ليلتي الحمراء الرائعه .. المذهلة ! بالصور ..

في ليلة من احلى ليالي حياتي .. طغى الاحمر على ملامحها .. و توردت فيها مشاعر ذاب الحب خجلا منها .. !

اخذت بعض اللقطات منها .. لكن اخواتي في الله .. لتستفدن .. و تفرحن كما فرحت !

لترددي اختي .. ماشاء الله .. و الصلاة على محمد و آل محمد !



بسم الله الرحمن الرحيم ..

هذي الحفلة بمناسبة مرور اربع سنوات على زواجنا ! ادامنا الله لبعضنا !

هذي الغرفة على اضاءة الشموع و الابجورة الحمراء !



صورة أقرب للطاولة !



و هنا بالفلاش !



هذا الكرسي رتبته بشكل بسيط بدون تكلف .. طبعي احب البساطة !



هديتي لزوجي !



و هنا بعد ما فتحها .. !



و الكيكة .. صغيرونة على قدنا .. ! و للأسف الشمعه رقم اربعه مو واضحة !



شهادة التقدير .. فكرة رائعه من منتدى عروس الرائع !



باقة الورد .. احب الروز الاحمر .. بس للأسف الفلبينية كانت مغرورة و ما عطتني فرصة اشرح لها الشكل اللي ابيه ! بس الحمدلله بالنهاية اقتنعت فيها !



زاوية من الغرفة .. التصوير شوي ظالمها .. هي احلى !



و هذي الثانية !



البالونات اللي نحشرت بعدين بزاوية وحدة من الهواء !



هذي القلوب من شغل بنت خالتي حبيبتي و هي لصقتهم بيدينها !




بالنهاية !

كنت عروس من جديد .. ! لبست فستان زفاف .. كان شي مميز !

هذا هوو ..



من قريب !



و ها الاكسسوريز .. طبعا بالطبيعه واجد احلى .. و لمعته مو طالعه بالصورة !



و كان مكياجي احمر .. و شعري مموج .. مع هذي الوردة على جنب !



و آخر شي لما لميت الاغراض .. ما عزت علي نفسي اقط الورد اللي مغلف هديتي لزوجي .. و خليته بهالشكل في رف من المكتبة مع الشموع !



اتمنى اكون افدتكم .. و لي نصيحة لكل اخواتي بتجربة شيء مثل هذي الليلة .. لانها تفتح باب اكبر للسعادة .. و ترجع لك ذكرى رائعه .. ليلة الزفاف .. !

عيشي ليلة هانئة .. !

و ادعو لي بأن اكون زوجة صالحة و مثالية لزوجي .. و ان يدوم الحب بيننا و يبقينا لبعضنا .. و يجعل ابننا ذرية صالحة .. !

(f)

أنــثــى !