت بناتي

من عند اهله ورجعت البيت



هذا بس مختصر صغير عن حياتي معه

وعلى فكرة دايم يغلط علي بالكلام ودايم يقول ان مستوى تفكيره اعلى مني بكثير

وانا انا تفكيري محدود وووووووووووووووووووو


في النهاية غثيتكم بمشاكلي بس ياليت ماتبخلوا علي بإرائكم


لاني احس اني مليت منه وطفشت

ومن جد افكر فعلا بالطلاق