حبيبتي السموحة إذا تدخلت...
بس اكيد بنت عذاري فديتها راح تجاوب عليج....
حبيبتي ابدي من الحين...شهر و نصف مو وايد بعيد....ابدي ببرنامج ثابت و اكيد راح تلاقين برنامج بنت عذاري للعروس....
اعتمدي علي مقشر وخلطة للترطيب و اكيد راح تلاحظين الفرق بوقت وجيز....
انا عن نفسي كنت اسوي وصفة شهر العسل من بنت عذاري الي بالهردة...تلاقينها بقسم جمالك و الطبيعة ... و ايضاً البيكنج صودا والله روعة...
وكنت اسوي كالآتي... يوم اسوي حمام البيكنج و بعدها امسح كل جسمي بخلطة الجلسرين و الليمون الحامض و ماء الورد كميات متساوية و انام...الصبح اسوي وصفة شهر العسل و امسح بعدها جسمي بخليط من الجلسوليد و زيت اللوز المر و عصرة ليمونة و شوي بودرة اطفال....
هذا بخصوص الجسم...
ام الويه فويهي حساس و دهني حيل.... كنت معتمدة ع مراهم من الدكتورة لأني سويت تقشير...
ام الشي الي وايد نفعني هو محلول بنت عذاري للقضاء علي الحبوب...ماء الورد و خل التفاح....صج روعة... حتي لو ما كنتي تعانين من الحبوب انصحج فيه...
ومن القناعات الروعة بعد بياض البيض مع ملعقة صغيرة قهوة سادة....بن عربي بدون اي اضافات كنت اشتريه من المحمصة اللبنانية بأبوظبي... بس بدون بهار مثل الهيل و غيرة...و ملعقة صغيرة ليمون...بعد انظف ويهي كنت احطة مرتين بالاسبوع ..
ايضاً خيار خيالي من بنت عذاري يعطي نضارة و حيوية....
حبيبتي المنتدي فيه مليون وصفة...خصصي لج شي ساعة و اكتبي الوصات الي تعيبك و نفذيها فوراً حتي تعرف شنو ينفع وياج و شنو ما ينفع
الله يوفقك و يتمم لج بخير يا رب....
والف مبروك مقدماً
مشكوره فديتج ع المعلومات اللي افادتني والله يعطيج العافيه وماقصرتي