مرحبا .. بنات الامارات

أختي ممكن توضحي أكتر انتي من اي بلد و اي مدينة و شو مؤهلك و هكذا عشان البنات يقدرو يفيدوكي.
و تذكري ان الوظيفة بيد الله سبحانه وحده

الله يوفقج اختي

ويوفقنا جميعا وانحصل الوظيفة اللي نتمناها

مشكورات فديييتكن وماقصرتن .....

انا من الامارات من العين تحديدا متخرجه من الجامعه

السلام عليكم..

ختيه بدل ماأنتي يالسه فالبيت

ليش ماسجلتي في برنامج إبداع (برنامج خاص لخريجي الجامعات)

شيء أحسن من لا شيء..منه تاخذين كورسات فري من دون ماتدفعي درهم واحد

وبعدين هم طول فترة التدريب (أربع شهور) يعطونج 250 درهم شهرياً..

وعقبها هم يدورولج وظيفة..وحتى لو ماحصلولج وظيفة تكوني فهالفترة خذيتي

دورات تنضاف للسيرة الذاتية مالتج بدل قعدت البيت..

وفيه بعد برنامج توطين للتأهيل الوظيفي..نفس نظام ابداع بس هذا لكل المستويات

الدراسية حتى إللي ماعنده شهايد مووول..ويتموا يعطوج 250 درهم لحد مايحصلون

لج وظيفة..منها تدرسين إنجليزي وتقوين لغتج وبعد يعطوج دورات غير

وفيه وايد برامج تأهيل وظيفي تستغلين فيه وقتج لحد ما الله يرزقج بوظيفة زينه

نحن بنات العين المشكلة الوظايف نادرة..والسبه قلة الشركات عكس العاصمة

فأقولج غناتي لا تضيعين وقتج فالبيت من دون شغلة ولا مشغلة..

دشي أبداع أو توطين أو برنامج طموح أو مينا

وربي يوفقج ويوفق الجميع

هلا فديييتج مشكوره ع الاهتمام بس انا دشيت برنامج ابداع ومثل ما انا ماتغير شي صح شهايد بس وين الي بيشغلك ....؟؟؟؟؟؟؟؟؟؟؟؟؟؟؟؟

الله يوفقج اختي ويوفقنا وياج

انا متخرجه هالكورس ومن فتره طويله راكضت في معارض التوضيف وماخليت شركة ما عطيتهم السي ف مالي وكانو يقولون بنتصل ,,, ولا حد دق

الارزاق بيد الله ولا تزعلين ان شاء الله الله بيعوضج بالوظيفه والراتب الزين

الله يحقق اللي في بالنا و يرزقنا بالوظيفة النظيفة الزينة

الله يرزقك ويرزقنا باللى نستاهلة

روحي الامارات;6317316:
الله يوفقج اختي ويوفقنا وياج

انا متخرجه هالكورس ومن فتره طويله راكضت في معارض التوضيف وماخليت شركة ما عطيتهم السي ف مالي وكانو يقولون بنتصل ,,, ولا حد دق

الارزاق بيد الله ولا تزعلين ان شاء الله الله بيعوضج بالوظيفه والراتب الزين

غناتي هاللي تسوينه ماينفع..

في معارض التوظيف لاتحطين السي في مالج

لا لا لا

نحن سوينا شراتج من قبل والله ولا حد عبرنا أو سوالنا سالفة

تعرفين شوه تسوين..في معارض التوظيف خذي عناوين الشركات

والمؤسسات الحكومية والخاصة..ورحيلهم بروحج

لأنه معظم الطلبات في معارض التوظيف يفرونهن

خلاص بنات انا صدق فقدت الامل عنبوه بلادنا لو نحن ما بنيناها منوه راح يبنيها نتريا الهنود والوافدين وانا ماقصد الاساءه بس انا احق ببلادنا وبخيرها وبكل ذرة تراب فيها اشوف جدام عيني الوافد ف كل مكان والهنود الا نحن كل مكان ماشي وظايف لنا رضينا باقل الرواتب ودومات مب شي بس قلنا احسن من لا شيء ولا تحتاي لحد الحينه حتى القطاع الخاص ماشي وظايف مب حرام درسنا سنين عمرنا كلها والحينه ماشي مقابل للهدراسه مانقدر نستفيد منها والله حراااام الله يوفقنا ويوفقكن كلكن وان شاء الله نشتغل كلنا ونبني بلادنا بايدنا مب بايد غيرنا

هلا اختي انا من العين .. بس حبيت اسألج انتي شو كان تخصصج والتخصص اللي دشيته مفروض اتلاقين شغل بعدده ..

والل احيده في وظائف شاغرة في البلدية ،، وفيه في الشرطة .. عاد ماادريبج انتي ودي اوراقج هنااك واستني ردهم ...

الله يرزقج الوظيفه الزينه ويرزقنا....ترا كلها أرزاق حبيبتي انتي ادعي كل ليله واستغفري واحسني الظن بالله وكوني واثقه ومتيقنه من ان الله بيرزقج وظيفه بس لاتيأسين^_^

هلا اختي هيه انا من العين وتخصصي نظم معلومات جغرافيه وتخصص مطلوب وايد ونادر بعد انه عيال البلاد يدرسونه ونحن من اولاء الناس الي درسوووه وقدمت ف كل بقعه قلتيها بس ماشي منه وما خليت مكان بمعنى الكلمه بس الله كريم والحمدلله ع كل شي

فلاور مشكوره فدييييييييييييتج وان شاء الله احصل وظيفه ومشكوره وايد

نفس الحـــــــــــــاله .. :(