تجربتى مع بنتى

السلام عليكم ورحمة الله وبركاته
احب اعرض لكو تجربتى مع بنتى فى حفظ القران الكريم اولا انا بنتى عمرها سنتين و3شهور وبقالى فتره باحاول معاها فى حفظ القران الكريم والحمد لله حفظت الفاتحه والاخلاص والمعوذتين بس انا بارددهم لها من حوالى 6 شهور لكنى اكتشفت ان البنت ممكن تحفظ سوره صغيره فى اقل من اسبوع لانى كنت باحفظها سورة المسد وكررتهالها يومين وفجاه واحنا جايين ننام لقيتها بتسمعها كلها مع نفسها ففرحت اوى واكتشفت انى ممكن احفظها فى مده اقل مما كنت متوقعه وقولت لازم استثمر صفاء ذهنها ف السن ده قبل ما تروح الحضانه او المدرسه ودماغها تنشغل وتتملى بالعلوم الدنياويه تعرفوا ان السن ده احسن سن لتلقى المعلومات يعنى مثلا نقدر نحفظ ابنائنا القران ونغرس فيهم القيم الجميله ولو حتى بالكلام اللى مع مرور الوقت هيفهمو معناه تعرفو ان بنتى حاليا اول مابتسمع الاذان تجرى تقول لباباها يلا يا بابا قوم صلى مسجد وبقت تردد الاذان صحيح كلماتها مش صح لكن مع مرور الوقت لما تعرف تتكلم كويس هتقول الحاجات دى بشكل صحيح انا دايما اقولها ان كل حاجه بيجبها بابا ربنا اللى بيديهالو وهو بيديها لمريم(اللى هى بنتى) لانها طبعا مش هتفهم يعنى ايه ربنا بيرزق بابا وحاليا لما اقول لها مين جابلك الحاجه دى تقولى ربنا :D وبالنسبه لانها بتخاف من الاطفال ولو حد ضربها مبيبقاش لها اى رد فعل غير انها تستخبى او تمسك فيا او فى باباها قولتلها يا مريم يا حبيبتى لو حد ضربك ابعديه عنك وسيبيه وامشى وقوليلو كدا حرام اللى بيضرب حد ربنا مش بيحبه لانى طبعا مش عاوزه اقولها اللى يضربك اضربه لانها هتطلع تحس ان الدنيا غابه البقاء فيها للاقوى وفؤجئت تانى يوم انها بتقول لباباها اللى بيضرب مريم وحش وربنا مش يحبه علشان كدا حرام ومن خلال حاجات كتير بتعملها مريم اكتشفت ان الطفل بيستوعب المعلومه وبيخزنها وتلاقيه بيطلعها بعد كدا لوحده ..............والله احنا عندنا باب كبيييييييييييييير لدخول الجنه وهو تربيتنا الاسلاميه لابنائنا يا ريت كل واحده تستغل الفرصه دى
انا فى انتظار تجربة كل ام مع ابنها او بنتها كل واحده تحكى علشان تعم الفائده للجميع ولها الاجر والثواب